Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Mien Buak met Bibeljeschichten

POAT #5

Von de Jefangenschoft en Babielon bat de Mia von Jerusalem wada oppjebut wort

Von de Jefangenschoft en Babielon bat de Mia von Jerusalem wada oppjebut wort

Aus de Israeliten en Babielon jefangen wieren, wort äa Gloowen foaken oppe Proow jestalt. Schadrach, Meschach un Abed-Nego worden en eenen jlieejendich heeten Fiaowen nenjeschmäten, oba Gott deed an bewoaren un see kjeemen doa wada läwendich rut. Lota, aus de Meeda un Persa Babielon enjenomen hauden, wort Daniel en eene Leiwheel nenjeschmäten. Oba Gott deed uk am beschitzen un hilt de Leiws de Frät too.

Schlieslich leet Kierus, de Kjennich von Persien, de Israeliten frie un see jinjen trigj no äa Launt. Daut wia krakjt 70 Joa nodäm daut see aus Jefangne wieren no Babielon jebrocht worden. Aus see wada en Jerusalem wieren, fungen see fuaz aun, Jehova sienen Tempel to buen. Oba äare Jäajna hilden de Oabeit boolt opp. Doawäajen dieed daut bie 22 Joa, bat de Tempel entlich foadich wia.

Ojjefäa 47 Joa lota reisd Esra no Jerusalem toom dän Tempel schmocka moaken. Nochmol 13 Joa lota holp Nehemia, de doljebroakne Mia von Jerusalem wada opptobuen. En daut Poat #5 woa wie seenen, waut en eene Tiet von 152 Joa passieed.

 

EN DIT POAT

JESCHICHT #77

See bekjen sikj nich

Wudd Gott de dree junge Mana von dän Fiaowen raden, wiels dee am soo jehuarsom sent?

JESCHICHT #78

De Schreft aune Waunt

De Profeet Daniel lajcht daut ut, waut de vea Wieed aune Waunt bedieden.

JESCHICHT #79

Daniel en de Leiwheel

Daniel sull dootjemoakt woaren. Wudd hee daut haben kunt väabieejen?

JESCHICHT #80

Gott sien Volkj velat Babielon

Kierus, de Kjennich von Persien, erfeld eene Profezeiunk, aus hee Babel enneem, un nu erfelt hee noch eene.

JESCHICHT #81

See veloten sikj opp Gott

De Israeliten jehorchen Gott un nich de Menschen äare Jesazen. Woat Gott dee doafäa säajnen?

JESCHICHT #82

Mordechai un Ester

De Kjennijin Waschti sach et sea schmock. Wuarom muak de Kjennich Ahasveros Ester dan en Waschti äare Städ to de Kjennijin?

JESCHICHT #83

De Stautsmia von Jerusalem

Äwadäm, waut de Mia fresch oppjebut woat, motten dee, waut doa buen, daut Schwieet un de Spiessen äwa Dach uk de Nacht reedhaben.