Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Mien Buak met Bibeljeschichten

POAT #3

Von wua de Israeliten Ägipten veleeten bat dän ieeschten Kjennich en Israel

Von wua de Israeliten Ägipten veleeten bat dän ieeschten Kjennich en Israel

Moses brocht de Israeliten ut Ägipten rut un leid an no dän Boajch Sinai. Dort jeef Gott an siene Jesazen. Lota schekjt Moses twalf Mana no daut Launt Kanaan toom daut utforschen. Oba aus dee trigj wieren, jeewen tieen von dee eenen schlajchten Berecht. Doawäajen wullen de Israeliten wada trigj no Ägipten. Wiels see kjeenen Gloowen hauden, worden see von Gott bestroft un musten fa 40 Joa enne Wiltnis romwaundren.

Schlieslich wort Josua jewält toom de Israeliten en daut Launt Kanaan nenleiden. Daut see daut Launt kunnen ennämen, deed Jehova eenje Wunda. Hee hilt daut Wota vom Jordan Riefa opp, hee leet de Stautsmia von Jericho toopfaulen un leet soogoa de Sonn fa eenen gaunzen Dach stellstonen. Sas Joa lota hauden de Israeliten daut Launt Kanaan enjenomen.

Von Josua aun worden de Israeliten 356 Joa von Rechtasch rejieet. Wie woaren von väle Rechtasch waut lieren, soo aus von Barak, Gideon, Jefta, Simson un Samuel. Wie woaren uk von eenje Frues waut lieren, soo aus von Rahab, Debora, Jael, Rut, Noomi un Delila. Met aules toop haundelt sikj daut Poat #3 von eene Tiet von 396 Joa.

 

EN DIT POAT

JESCHICHT #34

Eene niee Sort Äten

Dit besondre Äten, waut Gott schekjt, felt vom Himmel.

JESCHICHT #35

Jehova jeft Israel siene Jesazen

Woont sent de twee Jesazen, waut wichtja sent aus de tieen Jebooten?

JESCHICHT #36

Daut goldne Kaulf

Wuarom well daut Volkj soont aunbäden, waut von Uarinj jemoakjt es?

JESCHICHT #37

Daut Aunbädungszelt

De Bundeskjist es en de hinjaschte Stow bennen.

JESCHICHT #38

De twalf Spionen

Twee Spionen sajen waut gaunz aundret aus de tieen aundre. Woont woaren de Israeliten nu jleewen?

JESCHICHT #39

Aaron sien Stock blieecht

Woo es daut mäajlich, daut een Stock von eenen Dach bat dän aundren Bloomen un riepe Frucht kjricht?

JESCHICHT #40

Moses schleit dän Steen

Doa kjemt Wota verendach, oba Jehova es vestalt äwa Moses.

JESCHICHT #41

De koppane Schlang

Wuarom schekjt Gott jefte Schlangen, daut dee de Israeliten bieten sellen?

JESCHICHT #42

Een Äsel, waut doa rät

De Äsel sitt waut, waut Bieleam oba nich sitt.

JESCHICHT #43

Josua woat de niea Leida

Wan Moses uk noch stoakj es, wuarom woat Josua dan en siene Städ de Leida?

JESCHICHT #44

Rahab halpt de Spionen

Waut deit Rahab fa de twee Mana un no waut fa eenen Jefaulen frajcht see.

JESCHICHT #45

Derch dän Jordan Riefa

Aus de Priestasch ieescht en daut Wota nenstaupen, passieet doa een Wunda.

JESCHICHT #46

De Mia von Jericho

Kaun een Biet Strank daut väabiejen, daut eene Stautsmia nich omfelt?

JESCHICHT #47

Een Stäla en Israel

Wan doa uk mau bloos een Mensch schlajcht es, wudd daut dan aul kjennen opp een gaunzet Volkj Schoden brinjen?

JESCHICHT #48

De kluake Gibeonita

Josua un de Israeliten hoolen äa Vespräakjen, wan de Gibeonita an uk hauden väajeloagen.

JESCHICHT #49

De Sonn blift stonen

Jehova deit waut fa Josua, waut hee noch kjeenmol ea jedonen haft un uk nich lota.

JESCHICHT #50

Twee forchtloose Frues

Wan Barak uk de Väaschta en dän Kaumf von Israel es, wuarom kjricht Jael dan de Iea?

JESCHICHT #51

Rut un Noomi

Rut velat äa Tus, soo daut see Noomi nich veloten brukt un Jehova deenen kaun.

JESCHICHT #52

Gideon un siene 300 Mana

Gott wält ut, woone Mana nom Kjrich gonen woaren. Woo deit hee daut? Doatoo motten dee Wota drinkjen!

JESCHICHT #53

Jefta sien Vespräakjen

Bie daut, waut hee Jehova vespruak, wia nich bloos hee met en, oba uk siene Dochta.

JESCHICHT #54

De stoakjsta Mensch

Woo kjricht Delila daut rut, wuarom Simson soo väl Krauft haft?

JESCHICHT #55

Een kjliena Jung deent Gott

Gott brukt dän kjlienen Samuel toom Eli, dän huagen Priesta, eene schlemme Norecht brinjen.