Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Mien Buak met Bibeljeschichten

 JESCHICHT #71

Gott vesprakjt een Paradies

Gott vesprakjt een Paradies

OJJEFÄA soo aus dit mott daut Paradies jeloten haben, waut Jehova dän Profeet Jesaja wees. Jesaja läwd kort no Jona siene Tiet.

Daut Wuat ‘Paradies’ meent “Goaden” ooda “Park”. Hast du soont aus dit nich aul ea jeseenen en dit Buak? Lat daut nich meist soo aus de schmocka Goaden, dän Jehova Gott fa Adam un Eva jemoakt haud? Woat de Ieed noch mol een Paradies woaren?

Jehova säd to sienen Profeet Jesaja, hee sull von daut niee Paradies schriewen, wua Gott sien Volkj noch mol wudd bennen läwen. Hee säd: ‘Wilw un Lama woaren toop en Fräd läwen. Kjalwa un junge Leiws woaren toop opp eene Weid grosen un kjliene Kjinja woaren no dee oppaussen. Soogoa een Bäbe woat nuscht nich woaren, wan daut dicht bie eene jeftje Schlang spält.’

Väle sajen: ‘Soont woat daut kjeenmol jäwen. Daut haft oppe Ieed noch emma Trubbel jejäft, un soo woat daut uk emma bliewen.’ Oba denkj mol no: Waut fa een Tus jeef Gott Adam un Eva?

Gott sad an en een Paradies nenn. Daut wia bloos, wiels see Gott ojjehuarsom wieren, daut see äa scheenet Tus veluaren un oolt worden un storwen. Gott haft oba vesproaken, hee woat de Menschen, waut am väl räakjnen, wada krakjt daut jäwen, waut Adam un Eva veloaren haben.

Em Paradies woat kjeena mea aundre wee doonen ooda aules kaputt moaken. Aulawäajen woat daut Fräd jäwen. Aule woaren jesunt un schaftich sennen. Daut woat krakjt soo sennen, aus Gott daut von Aunfank aun haben wull. Lota woa wie noch seenen, woo Gott daut aules doonen woat.

Jesaja 11:6-9; Openboarunk 21:3-4