Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Mien Buak met Bibeljeschichten

 JESCHICHT #20

Dina kjemt em Trubbel

Dina kjemt em Trubbel

WEETST du, no wäm Dina hia spazieren jeit? No eenje Mejalen von daut Launt Kanaan. Weet aus äaren Voda Jakob daut jefelt? Denkj bloos mol doaraun, woo Abraham un Isaak äwa de Mejalen von Kanaan dochten.

Wull Abraham haben, sien Sän Isaak sull sikj met eene Mejal von Kanaan befrieen? Nä, dee wull daut nich. Wullen Isaak un Rebecka fa äaren Sän Jakob eene Mejal von Kanaan? Nä, dee wullen daut uk nich. Weetst du, wuarom nich?

Daut wia, wiels de Kanaanita deeden faulsche Jetta aunbäden. Daut wieren nich goode Menschen toom sikj met dee befrieen ooda dee to goode Frind haben. Doawäajen jefoll Jakob daut gaunz secha nich, daut siene Dochta met Mejalen von Kanaan toop wia.

Daut dieed uk nich lang, bat Dina em Trubbel kjeem. Kaust du dän Maun doa opp daut Bilt seenen, waut doa no Dina kjikjt? Dee heet Sichem. Eenen Dach, aus Dina wada doa hanjinkj spazieren, deed dee ar bemotten, daut see sikj met am dolläd. Daut wia oba gaunz orrajcht, wiels bloos befriede Lied derwen sikj toop dollajen. Dit schlajchte, waut Sichem met Dina deed, brocht noch väl Trubbel.

Aus Dina äare Breeda to hieren kjrieejen, waut doa jeworden wia, wieren dee sea doll. Simeon un Levi wieren soo doll, daut dee jieda een Schwieet neemen, en de Staut nenjinjen un de Mana äwafollen. Toop met äare Breeda muaken dee Sichem un aul de aundre Mana doot. Jakob jefoll daut sea schlajcht, daut siene Junges soont aus dit jedonen hauden.

Wuamet funk dis gaunza Trubbel äwahaupt aun? Daut wia bloos, wiels Dina Frind haud, waut nich Gott jehorchen deeden. Soone Frind well wie leewa nich haben, ooda jo?

1. Mose 34:1-31