Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Mien Buak met Bibeljeschichten

POAT #7

Von wua Jesus vom Doot oppstunt bat Paulus siene Jefangenschoft

Von wua Jesus vom Doot oppstunt bat Paulus siene Jefangenschoft

Jesus wort aum dredden Dach no sienen Doot wada oppjewakjt. Aun dän Dach leet hee sikj fief Mol von siene Nofolja seenen. 40 Doag lank troff hee sikj emma wada met an. Dan fua hee trigj nom Himmel, wäarent eenje von siene Jinja tookjikjten. Tieen Doag lota deed Gott dän heiljen Jeist opp Jesus siene Nofolja utjeeten, waut en Jerusalem wachten deeden.

Eenje Tiet lota stopten Gott siene Fiend de Apostel em Jefenkjnis, oba een Enjel muak an wada frie. De Jinja Stefanus wort von eenje Jäajna jesteenicht. Eenen von dise Jäajna wäld Jesus lota oba to sienen besondren Deena. Daut wort de Apostel Paulus. Dreeunhaulf Joa no Jesus sienen Doot schekjt Gott dän Apostel Petrus no Kornelius. Hee sull dän un siene Menschen prädjen, uk wan daut nich Juden wieren.

Ojjefäa 13 Joa lota jeef Paulus sikj opp siene ieeschte Prädichtreis. Opp siene tweede Reis jinkj Timotäus met am met. Paulus un siene Jesalschoft beläwden en äaren Deenst fa Gott väle intressaunte Sachen. Schlieslich kjeem Paulus en Room em Jefenkjnis. Twee Joa lota wort hee friejeloten, oba dan wada jefangen jenomen, un tolatst wort hee omjebrocht. De Jeschichten en daut Poat #7 sent äwa eene Tiet von ojjefäa 32 Joa passieet.

 

EN DIT POAT

JESCHICHT #102

Jesus läft wada

Aus een Enjel dän Steen von Jesus sien Grauf wajchrolt, sent de Soldoten, waut doa oppaussen, gaunz vebleft, aus dee em Grauf nenkjikjen.

JESCHICHT #103

En eene toojeschlotne Stow

Wuarom kjanen Jesus siene Jinja am nich, aus hee ieescht vom Doot oppjestonen es?

JESCHICHT #104

Jesus foat trigj nom Himmel

Jroz ea Jesus nom Himmel foat, jeft hee siene Jinja noch daut latste Jeboot.

JESCHICHT #105

See wachten en Jerusalem

Wuarom jeft Jesus siene Jinja aune Pinjsten dän heiljen Jeist?

JESCHICHT #106

Utem Jefenkjnis friejemoakt

De judische Gloowesleidasch stoppen de Apostel em Jefenkjnis, om daut Prädichtwoakj opptohoolen. Gott haft oba waut aundret em Senn.

JESCHICHT #107

Stefanus woat jesteenicht

Äwadäm, waut se Stefanus dootmoaken, sajcht hee een besondret Jebäd.

JESCHICHT #108

Oppem Wajch no Damaskus

Een sea dachet Licht un eene Stemm vom Himmel veendat Saul sien Läwen.

JESCHICHT #109

Petrus kjemt no Kornelius

Talt Gott eene jewesse Rauss ooda Volkj fa bäta aus aundre?

JESCHICHT #110

Timotäus woat Paulus sien Helpa

Timotäus velat sien Tus, daut hee met Paulus toop eene besondre Prädichtreis moaken kaun.

JESCHICHT #111

Een Jung wia enjeschlopen

Bie Paulus siene ieeschte Räd schleep Eutiechus en, oba bie de tweede nich mea. Waut tweschen dee beid Räden wort, es een Wunda.

JESCHICHT #112

Eene ojjlekjelje Scheppreis

Aule jleewen, nu es aules vebie, oba krakjt dan kjricht Paulus eene Norecht von Gott, waut am Hopninj jeft.

JESCHICHT #113

Paulus en Room

Woo kaun Paulus sien Woakj aus Apostel derchfieren, wan hee doch faustjenomen es?