Mpitoriteny 1:1-18

  • Tsisy dikany ny zava-drehetra (1-11)

    • Maharitra mandrakizay ny tany (4)

    • Tsingerina eo amin’ny natiora (5-7)

    • Tsy misy zava-baovao etỳ ambanin’ny masoandro (9)

  • Voafetra ihany ny fahendren’olombelona (12-18)

    • Misambo-drivotra fotsiny (14)

1  Ny tenin’ilay mpamory* vahoaka,+ ilay zanak’i Davida, ilay mpanjaka eto Jerosalema.+   “Tena tsisy dikany!”,* hoy ilay mpamory vahoaka,“Tena tsisy dikany! Tsisy dikany ny zava-drehetra!”+   Inona no tombony azon’ny olona avy amin’ny asa mafy rehetra ataony,Dia izay isasarany etỳ ambanin’ny masoandro?+   Lasa ny taranaka iray, ary mandimby azy ny taranaka iray,Fa ny tany kosa maharitra* mandrakizay.+   Miposaka* ny masoandro, ary milentika,Dia avy eo miverina haingana any amin’ilay toerana iposahany indray.+   Mianatsimo ny rivotra, ary mihodina mianavaratra.Mihodinkodina foana izy, ary mihodinkodina tsy an-kijanona.   Mikoriana mankany an-dranomasina daholo ny renirano,* nefa tsy tondraka ny ranomasina.+ Any amin’izay niavian’ny renirano ihany no iverenany, dia avy any indray izy no mikoriana.+   Mandreraka daholo ny zava-drehetra,Ka tsy misy mahavita mitanisa an’izany. Tsy leon’ny mijery ny maso,Ary tsy leon’ny mihaino koa ny sofina.   Izay efa nitranga ihany no mbola hitranga,Ary izay efa natao ihany no mbola hatao.Tsy misy zava-baovao etỳ ambanin’ny masoandro.+ 10  Angaha misy zavatra azon’ny olona lazaina hoe vaovao? Tsy misy fa efa nisy hatry ny ela ilay izy,Efa ela be talohan’izao androntsika izao. 11  Tsy misy mahatadidy an’izay olona efa tany aloha tany.Izay mbola ho avy koa tsy ho tadidin’izay handimby azy,Ary na ireo handimby ireo koa aza tsy ho tadidin’izay ho avy any aoriany.+ 12  Izaho mpamory vahoaka dia mpanjakan’ny Israely eto Jerosalema.+ 13  Niezaka tamin’ny foko manontolo aho nampiasa ny fahendreko,+ ka nandinika an’izay rehetra atao etỳ ambanin’ny lanitra.+ Nohadihadiko tsara koa ny asa nomen’Andriamanitra ny zanak’olombelona, izany hoe ny asa mampijaly ilofosan’izy ireo. 14  Nodinihiko izay rehetra atao etỳ ambanin’ny masoandro,Ka hitako hoe tsisy dikany ny zava-drehetra fa misambo-drivotra fotsiny.+ 15  Izay mibilaka dia tsy azo ahitsy,Ary izay tsy eo tsy azo isaina. 16  Dia hoy aho anakampo: “Nahazo fahendrena be aho, mihoatra noho izay rehetra talohako teto Jerosalema.+ Manana fahendrena sy fahalalana be koa aho ato am-poko.”+ 17  Niezaka tamin’ny foko manontolo aho hahalala ny atao hoe fahendrena sy ny atao hoe hadalana* ary ny hoe manao adaladala.+ Misambo-drivotra fotsiny koa anefa izany. 18  Fa rehefa be ny fahendrena dia be koa ny fahasosorana.Rehefa mitombo àry ny fahalalana, dia mitombo koa ny fahoriana.+

Fanamarihana

Na: “mpanangona; mpampiantso.”
Na: “zava-poana.”
Abt: “mijoro.”
Na: “Mamiratra.”
Na: “riaka amin’ny ririnina na amin’ny fotoana hafa.”
Na: “hadalana be.”