Eksodas 11:1-10

  • Oli talemaot Namba ten panis (1-10)

    • Ol laen blong Isrel oli mas askem ol presen (2)

11  Nao Jehova i talem long Moses se: “Bambae mi mi givim wan moa panis long Fero mo long Ijip. Biaen bambae hem i letem yufala i aot long ples ya.+ Mo bambae hem i letem yufala i go we bambae i ronemaot yufala long ples ya.+  Naoia yu mas talem long ol man se, olgeta man mo woman oli mas askem long ol neba blong olgeta blong oli givim ol samting we oli wokem long silva mo gol.”+  Nao Jehova i mekem se ol man Ijip oli glad long ol man Isrel. Mo tu, ol man blong wok blong Fero mo ol man Ijip oli tinghae long Moses.  Nao Moses i talem long Fero se: “Hemia samting we Jehova i talem: ‘Long medel naet, bambae mi mi pastru long Ijip.+  Mo evri fasbon we oli stap long Ijip bambae oli ded,+ stat long fasbon blong Fero ya we i stap sidaon long jea blong king, i go kasem fasbon blong woman slef we i stap granem sid, wetem evri fasbon pikinini blong ol animol.+  Nao bambae bigfala krae i kamaot long olgeta ples long Ijip. Hemia wan samting we i neva hapen bifo, mo bambae i neva hapen bakegen samtaem.+  Be ol laen blong Isrel bambae oli no fraet, bambae i no gat wan dog i singaot long ol man mo ol animol blong olgeta. Nao bambae yufala i save se Jehova i save mekem i narafala long ol man Ijip, mo i narafala long ol laen blong Isrel.’+  Mo ol man blong wok blong yu bambae oli kam daon long mi mo oli bodaon blong ona long mi, mo oli talem se: ‘Yu go, yu wetem olgeta man we oli folem yu.’+ Afta long samting ya, bambae mi aot.” Biaen Moses i kros we i kros mo i aot long fes blong Fero.  Nao Jehova i talem long Moses se: “Fero bambae i no lesin long yu.+ Bambae hem i mekem olsem, blong mi save mekem plante merikel long kantri ya Ijip.”+ 10  Moses mo Eron i mekem olgeta merikel ya long fes blong Fero,+ be Jehova i letem hat blong Fero i strong, nao Fero i no letem ol laen blong Isrel oli aot long kantri blong hem.+

Ol futnot