Zeremin 8:1-22
8 Zoova waan yoo: “I blɛ sɔ’n nun’n, bé yí Zida lɔ famiɛn’m be owie mun, nin lɔ sran dandan’m be owie mun, nin Ɲanmiɛn ɲrun jranfuɛ’m be owie mun, nin Ɲanmiɛn nuan ijɔfuɛ’m be owie mun ɔ nin Zerizalɛmunfuɛ’m be owie mun be ndia’m be nun fíte.
2 Bé gúa be wia’n nin anglo ba’n ɔ nin ɲanmiɛn su lɔ sonja’m be kwlaa be bo lɛ. Ninnge sɔ mun yɛ sran nga’m be kloli be-ɔ. Yɛ be sɔli be, be suli be su yɛ be kpɛli be sin atin, kpɛkun be kotoli be bo.+ Be su tiantianman owie sɔ’m be nuan, yɛ be su sieman be. Bé káci kɛ angrɛ wie sa asiɛ’n su.”+
3 Awlobo tɛ nga’n, i nunfuɛ nga bé ká lɛ’n, lika kwlaa nga ń má fá be ń kɔ́ nun’n, bé sé kɛ sɛ be wu’n ɔ flunman tra kɛ be ka nguan nun’n. Zoova m’ɔ ti sonja’m be su kpɛn’n yɛ ɔ kan sɔ-ɔ.
4 “Se be kɛ: ‘Zoova waan yoo:“?Naan sɛ be tɔ’n, be su jasoman kun??Sɛ be nun kun waan ɔ́ sɛ́ i sin bá’n, i wiengu’n su sɛmɛn i sin baman wie?
5 ?Ngue ti yɛ sran nga mun, yɛle kɛ Zerizalɛmunfuɛ mun be kaci be sin si min sa tititi-ɔ?Be yo ninnge mun gblɛ nun.Yɛ be kloman kɛ bé sá be sin.+
6 N sieli min su kpa n tili ndɛ nga be kan’n. Sanngɛ ndɛ nga be kan’n, ɔ timan su.Be nun kun sa w’a yacimɛn i sa tɛtɛ’m be yolɛ annzɛ w’a usɛmɛn i wun kɛ: ‘?Ngue sa yɛle nga n yoli i lɛ’n?’+Like nga sran kun i wiengu’m be yo’n, i su yɛ ɔ nian-ɔn, kɛ nnɛn kpanngɔ wie m’ɔ su kɔ alɛ kunlɛ’n sa.
7 Anunman ɔngɔ m’ɔ tu sin nglo lɔ’n, ɔ si i bo tulɛ blɛ.Okunmomo’n nin alialia’n nin anunman wie’m be si blɛ ng’ɔ fata kɛ be sa be sin’n.*Sanngɛ min sran’m be liɛ’n, be wunman fɔ nga Zoova buli be’n i wlɛ.’”+
8 ‘?Ngue ti yɛ amún jáso kó sé kɛ: “E si ngwlɛlɛ yɛ Zoova i mmla’n* wo e sa nun-ɔn?”Afin nanwlɛ, mmla klɛfuɛ mun* be fa be like nga be fa klɛ fluwa’n*+ be klɛ ato ndɛ mun.
9 Ngwlɛlɛfuɛ’m be wunnin ɲannzuɛn.+Be usuli sa tututu, yɛ bé trá be.Amun nian! Be kpaloli Zoova i nuan ndɛ’n.?Ɔ maan ngwlɛlɛ benin yɛ be si i-ɔ?
10 I sɔ’n ti’n, ń fá be yi mun ń mán yasua uflɛ mun,yɛ ń fá be fie mun ń mán sran uflɛ mun.+Afin be nga be leman ɲrun-o, be nga be le ɲrun-o, be kwlaa be di ndrunmun be fa ɲan be wun.+I Ɲanmiɛn nuan ijɔfuɛ-o, i Ɲanmiɛn ɲrun jranfuɛ-o, be kwlaa be di lufle.+
11 Yɛ be kunndɛ kɛ bé yó min nvle’n i wa bla’n i tukpacɛ’n* i ayre, kusu nn be mianman be ɲin bɔ kaan sa. Be se kɛ:“Fɔundi o lɛ, fɔundi o lɛ!”Kusu nn fɔundi nunman lɛ.+
12 ?Ninnge kainkain nga be yoli be’n, ɔ kun be ɲannzuɛn?Ɔ kunman be ɲannzuɛn kaan sa!Be siman like nga be flɛ i ɲannzuɛn’n bɔbɔ!+I sɔ’n ti’n, bé wá tɔ́ be nga be dun mmua tɔli’n be afiɛn.Kɛ ń má tú be fɔ’n, bé bó nvaka.’+ Zoova yɛ ɔ kan sɔ-ɔ.
13 Zoova waan yoo: ‘Kɛ ń má yíayía be’n, ń núnnún be sekeseke.Viɲin mma ba kun sa su kaman viɲin’n su. Figie mma ba kun sa su kaman figie’n su. Yɛ be nɲa’mbé bló.Yɛ like nga n fa mannin be’n, ɔ́ fí be sa.’”
14 “?Ngue ti yɛ e te titi lɛ-ɔ?Amun e yia naan e wlu klɔ nga be sisili be wun’n,+ be nun naan e ko wu lɔ.Afin Zoova m’ɔ ti e Ɲanmiɛn’n, ɔ́ núnnún e sekeseke,yɛ nzue nga be gua nun ayre tɛ’n yɛ ɔ fa man e naan e nɔn-ɔn,+afin e yoli sa tɛ Zoova ɲrun.
15 E buli i kɛ nn é ɲán fɔundi, sanngɛ y’a ɲanman like kpa kun sa le,e buli i kɛ nn blɛ kun wá jú naan é yó juejue, sanngɛ ɲrɛnnɛn’n yɛ ɔ tɔli e su-ɔ!+
16 Be ti i kpɔfuɛ’n i nnɛn kpanngɔ’m be ngan Dan lɔ.Kɛ i nnɛn kpanngɔ yasua’m be kpan’n,nvle wunmuan’n usu sa tututu.E kpɔfuɛ’n ba, ɔ́ wá núnnún nvle’n nin i nun ninnge’n kwlakwla,ɔ́ núnnún klɔ’n nin i nun sran’m be kwlaa.”
17 “Afin ń súnman wuo mun naan be to amun lɔ.Wuo sɔ’m be le bɔyre kpa, yɛ be kwlá kanman be nun ngowa,saan kalɛ yɛ bé ká amun-ɔn.” Zoova yɛ ɔ kan sɔ-ɔ.
18 Awlabɔɛ ng’ɔ o min su’n, ɔ leman ayre.Min awlɛn ba’n yo min ya.
19 E ti sran kun i kpanlɛ nvle kun m’ɔ o mmua kpa’n i nun lɔ. Ɔ kpan se kɛ be de i.Min nvle’n i wa bla’n yɛ ɔ kpan sɔ-ɔ. Ɔ se kɛ:“?Naan Zoova nunman Siɔn wa??Annzɛ Siɔn lɔ famiɛn’n nunman lɛ?”“?Ngue ti yɛ be fali be ninnge nga be sɛli be’n be fa fɔkɔli min awlɛn-ɔn??Ngue ti yɛ be fa be amuin mɔ be timan like fi’n, be fɔkɔli min awlɛn-ɔn?”
20 “Ninnge’m be kpɛlɛ blɛ’n w’a sin, wawa blɛ’n w’a sin,sanngɛ sran fi w’a deman e!”
21 Min awlɛn’n w’a kpɔtɔ min klun, afin min nvle’n i wa bla’n ti tukpacifuɛ.+Min wla w’a bo min wun.N wunman kun nga n o nun-ɔn.
22 ?Naan bomie ngo nunman Galaadi lɔ?+?Annzɛ ayre yofuɛ* wie fi nunman lɔ?+?Ngue ti yɛ min nvle’n i wa bla’n yoman juejue-ɔ?+
Ja ngua lɔ ndɛ mun
^ Annzɛ “be bo tulɛ blɛ.”
^ Annzɛ “i like ng’ɔ kle’n.”
^ Annzɛ “fluwa klɛfuɛ mun.”
^ Annzɛ “biki.”
^ Annzɛ “i lika ng’ɔ buli’n.”
^ Annzɛ “dɔɔtrɔ.”
