Zeremin 6:1-30
6 Bɛnzamɛn i mma mun, amun jaso Zerizalɛmun lɔ be ko kunndɛ fiawlɛ.Amun bo awɛ’n+ Tekoa lɔ.+Amun sɔ sin Bɛti-Akerɛmun lɔ naan ɔ yo nzɔliɛ like!Afin sa yalɛ kun fin nglo lɔ lika’n nun ɔ su ba. Ɔ yo sro dan.+
2 Siɔn i wa bla’n* fa bla klanman kun m’ɔ si i wun siesie kpa-ɔ.+
3 Bua kankanfuɛ mun bé fá be bua’m bé bá.Bé kplán be tannin sua mun i wun sɛsɛsɛ,+bua kankanfuɛ kun fɛ́ i bua liɛ nga be fa wlɛli i sa nun’n kɔ́ didilɛ.+
4 “Amun siesie amun wun* naan amun fa alɛ be wlɛ i sin!E jaso naan e ko tɔ i su mindi su!”“Ee, e o afɛ nun-o! Afin lika’n su san,lika’n su lu blɛblɛblɛ!”
5 “Maan e jaso naan e ko tɔ i su kɔnguɛ,maan e bubu i fiawlɛ lika mun.”+
6 Zoova m’ɔ ti sonja’m be su kpɛn’n waan yoo:“Amun kpɛ waka naan e kplan like fleiin kun naan e utu Zerizalɛmun.+Afin ɔ fata kɛ ɔ kan sa ng’ɔ yoli’n i su ndɛ.Sran mianmianlɛ’n yɛ ɔ ti i junman-ɔn.+
7 Nzue guawlɛ’n nun yɛ nzue flɔlɔ’n fin-ɔn,i kunngba’n, klɔ nga nun yɛ klunwi yolɛ’n fin-ɔn.Nzaje sa nin klunwi yolɛ’n yɛ be ti i lɔ sa tititi-ɔ.+Tukpacɛ nin ɲrɛnnɛn’n yɛ be o min ɲrun sa trilili-ɔ.
8 Ee Zerizalɛmun, sɛ be kan wie kle wɔ’n sie ɔ su tie. Ɔ timɛn i ti’n, ń káci min sin ń sí wɔ tɛtɛ kpa.+Ń yó maan á tɔ́ srolo, sran fi su tranman ɔ su kun.”+
9 Zoova m’ɔ ti sonja’m be su kpɛn’n waan yoo:“Bé ísaísa Izraɛlifuɛ nga be kali lɛ’n kɛ be fa kpɛkpɛ viɲin sɔlɛsɔlɛ nga be kali viɲin su’n sa.Fa ɔ sa’n wlanwlan nun ekun kɛ sran kun m’ɔ su ti viɲin’n sa.”
10 “?Wan li yɛ ń kán ndɛ ń klé i-ɔ? ?Yɛ wan li yɛ ń tú i fɔ-ɔ??Wan li yɛ ɔ́ síe i su-ɔ?An nian! Be su’n ti tannintanninwa,* ɔ maan be kwlá faman be ɲin sieman ndɛ’n su.+An nian! Zoova i ndɛ’n w’a kaci be ɲrun kɛ finfinlike sa.+Ɔ yoman be fɛ kun.
11 Ya dan nga Zoova fali’n wo min klun,Ɔ sɔnman min nun kun.”+“Fa guɛ i bakan ng’ɔ o akpɔ’n su lɛ’n i su,+ɔ nin gbanflɛn nga b’a yia lɛ’n be su.Bé trá yasua’n nin i yi’n,ɔ nin sran kpɛnngbɛn mun nin sran oke mun* be kwlaa.+
12 Zoova waan yoo: Bé fá be sua munnin be fie mun nin be yi mun bé mán sran uflɛ.+Afin min sa’n kán nvle’n nunfuɛ mun.
13 “Be nga be leman ɲrun-o, be nga be le ɲrun-o, be kwlaa be di ndrunmun be fa ɲan be wun.+I Ɲanmiɛn nuan ijɔfuɛ-o, i Ɲanmiɛn ɲrun jranfuɛ-o, be kwlaa be di sran lufle.+
14 Yɛ be kunndɛ kɛ bé yó min nvle nunfuɛ’m be tukpacɛ’n* i ayre, kusu nn be mianman be ɲin bɔ kaan sa. Be se kɛ:‘Fɔundi o lɛ! Fɔundi o lɛ!’Kusu nn fɔundi nunman lɛ.+
15 ?Ninnge kainkain nga be yoli be’n, ɔ kun be ɲannzuɛn?Ɔ kunman be ɲannzuɛn kaan sa!Be siman like nga be flɛ i ɲannzuɛn’n bɔbɔ.+I sɔ’n ti’n, bé wá tɔ́ be nga be dun mmua tɔli’n be afiɛn.Kɛ ń má tú be fɔ’n, bé bó nvaka.” Zoova yɛ ɔ kan sɔ-ɔ.
16 Zoova waan yoo:“Amun jran anngɔnda’m be su naan amun nian.Amun usa naan be kle amun lalafuɛ atin mun,amun usa naan be kle amun atin kpa naan amunsin su,+i liɛ’n, amún ló wunmiɛn.”Sanngɛ be waan: “E su sinman su.”+
17 “Yɛ n sieli gladi difuɛ mun-ɔn.+ Be kusu be seli kɛ:‘Amun fa amun ɲin sie i awɛ’n i tɛlɛ ng’ɔ tɛ’n su!’”+Sanngɛ be seli kɛ: “E ndɛ nunman nun.”+
18 “I sɔ’n ti’n, nvlenvle mun, amun sie amun su be tie!Amun kwlaa mɔ amun a yia’n,maan be kan sa ng’ɔ́ wá jú be su’n i ndɛ be kle amun.
19 Asiɛ’n sufuɛ mun, amun sie amun su!Akunndan tɛtɛ nga sran nga’m be bu’n ti’n,ń má fá ɲrɛnnɛn ń yí be su,+afin min nuan ndɛ’n timan be cinnjin kaan sa,yɛ be yili min mmla’n i blo.”*
20 “?Kannzɛ amun kɔ Saba be ko fa ansan ufue’n,annzɛ amun kɔ mɛn kun m’ɔ o mmuammua kpa lɔ’n nun’n be ko fa ndɛma ng’ɔ bɔn fannin’n, min ndɛ o nun?Tɛ nga kɛ bé yí’n be yra nnɛn’n i kɔlikɔli’n mɔ amun yi be’n, n sɔman be nun,yɛ tɛ nga amun yi be’n, be jɔman min klun.”+
21 I sɔ’n ti’n, Zoova waan yoo:“Ń síe ninnge wie mun ń fá tánndan sran nga’m be ɲrun,yɛ be ja’n kplá su.Siɛ nin ba mun be kwlakwla,janvuɛ kun nin i mantanfuɛ’n,be kwlaa bé núnnún sekeseke.”+
22 Zoova waan yoo:“Amun nian! Sran wie’m be fin mɛn ng’ɔ o nglo lɔ lika’n nun’n be su ba,nvle dan kun m’ɔ o asiɛ’n i bue kun su mmuammua kpa lɔ’n, ɔ́ wá mɛ́n iwun su.+
23 Bé trá ta nin cua’m be nun.Be klun yo wi. Be su siman aunnvɔɛ kaan sa.Kɛ a ti be nɛn’n, ɔ waan jenvie’n yɛ ɔ su bo-ɔ,be o nnɛn kpanngɔ’m be su yɛ be ba-ɔ.+Ee Siɔn i wa bla, b’a jranjran kɛ be su wa kun alɛ sa, kɛ sran kun m’ɔ su wa fa alɛ wla ɔ sin sa.”
24 E tili be su ndɛ’nYɛ e sa sin ka lɛ bubuli e.+E wla w’a bo e wun.E akunndan’n w’a sanngan* kɛ bla kun mɔ w’a koto awuliɛ sa.+
25 Nán fite kɔ blo lɔ,nán nanti akpɔ’n su,afin amun kpɔfuɛ’n le tokofi.Lika kwlaa ng’ɔ tia lɛ’n, ɔ ti ɲrɛnnɛn ngunmin.
26 Ee, min nvle’n i wa bla,wla bajɛ tralɛ+ naan la kondo nzuɛn’n nun.Sun, sun fiaan kpa kɛ ɔ wa yasua kunngba cɛ’n yɛ w’a wu sa,+afin like sacifuɛ’n wá fú e nun.+
27 N sieli wɔ* sika tɔnfuɛ min nvle nunfuɛ’m be afiɛn,naan a niannian nun kpa.Fa ɔ ɲin sie i be ayeliɛ’n su kpa
28 Be kwlaa be ɲin su ti kekle kpa,+be wlan sa daan yɛ be tɔn sran’m be suɛn-ɔn.+Be ti kɛ aaba nin blalɛ sa,be kwlaa b’a wie saci.
29 Fitasin mun b’a wie yra.Like ng’ɔ fin be sin’n nun fite’n, yɛle sunmun ngunmin.Be tɔn sika’n i lelele, sanngɛ i kwlaa sɔ’n ti ngbɛn,+afin b’a kpaman sran tɛ mun b’a sieman be ngunmin.+
30 Bé flɛ́ be kɛ sika mɔ be yili i blo’n,afin Zoova yili be blo.”+
Ja ngua lɔ ndɛ mun
^ Zerizalɛmun klɔ’n annzɛ Zerizalɛmunfuɛ’m be ndɛ yɛ be kan-ɔn.
^ Ebr., “Amun yo amun wun sanwun.”
^ Ebr., “B’a wlaman be su’n i klɛn.”
^ Ebr., “be nga be cɛn’n sɔnnin kpanngbanngban’n.”
^ Annzɛ “be lika ng’ɔ buli’n.”
^ Annzɛ “be kpaloli like nga n kle’n.”
^ Ebr., “Ba wulɛ aklunya.”
^ Yɛle kɛ, Zeremin.
