Zeremin 45:1-5
-
Ndɛ nga Zoova kan kleli Bariki’n (1-5)
45 Zoziasi i wa Zozakimun+ m’ɔ ti Zida famiɛn’n, i famiɛn dilɛ’n i afuɛ nnan su’n, Ɲanmiɛn nuan ijɔfuɛ Zeremin kannin ndɛ+ kleli Neria i wa Bariki.+ Kɛ Zeremin kán’n nn Bariki klɛ́ i fluwa kun su. Ndɛ sɔ’n yɛ:
2 “Bariki, ɔ su ndɛ nga Zoova m’ɔ ti Izraɛli Ɲanmiɛn’n kan’n yɛ:
3 ‘A seli kɛ: “N wo afɛ nun-o! Afin Zoova fali awlabɔɛ ukali min afɛ’n su. M’an kplin lele m’an fɛ siɛn’n, yɛ min wla guaman ase bɔ kaan sa.”’
4 “Se i kɛ yoo: ‘Ndɛ nga Zoova kan’n yɛ: “Nian, like nga n kplannin’n n su bubu i, yɛ like nga n tali’n, n su tu i bo. Ń yó sɔ nvle wunmuan’n nun.+
5 Sanngɛ ɔ liɛ’n, a su kunndɛ ninnge dandan mun.* Yaci ninnge sɔ’m be kunndɛlɛ.”’
“‘Afin n su wa fa ɲrɛnnɛn ń yí i sran’m be kwlaa be su.+ Yɛ kan kwlaa nga á kɔ́ lɛ’n, ɔ like liɛ nga ń fá mán wɔ’n, yɛle ɔ nguan’n.’*+ Zoova yɛ ɔ kan sɔ-ɔ.”
