Zeremin 12:1-17
12 Ee Zoova, kɛ n fa min ndɛ’n n kɔ ɔ ja su’n,kɛ e nin wɔ e koko jɔlɛ dilɛ ndɛ’n i su yalɛ’n, a yo sa’n i nuan su.+?Ngue ti yɛ klunwifuɛ’m be ninnge’m be yo ye be sa nun-ɔn?+?Yɛ ngue ti yɛ gblɛfuɛ’m be kokoman-ɔn?
2 A tali be, kpɛkun be trali ndin.Be fifili, kpɛkun be suli mma.Be kan ɔ ndɛ sa trilili, sanngɛ be awlɛn’n* nunman ɔ su kaan sa.+
3 Zoova, min liɛ’n, a si min kpa+ yɛ ɔ ɲin ta min.A niannin min awlɛn’n nun, yɛ a wunnin kɛ min awlɛn’n o ɔ su.+Klunwifuɛ’m be liɛ’n, fa be sie i bue kun kɛ bua nga be su wa kun be’n sa,yɛ be kunlɛ cɛn’n ti’n, kpa be sie be ngunmin.
4 ?Sɛ nvle’n ti sran’n, nn ń sé kɛ cɛn onin ko naan w’a yoman koklo kun??Yɛ cɛn onin ko naan blo lɔ ijre’n w’a wuman kee kun?+Be nga be tran nun’n be klunwi’n ti’n,blo lɔ nnɛn mun nin anunman’m b’a wie wu.Afin be seli kɛ: “Ɔ wunman sa ng’ɔ́ wá jú e su’n.”
5 ?Sɛ a nin klɔ sran mɔ be wanndi be ja nun’n be wanndi-ɔ a fɛ’n,á yó sɛ naan a nin nnɛn kpanngɔ’m b’a kwla wanndi?+Kɛ a o nvle kun mɔ i nun ti fɔun’n nun’n, a lafi ɔ wun su.?Sanngɛ sɛ a o Zurdɛn’n i nuan lɛ ijre nga w’a fu kpa’n i afiɛn’n, á yó i sɛ?
6 Afin ɔ niaan mun bɔbɔ mɔ be o ɔ si i awlo’n nun’n,be kpɛli ɔ bo waka.+Ɔ ti’n, be kpannin kekle kpa.Sɛ be kan ndɛ fɛfɛ bɔbɔ be kle wɔ’n,nán lafi be su.
7 “N tuli min awlo’n nun,+ n yacili min aja like’n i lɛ.+N fali min awlɛn su sran’n n wlɛli i i kpɔfuɛ’m be sa nun.+
8 Min aja like’n w’a kaci min ɲrun kɛ asɔmɔli kun m’ɔ o bo’n nun lɔ’n sa.Ɔ kpan min su kɛ asɔmɔli wie sa.I sɔ’n ti yɛ min awlɛn’n w’a tu i su-ɔ.
9 Min aja like’n ti kɛ anunman ng’ɔ tra nnɛn di’n mɔ i ndrɛ’n tata nun’n sa min ɲrun.I wiengu anunman nga be tra nnɛn be di’n, be bo sin yiɛli i kpɛkun be tɔli i su.+Blo nnɛn mun, amun bla, amun kwlaa amun yia,amun bla be wa di.+
10 Nnɛn kankanfuɛ kpanngban kpa be sacili min viɲin fie’n.+Be tiatiali min lika’n su.+Be yoli maan min lika klanman sɔ’n w’a tɔ srolo kɛ aawlɛ flɛnnɛn wie sa.
11 W’a kaci kɛ aawlɛ wie sa.W’a wu kee.*Min ɲrun’n b’a saci i sekeseke.+Nvle wunmuan’n w’a tɔ srolo,ɔ nin i sɔ ngba’n, ɔ timan sran fi ndɛ.+
12 Like sacifuɛ’m be fali atin nga be sin aawlɛ flɛnnɛn’n nun lɔ’n, be kwlaa be su be bali,afin kɛ ɔ fɛ i nvle’n i bue kun su lele m’ɔ́ fá jú i bue kun lɔ’n, Zoova i tokofi’n saci like kwlaa.+Sran ba kun sa tranman fɔun nun.
13 Be luali ble sanngɛ i kpɛlɛ su’n, owieowie mun yɛ be kpɛli-ɔ.+Be kleli be wun yalɛ ngbɛn.Zoova i ya dan ng’ɔ fali’n ti’n,ninnge nga be ɲɛnnin i’n ɔ́ kún be ɲannzuɛn.”
14 Zoova waan yoo: “Min mantanfuɛ mɔ be ti klunwifuɛ’n, mɔ be fa alɛ wla Izraɛlifuɛ mun mɔ be ti min aja like’n be lika’n nun’n,+ be liɛ’n, ń tú be bo kɛ waka wie sa be nvle’n nun.+ Yɛ ń tú Zidafuɛ’m be bo be afiɛn lɛ.
15 Sanngɛ kɛ n ko tu be bo sɔ’n, ń má sí be aunnvɔɛ ekun. Yɛ ń fá be ń sá be sin be nvle’n nin be lika m’ɔ ti be aja like’n, be nun sɛsɛsɛ.”
16 “Wafa nga min nvlefuɛ’m be yo ninnge mun’n, sɛ be suɛn i yolɛ wie’n, naan be fa min dunman’n be ta nda be se kɛ: ‘E kan Zoova m’ɔ lafiman’n,’ kɛ nga be fa kleli min nvlefuɛ mun kɛ be fa Baali be ta nda sa’n, i liɛ’n ń fá be ń síe i min nvlefuɛ’m be afiɛn.
17 Sanngɛ sɛ be waan be yoman sɔ’n, ń tú nvle sɔ’n i bo wie. Ń tú i bo, kpɛkun ń núnnún i sekeseke.” Zoova yɛ ɔ kan sɔ-ɔ.+
