Seken Buk Blong Kronikel 27:1-9
-
Jotam, king blong Juda (1-9)
27 Jotam+ i gat 25 yia taem hem i kam king, mo hem i rul 16 yia long Jerusalem. Nem blong mama blong hem Jerusa, mo hem i gel blong Jadok.+
2 Jotam i gohed blong mekem samting we i stret long ae blong Jehova, stret olsem we papa blong hem Usia i bin mekem,+ be hem i no trespas i go long tempol blong Jehova.+ Be ol man oli gohed yet blong mekem ol nogud fasin.
3 Hem i wokem Hae Get long haos blong Jehova,+ mo i wokem plante samting long stonwol blong Ofel.+
4 Mo tu, hem i wokem ol bigfala taon+ long rijen blong ol hil blong Juda,+ mo i wokem ol ples we stonwol i goraon long olgeta+ mo ol taoa,+ long ol ples we i gat plante tri long hem.
5 Mo hem i faet agensem king blong ol man Amon+ mo i winim hem, nao long yia ya, ol man Amon oli givim 100 talen* blong silva long hem, wetem 10,000 koro* blong wit, mo 10,000 koro blong bale. Mo oli mekem olsem tu long seken yia mo long namba 3 yia.+
6 Nao Jotam i gohed blong kam strong moa, from we hem i mekem tingting blong hem i strong blong folem ol rod blong Jehova we i God blong hem.
7 Ol narafala stori blong Jotam, olgeta faet we hem i mekem mo ol samting we hem i mekem, oli raetemdaon long Buk Blong Ol King Blong Isrel Mo Juda.+
8 Hem i gat 25 yia taem hem i kam king, mo hem i rul 16 yia long Jerusalem.+
9 Biaen Jotam i go spel wetem ol olfala blong hem, mo oli berem hem long Taon Blong Deved.+ Mo boe blong hem Ahas i kam king long ples blong hem.+
