Surat ha mga Hebreo 1:1-14

  • Dios nakiistorya pinaagi han iya Anak (1-4)

  • Anak mas labaw ha mga anghel (5-14)

1  Ha naglabay nga mga panahon, an Dios nakiistorya ha aton mga kaapoy-apoyan pinaagi han mga propeta ha damu nga higayon ngan ha damu nga paagi.+  Yana, ha kataposan hini nga mga adlaw, nakikiistorya hiya ha aton pinaagi han iya Anak,+ nga iya ginpili nga manurunod han ngatanan nga butang,+ ngan pinaagi ha iya ginhimo niya an mga sistema han mga butang.*+  Hiya an repleksyon han himaya han Dios+ ngan an eksakto nga representasyon kon ano gud hiya nga persona,+ ngan hiya an nagsusustinir han ngatanan nga butang pinaagi han iya gamhanan nga pulong. Ngan katapos niya maghimo hin pagputli para ha aton mga sala,+ liningkod hiya ha too han Harangdon ha kahitas-an.+  Salit nagin mas labaw hiya ha mga anghel+ kay nakapanunod hiya hin ngaran nga mas ekselente kay han ira.+  Pananglitan, hin-o gud ha mga anghel an ginsidngan han Dios: “Ikaw an akon anak; yana nga adlaw, ako nagin imo amay”?+ Ngan nagsiring liwat: “Magigin amay niya ako, ngan magigin anak ko hiya”?+  Pero ha panahon nga pakanhion niya utro an iya Suhag+ ha inuukyan nga tuna, hiya nasiring: “Ngan an ngatanan nga anghel han Dios maghatag hin katalahoran ha iya.”*  Nasiring liwat hiya mahitungod ha mga anghel: “Ginhihimo niya an iya mga anghel nga mga espiritu, ngan an iya mga ministro*+ nga naglalaga nga kalayo.”+  Pero mahitungod ha Anak, hiya nasiring: “An Dios amo an imo trono+ ha kadayonan, oo ha kadayonan, ngan an setro han imo Ginhadian amo an setro han katadongan.*  Ginhigugma mo an katadongan, ngan ginkangalasan mo an pagkamatinalapason. Ito an hinungdan nga an Dios, an imo Dios, nagdihog ha imo+ han lana han pagrayhak hin mas labaw kay han imo mga kaupod.”+ 10  Ngan: “Ha tinikangan, O Ginoo, imo iginpahamutang an mga pundasyon han tuna, ngan an langit amo an mga buhat han imo mga kamot. 11  Mawawara ito, pero ikaw magpapabilin; ngan pariho hin panapton, ito ngatanan madadaan, 12  ngan imo pipiloon ito sugad hin kurigmos, sugad hin panapton, ngan masasaliwnan ito. Pero ikaw amo la gihapon, ngan an imo katuigan diri gud matatapos.”+ 13  Pero hin-o gud ha mga anghel an ginsidngan han Dios: “Lingkod ha akon too, tubtob nga ibutang ko an imo mga kaaway sugad nga tungtongan han imo mga tiil”?*+ 14  Diri ba hira ngatanan mga espiritu para ha baraan nga pag-alagad,*+ nga ginsugo basi magserbi ha mga makakapanunod han katalwasan?

Mga footnote

O “an mga panahon.” Kitaa an Glossary.
O “magyukbo ha iya.”
O “mga surugoon nga nagsiserbi ha publiko.”
O “hustisya.”
Ha iba nga lugar, “siki.”
O “para ha pagserbi ha publiko.”