KABTANG 6
Pagkamundag ni Jesus Sagkod sa Kagadanan Niya
Sinugo an anghel na si Gabriel sa daragang si Maria. Sinabi kan anghel ki Maria na magkakaigwa ini nin sarong aki na maghahadi nin daing katapusan. An aking ini, si Jesus, namundag sa kuwadra asin dinalaw siya diyan nin mga pastor. Paghaloy-haloy, may mga lalaki hali sa Sirangan na giniyahan nin sarong bituon pasiring sa aking si Jesus. Maaaraman ta kun siisay an nagpasirang kan bituon na iyan, asin kun paano nakaligtas si Jesus sa paghihinguwang gadanon siya.
Kan 12 anyos na si Jesus, mahihiling ta siya na nakikipag-ulay sa mga paratukdo sa templo. Pakalihis nin 18 taon, binawtismuhan siya asin pinunan niyang itukdo sa mga tawo an manungod sa Kahadian nin Diyos. Tanganing tabangan siya sa gibuhon na ini, nagpili si Jesus nin 12 lalaki para magin mga apostol.
Naggibo man si Jesus nin dakul na milagro. Pinakakan niya an rinibong tawo paagi sa pipira sanang sadit na sira asin diit na tinapay. Nagpaumay siya nin mga may hilang asin nagbuhay pa ngani nin mga gadan. Sa huri, maaaraman ta an dakul na nangyari ki Jesus kan ultimong aldaw kan buhay niya, asin kun paano siya ginadan. Nagtukdo siya sa mga tawo sa laog nin tulo may kabangang taon, kaya lampas nin kadikit sa 34 taon nin kasaysayan an laog kan KABTANG SAIS.
SA SEKSIYON NA INI
ISTORYA 84
Dinalaw nin Anghel si Maria
May dara siyang mensahe hali sa Diyos: Magkakaaki si Maria na iyo an magigin hadi sagkod lamang.
ISTORYA 85
Namundag si Jesus sa Kuwadra
Taano ta namundag sa sarong bahugan nin mga hayop an sarong magigin hadi?
ISTORYA 86
Mga Lalaking Giniyahan nin Sarong Bituon
Siisay an naggiya sa mago pasiring ki Jesus? Tibaad masurpresa ka sa simbag kaiyan.
ISTORYA 87
An Hoben na si Jesus sa Templo
May bagay na pigngangalasan sa saiya dawa an mga may edad na nagtutukdo sa templo.
ISTORYA 88
Binawtismuhan ni Juan si Jesus
Binabawtismuhan ni Juan an mga parakasala, pero si Jesus dai nuarin man nagkasala. Taano ta binawtismuhan siya ni Juan?
ISTORYA 89
Lininig ni Jesus an Templo
Ipinahiling ni Jesus an sarong klase nin pagkamuot na nagin dahilan para maanggot siya.
ISTORYA 90
Kaulay an Babayi sa May Bubon
Sa paanong paagi dai na nuarin man mapapaha an babayi huli sa tubig na itinatao ni Jesus?
ISTORYA 91
An Sermon ni Jesus sa Bukid
Aramon an nagdadanay na kadunungan na makukua sa saiyang Sermon sa Bukid.
ISTORYA 92
Nagbuhay si Jesus nin mga Gadan
Gamit an kapangyarihan nin Diyos, sinabi ni Jesus an duwang simpleng tataramon asin binuhay an aking daragita ni Jairo.
ISTORYA 93
Pinakakan ni Jesus an Dakul na Tawo
Paagi sa milagrosong pagpapakakan sa ribo-ribo, anong mahalagang punto an pinatunayan ni Jesus?
ISTORYA 94
Padaba Niya an mga Aki
Itinukdo ni Jesus sa mga apostol niya na dakul sindang manunudan bako lang manungod sa saradit na mga aki, kundi pati man mismo sa mga ini.
ISTORYA 95
An Paagi nin Pagtukdo ni Jesus
An parabula ni Jesus dapit sa Samaritano na tataong makipagkapwa-tawo sarong halimbawa nin paagi nin pagtutukdo na mas parati niyang ginagamit.
ISTORYA 96
Nagpaumay si Jesus nin mga May Hilang
Ano an pinatunayan ni Jesus kan ginibo niya an gabos na milagro?
ISTORYA 97
Pagdatong ni Jesus Bilang Hadi
Sinabat siya nin dakulang grupo, pero bakong gabos nauugma kaiyan.
ISTORYA 98
Sa Bukid nin mga Olibo
Sinasabi ni Jesus sa apat niyang apostol an manungod sa mga bagay na nangyayari sa panahon ta sa ngunyan.
ISTORYA 99
Sa Sarong Kuwarto sa Itaas
Taano ta tinugon ni Jesus an mga disipulo na iselebrar kada taon an espesyal na pamanggihan na ini?
