2024
Memoryal kan Kagadanan ni Jesus
Ano an Kahulugan Para Saimo kan Saiyang Sakripisyo?
Iniimbitaran mi ika sa duwang okasyon na daing bayad:
-
An espesyal na pahayag na basado sa Bibliya na “An Pagkabuhay Liwat—Kapangganahan sa Kagadanan!”
-
An Memoryal kan kagadanan ni Jesus
Memoryal kan Kagadanan ni Jesus
Domingo, Marso 24, 2024
Sarong beses kada taon, ginigirumdom kan Mga Saksi ni Jehova an kagadanan ni Jesus arog kan ipinagbuot niya kan sabihon niya: “Padagos nindong gibuhon ini sa paggirumdom sa sako.”—Lucas 22:19.
ESPESYAL NA PAHAYAG NA BASADO SA BIBLIYA
“An Pagkabuhay Liwat—Kapangganahan sa Kagadanan!”
An pahayag na ini gigibuhon sa puro kan semana bago an Memoryal. Ipapaliwanag kan ispiker kun ano an kahulugan para saimo saka sa saimong mga mahal sa buhay kan pagkabuhay liwat.
Parating mga Ihinahapot
Gurano kalawig an programa?
Mga sarong oras iyan.
Sain iyan gigibuhon?
Kontakon an mga Saksi ni Jehova sa lugar nindo para sa mga detalye.
May bayad daw an pag-atender?
Daing bayad.
Igwa daw nin pangungulekta?
Dai nin pangungulekta. Dai nuarin man nangungulekta an mga Saksi ni Jehova sa saindang mga pagtiripon.
Ano an kaipuhan na isulot?
Mayo man nin espesipikong kahagadan kun manungod sa pagbado sa okasyon na ini, pero hinihinguwang sunudon kan mga Saksi ni Jehova an sadol kan Bibliya sa pagbado nin may kabinian asin may paggalang. (1 Timoteo 2:9) Dai kaipuhan na magsulot ka nin mamahalon o sobra kapormal na bado.
Ano an mga ginigibo sa Memoryal?
An pagtiripon minapuon saka minatapos paagi sa pagkanta asin pagpamibi nin sarong ministro kan Mga Saksi ni Jehova. Sarong pahayag na basado sa Bibliya an mapaliwanag kan kahalagahan kan kagadanan ni Jesus asin kun paano kita makikinabang sa ginibo kan Diyos asin ni Cristo para sa sato.
Nuarin gigibuhon an masurunod na Memoryal?
2024: Domingo, Marso 24
2025: Sabado, Abril 12
2026: Huwebes, Abril 2
Para sa dagdag na mga detalye, hilingon an artikulong “Taano ta Bakong Arog sa Ibang Relihiyon an Paagi nin Paggirumdom kan Mga Saksi ni Jehova sa Pamanggihan kan Kagurangnan?”
Para sa dagdag na impormasyon, hilingon an minasunod na mga video.
Girumdumon an Kagadanan ni Jesus
Hilingon an sarong patanaw kan magayunon na puturo na nagin posible dahil sa kagadanan ni Jesus.
Tibaad aram mo na nagadan siya para sa satong mga kasalan. Pero puwede daw talagang makinabang an minilyon na tawo sa sakripisyong ginibo nin sarong tawo?