Job 24:1-25
24 “Ngaa wala magtalana ang Labing Gamhanan nga Dios sang tion sa paghukom sa malauton?+
Ngaa wala makahibalo ang mga nakakilala sa iya sang iya adlaw?*
2 Ginahalin sang mga tawo ang mga muhon;+Nagapangawat sila sang mga karnero para sa ila halalban.
3 Ginatabog nila ang asno sang wala sing amay nga kabataanKag ginakuha ang baka sang balo nga babayi bilang garantiya sa iya utang.+
4 Ginapilit nila ang mga imol nga maglisa sa dalan;Dapat manago gikan sa ila ang mga wala sing mahimo.+
5 Ang mga imol nagapangita sing pagkaon kaangay sang mga asno+ nga talunon sa kamingawan;Nagapangita sila sing pagkaon sa desyerto para sa ila kabataan.
6 Dapat sila mangani sa uma sang iban,*Kag managhaw sa ulubasan sang malauton.
7 Kon gab-i, nagatulog sila nga halos wala sing panapton;+Wala sila sing habol nga makaamlig sa ila sa tugnaw.
8 Nagakabasa sila sang ulan sa kabukiran;Nagadasok sila sa kabatuhan bangod wala sila sing mapasilungan.
9 Ginasabnit sang malauton ang ilo sa dughan sang iya iloy;+Kag ginakuha niya ang panapton sang imol subong garantiya,+
10 Napilitan sila nga maglakat nga halos wala sing panapton;Nagapas-an sila sang uhay, apang gutom sila.
11 Nagaobra sila sa tunga sang mga pader sang ulubasan bisan udto na;*Nagalinas sila sang ubas sa linasan, apang ginauhaw sila.+
12 Ang mga tagumatayon padayon nga nagaugayong sa sulod sang siudad;Ang napilasan sing malubha* nagapangayo sing bulig,+Apang wala ini ginakabig sang Dios nga indi nagakaigo.*
13 May mga nagrebelde sa kapawa;+Wala nila ginakilala ang mga dalanon sini,Kag wala nila ginasunod ang mga banas sini.
14 Ang manugpatay aga pa nagabugtaw;Ginapatay niya ang wala sing mahimo kag imol,+Samtang sa gab-i nagapangawat sia.
15 Ang makihilahion nagahulat nga maggab-i,+Kag nagasiling, ‘Wala sing makakita sa akon!’+
Kag ginatabunan niya ang iya nawong.
16 Kon gab-i ginasulod* sang mga kawatan ang mga balay;Kon adlaw nagapanago sila.
Nagalikaw sila sa kasanag.+
17 Kay ang aga kaangay sang kadulom para sa ila;Pamilyar sila sa katalagman nga nagakatabo sa kadulom.
18 Apang hinali lang sila nga ginaanod sang tubig.*
Ang ila ginapanag-iyahan nga duta pakamalauton.+
Indi na sila magbalik sa ila mga ulubasan.
19 Subong nga ginapahubas sang tigpalamangag kag init ang natunaw nga niebe,Ginakuha man sang Lulubngan* ang mga makasasala!+
20 Kalimtan sila sang ila iloy;* kaunon sila sang ulod,Indi na sila pagdumdumon.+
Kag ang mga indi matarong balion kaangay sang kahoy.
21 Ginabiktima nila ang baw-as nga babayi,Kag ginahalitan ang balo nga babayi.
22 Gamiton sang Dios* ang iya gahom agod patyon ang gamhanan nga mga tawo;Bisan pa gamhanan sila, wala sing kasiguruhan ang ila kabuhi.
23 Tugutan sang Dios* nga magkabuhi sila nga wala sing katalagman kag mag-uswag;+Apang makita niya ang tanan nila nga ginahimo.*+
24 Mangin mataas sila sa malip-ot nga tion, dayon wala na sila.+
Paubson sila+ kag kutlon kaangay sang tanan nga tawo;Utdon sila kaangay sang uhay.
25 Gani sin-o ang makapamatuod nga butigon akoUkon makasiling nga sayop ako?”
Footnote
^ Ang iya adlaw sang paghukom.
^ Ukon mahimo, “manguha sing kumpay sa uma.”
^ Ukon mahimo, “Nagapuga sila sang lana sa tunga sang mga pader sang ulubasan.”
^ Ukon “Ang mga kalag sang napilasan.”
^ Ukon mahimo, “Apang ang Dios wala sang isa nga ginakabig nga may sala.”
^ Sa literal, “ginakutkot.”
^ Sa literal, “Madasig sia sa kadaygan sang tubig.”
^ Sa literal, “sang taguangkan.”
^ Sa literal, “niya.”
^ Sa literal, “niya.”
^ Sa literal, “ang ila mga dalanon.”
