Job 17:1-16

  • Sugpon sang sabat ni Job (1-16)

    • ‘Ginalibutan sang manugyaguta’ (2)

    • ‘Ginhimo ako nga talamayon’ (6)

    • “Ang Lulubngan mangin akon ilistaran” (13)

17  “Nagluya na ako, malapit na ako mapatay;Ang lulubngan nagahulat na sa akon.+   Ginalibutan ako sang mga nagayaguta sa akon,+Kag ang akon mata nagatulok* sa ila rebelyuso nga batasan.   Palihug batuna ang akon garantiya, kag tagua ini. Sin-o pa bala ang magadaho sang akon kamot kag maggarantiya sa akon?+   Kay ginlipdan mo ang ila hunahuna;+Gani wala mo sila ginhatagan sing kadungganan.   Ginaagda niya ang iya mga abyan nga magkuha sang ila bahin,Samtang ang mga mata sang iya kabataan nagapalangdulom.   Ginhimo niya ako nga talamayon* sa mga tawo,+Agod mangin duluplaan nila ang akon guya.+   Bangod sang pag-antos nagdulom ang akon panulok+Kag nagniwang ang akon lawas.   Ang mga matarong natingala sa sini,Kag ang wala sing sala naakig sa tawo nga wala sing Dios.*   Ang matarong nagapabilin sa iya dalanon,+Kag ang isa nga wala sing sala nagabaskog.+ 10  Sige, padayuna ninyo ang pagpakigbais sa akon,Kay wala ako sing nakita nga maalamon sa inyo.+ 11  Nagligad na ang akon mga adlaw;+Naguba ang akon mga plano kag mga handum.+ 12  Ginahimo nila nga adlaw ang gab-i,Nagasiling sila, ‘Malapit na ang kasanag’ apang kadulom lamang ang akon makita. 13  Kon maghulat ako, ang Lulubngan* mangin akon ilistaran;+Ihumlad ko ang akon hiligdaan sa kadudulman.+ 14  Tawgon ko ang buho,*+ ‘Ikaw ang akon amay!’ Tawgon ko ang ulod, ‘Ikaw ang akon iloy kag utod nga babayi!’ 15  Gani, diin na ang akon paglaum?+ Sin-o ang nagahunahuna nga may paglaum pa ako? 16  Manaug ini* sa natrangkahan nga gawang sang Lulubngan*Kon ako kag ang akon paglaum manaug sa yab-ok.”+

Footnote

Ukon “nagatener.”
Sa literal, “hulubaton.”
Ukon “sa apostata.”
Ukon “Sheol,” nga amo ang kabilugan nga lulubngan sang katawhan. Tan-awa ang Glossary.
Ukon “lulubngan.”
Ang akon paglaum.
Ukon “Sheol,” nga amo ang kabilugan nga lulubngan sang katawhan. Tan-awa ang Glossary.