Job 12:1-25
12 Dayon nagsabat si Job:
2 “Nagahunahuna kamo nga kamo lang ang maalam,*Kag kon madula kamo, madula man ang kaalam!
3 Apang may paghangop* man ako.
Indi ako kubos sa inyo.
Sin-o ang wala makahibalo sang ginahambal ninyo?
4 Nangin kaladlawan ako sa akon mga kaupdanan,+Kay nagapanawag ako sa Dios kag nagapaabot nga sabton niya ako.+
Nangin kaladlawan ang matarong kag wala sing kasawayan nga tawo.
5 Ginatamay sang mga tawo nga may kalinungan ang kalamidad,Nagahunahuna sila nga matabo lang ini sa mga tawo nga indi malig-on.*
6 May paghidait ang tolda sang mga kawatan,+Kag may kalig-unan ang mga nagapaakig sa Dios,+Ang tawo nga may mga diosdios.
7 Palihug, pamangkuta ang mga sapat kag tudluan ka nila;Kag ang mga pispis sa langit, kag sugiran ka nila.
8 Ukon talupangda* ang duta, kag tudluan ka sini;Kag isugid ini sa imo sang isda sa dagat.
9 Sin-o sa ila ang wala makahibaloNga si Jehova mismo ang naghimo sini?
10 Yara sa iya kamot ang kabuhi* sang tananKag ang ginhawa* sang tanan nga tawo.*+
11 Indi bala ginapamatian sang dulunggan ang mga tinagaSubong nga ginatilawan sang dila* ang pagkaon?+
12 Indi bala nga may kaalam sa mga tigulang,+Kag may paghangop sa mga nagkabuhi sing malawig?
13 May kaalam sia kag gahom;+May laygay sia kag paghangop.+
14 Ang ginaguba niya wala sing makapatindog;+Ang ginatakpan niya wala sing makabukas.
15 Kon punggan niya ang ulan, nagamala ang duta;+Kon magpaulan sia, ginalapawan sini ang duta.+
16 May gahom sia kag kaalam;*+Yara sa iya gahom ang nagatalang kag ang nagapatalang;
17 Ginapalakat niya nga nagatiniil* ang mga manuglaygay,Kag ginahimo niya nga buangbuang ang mga hukom.+
18 Ginahubad niya ang mga gapos nga ginapatuman sang mga hari,+Kag ginahigtan niya sila sa ila hawak.
19 Ginapalakat niya nga nagatiniil ang mga saserdote,+Kag ginapukan niya ang mga nagagahom sing malig-on;+
20 Ginapahipos niya ang masaligan nga mga manuglaygayKag ginakuhaan sing kaalam ang mga tigulang nga lalaki;*
21 Ginatamay niya ang mga dungganon,+Kag ginapaluya niya ang mga gamhanan;*
22 Ginapahayag niya ang madalom nga mga butang nga yara sa kadulom,+Kag ginapasanag niya ang madulom nga mga lugar;
23 Ginapabakod niya ang mga pungsod agod malaglag sila;Ginapadaku niya ang mga pungsod agod mabihag sila.
24 Ginakuha niya ang paghangop* sang mga pangulo sang katawhanKag ginapadalangdalang sila sa kamingawan nga wala sing dalan.+
25 Nagapangapkap sila sa kadulom,+ diin wala sing kapawa;Ginapadulingduling niya sila kaangay sang tawo nga hubog.+
Footnote
^ Sa literal, “kamo ang katawhan.”
^ Sa literal, “tagipusuon.”
^ Ukon “nga nagakadanlog.”
^ Ukon mahimo, “hambala.”
^ Ukon “kalag.”
^ Sa literal, “tanan nga unod sang tawo.”
^ Ukon “espiritu.”
^ Sa literal, “alingagngag.”
^ Ukon “praktikal nga kaalam.”
^ Ukon “naubahan.”
^ Ukon “mga gulang.”
^ Sa literal, “ginahalugan niya ang paha sang mga gamhanan.”
^ Sa literal, “tagipusuon.”
