Job 7:1-21
7 “Indi bala nga mabudlay gid ang kabuhi sang tawo sa duta,Kag indi bala nga ang iya mga adlaw kaangay sang mga adlaw sang isa ka mamumugon?+
2 Kaangay sang isa ka ulipon, nagapangita sia sing mapasilungan,Kag kaangay sang isa ka mamumugon, nagapaabot sia sang iya sueldo.+
3 Gani gintalana niya ako sa mga bulan nga wala sing pulosKag gintangdo ako sa mga gab-i sang pag-antos.+
4 Kon maghigda ako nagasiling ako, ‘San-o ako magabangon?’+
Kag samtang nagaligad ang gab-i, nagabulubaliswa ako tubtob sa kaagahon.*
5 Ang akon lawas puno sing ulod kag yab-ok;+Ang akon panit puno sing kugan kag naganana.+
6 Ang akon mga adlaw nagaligad nga mas madasig pa sa lansadera sang manughabol,+Kag nagaligad ini nga wala sing paglaum.+
7 O Dios ko, dumduma nga ang akon kabuhi daw hangin lamang,+Kag indi ko na gid makita ang kalipay.*
8 Ang mata nga nagatan-aw sa akon indi na makakita sa akon;Tan-awon mo ako, apang wala na ako.+
9 Subong nga ang gal-um nagakadula kag indi na makita,Ang nagakadto sa Lulubngan* indi na magbalik pa.+
10 Indi na sia makapauli sa iya balay,Kag malimtan na sia sang mga nakakilala sa iya.+
11 Gani indi ko pagpunggan ang akon baba.
Ipautwas ko ang kalain sang akon buot;Ipabutyag ko ang kapait nga ginabatyag ko!*+
12 Dagat bala ako ukon daku nga sapat sa dagat,Amo nga ginabantayan mo gid ako?
13 Kon magsiling ako, ‘Ang akon salaliayan magalugpay sa akon;Ang akon hiligdaan magapahaganhagan sang akon kasubo,’
14 Ginapahadlok mo ako paagi sa mga damgoKag ginapakugmat paagi sa mga palanan-awon,
15 Gani maayo pa nga indi na ako* makaginhawa,Huo, pilion ko ang kamatayon sangsa akon lawas.*+
16 Ginakaugtan ko ang akon kabuhi;+ indi ko na luyag nga mabuhi pa.
Pabay-i na lang ako, kay ang akon kabuhi malip-ot lang.+
17 Ano gid bala ang mamalatyon nga tawo nga ginakabalak-anKag ginatalupangod mo sia?*+
18 Ngaa ginausisa mo sia kada agaKag ginatilawan sa tanan nga tion?+
19 Ngaa pirme mo lang ako ginabantayanKag ngaa indi mo na lang ako pagpabay-an bisan sa makadali lang?+
20 Kon nakasala ako, ano gid ang mahimo ko nga halit sa imo, O Manugbantay sang tawo?+
Ngaa ako ang ginapuntariya mo?
Mabug-at gid bala ako nga palas-anon sa imo?
21 Ngaa wala mo ginapatawad ang akon salaKag ginapasaylo ang akon kasaypanan?
Sa indi madugay mapatay na ako kag magabalik sa yab-ok,+Pangitaon mo ako apang wala na ako.”
