Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

JW Library Sign Language

Ang JW Library Sign Language isa ka opisyal nga app sang mga Saksi ni Jehova. Maka-download ini, makaorganisar, kag maka-play sang sign-language nga mga video halin sa jw.org.

Tan-awa ang Biblia kag ang iban pa nga publikasyon sa sign language. I-download ini sa imo mobile device para matan-aw mo ini bisan wala ka nagagamit sing Internet. Manamian ka sa matahom nga mga piktyur, simple nga nabigasyon, kag mahapos gamiton nga mga kontrol.

 

Simple nga Nabigasyon

Sa Bible nga pahina, makita mo ang kada libro sang New World Translation nga bag-o lang gin-release. Matan-aw mo man ang kada bersikulo nga wala pa ma-release subong bahin sang New World Translation pero ara na sa iban nga publikasyon. Sa Library nga pahina, makita ang iban pa nga publikasyon kag mga video nga ara sa jw.org.

 

Matan-aw Gilayon nga mga Teksto sa Biblia

Samtang ginatan-aw mo ang video, tum-uka ang Bible nga button. Ang video nagauntat anay samtang naganabigar ka sa ginlakip nga teksto kag nagatan-aw sa sini. Baliki ang Library nga pahina para padayunon ang gin-untatan mo nga video.

 

Mahapos Ma-download nga mga Video

Ang mga video nga wala mo ma-download may madulom nga mga kolor. Tum-uka ang video para ma-download ini sa jw.org. Tum-uka ang Download All nga button para ma-download ang tanan nga video sa pahina. Tum-uka sing madugay ang video para ma-delete ini sa imo device.

 

Pagpaigo sang Space

Puede mo ma-download ang dalagku (higher-quality) ukon gagmay (low-quality) nga mga video file. Kon may bulutangan sang SD card ang imo device, puede mo ma-download ang mga video sa imo device ukon sa SD card.

 

Mahapos Gamiton nga Video Player

Himua ang masunod para makontrol ang video playback:

  • Duha ka madasig nga pagtum-ok: Para i-play ukon i-pause ang video.

  • Swipe pawala: Para makasaylo.

  • Swipe patuo: Para makabalik.

  • Swipe paibabaw: Para mapadasig. (Wala ini sa Android.)

  • Swipe paubos: Para mapahinay. (Wala ini sa Android.)

  • Isa ka tum-ok: Para mapakita ukon matago ang mga player control.

 

Matigayon sa Indi Madugay

  •  Na-customize nga mga playlist

  •  History sang gin-play nga mga video

  •  Support para sa dugang nga mga sign language

  •  Support para Windows 8

 

Support

Kon may mga problema ka parte sa JW Library Sign Language, palihug sulati kag i-submit ang amon online help form.