Genesis 5:1-32
5 Mah hihi Adam tefa hna cazin cu a si. Pathian nih Adam a ser ni ah amah he i lo in a ser.
2 Minu le mipa kha a ser hna. A ser hna ni ah thluachuah a pek hna i Minung tiah min a sak hna.
3 Adam cu kum 130 a si ah amah he aa lomi fapa pakhat a ngei i a min ah Seth tiah a sak.
4 Seth a ngeih hnuah Adam cu kum 800 a nung rih i fapa le fanu dang zong a ngeih hna.
5 Adam cu kum 930 a si ah a thi.
6 Seth cu kum 105 a si ah Enosh kha a ngei.
7 Enosh a ngeih hnuah Seth cu kum 807 a nung rih i fapa le fanu dang zong a ngeih hna.
8 Seth cu kum 912 a si ah a thi.
9 Enosh cu kum 90 a si ah Kenan kha a ngei.
10 Kenan a ngeih hnuah Enosh cu kum 815 a nung rih i fapa le fanu dang zong a ngeih hna.
11 Enosh cu kum 905 a si ah a thi.
12 Kenan cu kum 70 a si ah Mahalalel kha a ngei.
13 Mahalalel a ngeih hnuah Kenan cu kum 840 a nung rih i fapa le fanu dang zong a ngeih hna.
14 Kenan cu kum 910 a si ah a thi.
15 Mahalalel cu kum 65 a si ah Jared kha a ngei.
16 Jared a ngeih hnuah Mahalalel cu kum 830 a nung rih i fapa le fanu dang zong a ngeih hna.
17 Mahalalel cu kum 910 a si ah a thi.
18 Jared cu kum 162 a si ah Enok kha a ngei.
19 Enok a ngeih hnuah Jared cu kum 800 a nung rih i fapa le fanu dang zong a ngeih hna.
20 Jared cu kum 962 a si ah a thi.
21 Enok cu kum 65 a si ah Methuselah kha a ngei.
22 Methuselah a ngeih hnuah Enok cu kum 300 chung a hmaanmi Pathian he an kalṭi peng. Cun fapa le fanu dang zong a ngeih hna.
23 Enok cu kum 365 a nung.
24 Enok cu a hmaanmi Pathian he an kalṭi peng. Mah hnuah Pathian nih a lak caah a um ti lo.
25 Methuselah cu kum 187 a si ah Lamek kha a ngei.
26 Lamek a ngeih hnuah Methuselah cu kum 782 a nung rih i fapa le fanu dang zong a ngeih hna.
27 Methuselah cu kum 969 a si ah a thi.
28 Lamek cu kum 182 a si ah fapa pakhat a ngei.
29 Noah* tiah min a sak i “Jehovah nih chiat a serhmi vawlei ah fakpi in rian kan ṭuannak in amah nih a kan hnemh lai”* tiah a ti.
30 Noah a ngeih hnuah Lamek cu kum 595 a nung rih i fapa le fanu dang zong a ngeih hna.
31 Lamek cu kum 777 a si ah a thi.
32 Noah cu kum 500 a si hnuah Shem, Ham le Jafeth kha a ngeih hna.
