A ummi cazin ah kal

“I LAWM ZUNGZAL KO U”

2020 Jehovah Tehte Hna I Pengkomh Civui

Jehovah Tehte Hna nih nithum chung an tuah dingmi, tukum pengkomh civui kha zoh ve dingin kan in sawm. Novel coronavirus (COVID-19) zawtnak ruangah tukum pengkomh civui cu jw.org ah online in zoh a si lai. A cheuchum tete in July le August thla ah taar a si lai.

LANGHTERNAK

  • Ninga Ni: Vale, nupile, nulepa le fale nih chungkhar ah lawmhnak karhter hmuh khawh ning kha zoh. Pathian sermi thil hna nih Pathian nih lawmhter a kan duh ti a langhter ning kha hlathlai.

  • Zarhte Ni: Jehovah Tehte Hna nih vawleicung pumpi ah nuamhnak a pemi Baibal kong thawngṭha kha zeicah an chim? Aa tlaimi phungchimnak, video le biahalnak hna in phungchimnak le cawnpiaknak caah a hrampi Baibal kong kha kan theih hna lai.

  • Zarhpi Ni: Baibal nih Pathian thluachuah cu “rumtertu a si i ngaihchiatnak zeihmanh a ratter chih hna lo” tiah bia a kan kamh. (Phungthlukbia 10:22) “Ngaihchiatnak Aa Tel Lomi Rumnak Hmuh Khawh Ning” timi phungchimnak kha kan theih lai i mah biakam zumh khawh a sinak a ruang pawl zong kan theih hna lai.

  • Baibal Drama: Baibal ah a kong ṭialmi Nehemiah ralṭhatnak le lungthawhnak in zeitindah ṭhatnak na hmuh khawh? Zarhte Ni le Zarhpi Ni ah ṭhen-hnih aa telmi “Jehovah ah Nan i Lawmhnak cu Nan Thazaang a Si” timi Baibal drama zoh a si lai.—Nehemiah 8:10.

AHOPAOH ZOH KHAWH A SI

LOGIN ASILOAH REGISTRATION TUAH A HAU LO

Program dihlak le kan civui kong video hna kha zoh khawh a si.

Pengkomh Civui kha Zoh