A ummi cazin ah kal

2024

Jesuh A Thih Philhlonak

Jesuh Raithawinak Cu Na Caah Zei Sullam Dah A Ngeih?

Man loin tuahmi mah pumhnak pahnih ah i pumh ding in kan in sawm:

  • Special Baibal Phungchimnak, “Thihnak A Tei Dingmi—Thawhṭhannak”

  • Jesuh A Thih Philhlonak

Jesuh A Thih Philhlonak

2024, March 24, Zarhpi Ni

Jesuh nih nawl a pek hna bantuk in Jehovah Tehte Hna nih Jesuh a thih philhlonak kha kumkhat ah voikhat an tuah, hitin a ti: “Keimah philhlonak ah run tuah u.”—Luka 22:19.

Jesuh a thih Philhlonak kha kawl

SPECIAL PHUNGCHIMNAK

“Thihnak A Tei Dingmi—Thawhṭhannak”

Mah phungchimnak cu Jesuh a thih Philhlonak tuah hlan zarh ah chim a si lai. Phungchimtu nih thawhṭhannak cu na ca le na dawtmi hna caah zei sullam dah a ngeih timi kong kha a chim lai.

Atu le Atu an Halmi Biahalnak

Program cu zei can dah a rauh lai?

Suimilam pakhat hrawng a rau lai.

Khoika ah dah tuah a si lai?

A konglam a dikthliar hngalh awkah na umnak hmun ah a ummi Jehovah Tehte Hna kha pehtlaihnak tuah hna.

I pumh awkah man pek a hau maw?

A hau lo.

Thawhlawm kholh a um lai maw?

A um lai lo. Jehovah Tehte Hna nih an pumhnak ah thawhlawm an kholh bal lo.

Zei bantuk thil dah i hruk ding ti tah a um maw?

Mah pumhnak ah cuset khaset i hruk ding ti cu a um lo nain Jehovah Tehte Hna nih a za tawk le upat awk tlak in i hruk ding timi Baibal ruahnak cheuhnak kha zulh awkah an i zuam. (1 Timote 2:9) Na thilpuan cu a man a fakmi le rumra a ngeimi a si a hau lo.

Jesuh a thih Philhlonak ah zei hna dah an tuah lai?

Pumhnak cu hla fungkhat saknak in thawk le donghter a si lai i Pathian rian a ṭuanmi Jehovah Tehte pakhat nih thla a cam lai. Cun Jesuh thihnak a biapitnak kong le Pathian le Jesuh nih an kan tuahpiakmi in zeitindah ṭhathnemhnak kan hmuh khawh timi Baibal hrambunhmi phungchimnak a um lai.

Zeitik ah dah Jesuh a thih Philhlonak tuah a si lai?

2024: March 24, Zarhpi Ni

2025: April 12, Zarhte Ni

2026: April 2, Nili Ni

Tam deuh in hngalh awkah, jw.org ah taarmi a tanglei video hi zoh.

Jesuh A Thih Philhlonak

Jesuh thihnak thawng in kan hmuh dingmi a ṭha tukmi hmailei thluachuah kong video kha zoh.

Zeicah Jesuh A Thih?

Jesuh cu kan sualnak ruang ah a thi ti kha na theih ko lai. Asinain mi pakhat thihnak thawng in mi nuai tampi cu ṭhathnemhnak an hmu kho taktak hnga maw?

Print chuah khawhmi mah sawmnak catlap hi download tuah