Genesis 36:1-43
36 Hi hna hi Edom tiah auhmi Esau tefa cu an si.
2 Esau nih Kanaan minu kha a ṭhit hna: Cu hna cu Hit miphun Elon fanu Adah; Hiv miphun Zibeon fapa, Anah fanu Oholibamah;
3 Ishmael fanu Basemath kha an si. Basemath cu Nebaioth far a si.
4 Esau nupi Adah nih Elifaz kha a hrin. Basemath nih Reuel kha a hrin i,
5 Oholibamah nih Jeush, Jalam le Korah kha a hrin hna.
Annih cu Kanaan ram ah hrinmi Esau fapale an si.
6 Mah hnuah Esau nih a nupile, a fapale, a fanule, a innchung ah a ummi mi vialte, a tuurun le a saṭilrun, Kanaan ram ah a rak i khonmi chawva vialte kha a lak i a nau Jakob he aa hlatnak ramdang ah a kal.
7 An ngeihmi thilri chawva cu a tam tuk caah hmunkhat ah an umṭi kho ti lo. An saṭilrun zong a tam tuk caah an umnak ram nih a zat ti hna lo.
8 Cucaah Edom tiah auhmi Esau cu Seir tlangram lei ah khua a va sa.
9 Hi hna hi Seir tlangram ah a ummi Edom miphun hna pa Esau tefa an si.
10 Esau fapale min cu hihi an si: Esau nupi Adah fapa Elifaz; Esau nupi Basemath fapa Reuel.
11 Elifaz fapale cu Teman, Omar, Zefo, Gatam le Kenaz an si.
12 Timna cu Esau fapa Elifaz nuchun a hung si i Amalek kha a hrin. Annih cu Esau nupi Adah tefa an si.
13 Reuel fapale cu Nahath, Zerah, Shammah le Mizzah an si. Annih cu Esau nupi Basemath tefa an si.
14 Esau nupi Oholibamah fapale cu Jeush, Jalam le Korah an si. Oholibamah cu Zibeon fapa, Anah fanu a si.
15 Hi hna hi Esau tefa hna lakin hruaitu an si. Esau fater Elifaz fapale cu Hruaitu Teman, Hruaitu Omar, Hruaitu Zefo, Hruaitu Kenaz,
16 Hruaitu Korah, Hruaitu Gatam le Hruaitu Amalek an si. Hi Elifaz fapale cu Edom ram hruaitu an si. Annih cu Adah tefa an si.
17 Esau fapa Reuel fapale cu Hruaitu Nahath, Hruaitu Zerah, Hruaitu Shammah le Hruaitu Mizzah an si. Reuel fapale cu Edom ram hruaitu an si. Annih cu Esau nupi Basemath tefa an si.
18 Esau nupi Oholibamah fapale cu Hruaitu Jeush, Hruaitu Jalam le Hruaitu Korah an si. Annih cu Anah fanu, Esau nupi Oholibamah nih a hrinmi hruaitu an si.
19 Hi hna hi Edom tiah auhmi Esau fapale an si i hruaitu an si.
20 Cuka ram ah a ummi Hor miphun Seir fapale cu Lotan, Shobal, Zibeon, Anah,
21 Dishon, Ezer le Dishan an si. Annih cu Edom ram i Seir fapale, Hor miphun hruaitu an si.
22 Lotan fapale cu Hori le Hemam an si i Lotan farnu cu Timna a si.
23 Shobal fapale cu Alvan, Manahath, Ebal, Shefo le Onam an si.
24 Zibeon fapale cu Aiah le Anah an si. Anah cu a pa Zibeon laa a khalh lioah ramlak ah ti-lum cerh a hmutu kha a si.
25 Anah fapa cu Dishon a si i a fanu cu Oholibamah a si.
26 Dishon fapale cu Hemdan, Eshban, Ithran le Kheran an si.
27 Ezer fapale cu Bilhan, Zaavan le Akan an si.
28 Dishan fapale cu Uz le Aran an si.
29 Hor miphun hruaitu hna cu Hruaitu Lotan, Hruaitu Shobal, Hruaitu Zibeon, Hruaitu Anah,
30 Hruaitu Dishon, Hruaitu Ezer le Hruaitu Dishan an si. Annih cu Seir ram i Hor miphun hruaitu an si.
31 Israel miphun uktu siangpahrang ahohmanh an um hlanah Edom ram uktu siangpahrang cu hi hna hi an si.
32 Beor fapa Bela nih Edom ram kha a uk, a khuapi min cu Dinhabah a si.
33 Bela a thih tikah Bozrah khuami Zerah fapa Jobab nih a hun uk.
34 Jobab a thih tikah Teman rammi Husham nih a hun uk.
35 Husham a thih tikah Moab ram i Midian mi a teitu Bedad fapa Hadad nih a hun uk. A khuapi min cu Avith a si.
36 Hadad a thih tikah Masrekah khuami Samlah nih a hun uk.
37 Samlah a thih tikah Rehoboth khuami Shaul nih a hun uk. Mah khua cu tivakam ah a um.
38 Shaul a thih tikah Akbor fapa Baalhanan nih a hun uk.
39 Akbor fapa Baalhanan a thih tikah Hadar nih a hun uk. A khuapi min cu Pau a si. A nupi min cu Mehetabel a si. Mehetabel cu Mezahab fanu, Matred i a fanu a si.
40 An chungkhar cio le an hmun ning cio in Esau tefa hruaitu hna i an min cu Hruaitu Timna, Hruaitu Alvah, Hruaitu Jetheth,
41 Hruaitu Oholibamah, Hruaitu Elah, Hruaitu Pinon,
42 Hruaitu Kenaz, Hruaitu Teman, Hruaitu Mibzar,
43 Hruaitu Magdiel le Hruaitu Iram an si. Annih cu Edom tefa hruaitu an si i anmahle an ram cio ah khua an sa. Edom mi hna an pa cu Esau a si.
