An Ikaduha nga Surat ha mga Taga-Corinto 2:1-17

  • Intensyon ni Pablo nga magpalipay (1-4)

  • Nakasala ginpasaylo ngan ginpabalik (5-11)

  • Hi Pablo ha Troas ngan Macedonia (12, 13)

  • Ministeryo, martsa han kadaogan (14-17)

    • Diri parabaligya han pulong han Dios (17)

2  Kay nagdesisyon ako nga an akon pagbisita utro ha iyo diri magin makasurubo.  Kay kon mapapasubo ko kamo, hin-o pa an makakapalipay ha akon gawas han akon napasubo?  Iginsurat ko an akon ginbuhat, basi pagkada ko diri ako mapasubo han mga angay ko kalipayan, kay nasarig ako nga an nakakapalipay ha akon nakakapalipay liwat ha iyo ngatanan.  Kay tungod han damu nga kasakitan ngan duro nga kabido ha kasingkasing nagsurat ako ha iyo upod an damu nga luha, diri basi mapasubo kamo,+ kondi basi hibaroan niyo an akon hilarom nga gugma ha iyo.  Yana kon may tawo nga nakapasubo,+ diri ako an iya napasubo, kondi kamo ngatanan ha usa nga bahin. Pero diri ko karuyag nga sobra nga pabug-atan ini nga punto.  Ini nga pagsaway nga ginhatag han kadam-an igo na para hito nga tawo;  yana sadang lugod kamo magin andam ha pagpasaylo ngan magliaw ha iya,+ basi diri hiya madaog* han sobra nga kasubo.+  Salit gin-aaghat ko kamo nga pasarigon hiya han iyo gugma.+  Kay ini liwat an hinungdan nga nagsurat ako ha iyo: basi mahibaroan kon papamatud-an niyo an iyo pagkamasinugtanon ha ngatanan nga butang. 10  Kon ginpapasaylo niyo an bisan hin-o anoman an iya sayop, akon liwat ginpapasaylo. Ha pagkamatuod, anoman an akon ginpasaylo (kon may ginpasaylo man ako), para ito ha iyo kaopayan ha paniplatan han Kristo, 11  basi diri kita madaog* ni Satanas,+ kay diri kita ignorante han iya mga taktika.*+ 12  Han pag-abot ko ha Troas+ basi ipasamwak an maopay nga sumat mahitungod han Kristo ngan han gin-abrihan ha akon an usa nga purtahan para ha buruhaton han Ginoo, 13  nabaraka gud ako kay waray ko makita hi Tito+ nga akon bugto. Salit nagsarit ako ha ira nga malakat na ako ngan kinadto ako ha Macedonia.+ 14  Pero salamat ha Dios nga pirme naggigiya ha aton ha martsa han kadaogan kaupod han Kristo ngan pinaagi ha aton iginpapasarang* an hamot han kahibaro mahitungod ha iya ha ngatanan nga lugar! 15  Kay para ha Dios mahamot kita nga hamot han Kristo dida ha mga gintatalwas ngan dida ha mga nabubungkag; 16  ha mga nabubungkag ito an baho* han kamatayon nga nagriresulta hin kamatayon,+ ha mga gintatalwas ito an hamot han kinabuhi nga nagriresulta hin kinabuhi. Ngan hin-o an kwalipikado gud hini nga mga butang? 17  Kita, kay diri kita mga parabaligya han* pulong han Dios+ pariho han damu nga tawo, lugod sinsero gud nga nagsasangyaw kita sugad nga mga ginsugo tikang ha Dios, oo, ha paniplatan han Dios ngan kaupod han Kristo.

Mga footnote

O “malamoy.”
O “malimbongan.”
O “mga intensyon; mga plano.”
O “iginpapahayag.”
O “amyon.”
O “diri naton ginninegosyo an; diri kita nagpapaganansya han.”