An Ikaduha nga Surat ha mga Taga-Corinto 13:1-14

  • Kataposan nga mga pahamangno ngan mga pag-aghat (1-14)

    • “Padayon nga sarihi kon aada kamo ha pagtoo” (5)

    • Magpatadong utro; magkauruyon ha panhunahuna (11)

13  Ikatulo na ini nga higayon nga nangangandam ako pagkada ha iyo. “Ha testimonya* han duha o tulo nga testigo an tagsa nga butang kinahanglan mapamatud-an.”+  Bisan kon waray ako dida yana, sugad hin ikaduha nga higayon ko na nga pagkada, ngan abanse nga ginpapahamangnoan ko an mga nakasala hadto ngan an ngatanan nga iba pa, nga kon kumada man ako utro diri hira makakalikay ha disiplina,  kay namimiling kamo hin ebidensya nga an nagyayakan pinaagi ha akon amo gud an Kristo, nga ha iyo diri maluya lugod makusog ha butnga niyo.  Kay ha pagkamatuod, ginpatay hiya ha kahoy tungod han kamaluya, kondi buhi hiya tungod han gahum han Dios.+ Oo, maluya liwat kami pariho ha iya, kondi mabubuhi kami kaupod niya+ tungod han gahum han Dios nga nagios ha iyo.+  Padayon nga sarihi kon aada kamo ha pagtoo; padayon nga pamatud-i kon ano gud kamo.+ O diri ba niyo ginkikilala nga hi Jesu-Kristo kahiusa niyo? Labot la kon kamo diri inuyonan.  Naglalaom gud ako nga masasabtan niyo nga kami diri kay diri inuyonan.  Yana nag-aampo kami ha Dios nga diri unta kamo magbuhat hin sayop, diri basi tagdon kami nga inuyonan, kondi basi kamo magbuhat han maopay, bisan kon kami tagdon nga diri inuyonan.  Kay diri kami makakahimo hin bisan ano nga kontra han kamatuoran, kondi para la han kamatuoran.  Nagrarayhak gud kami ha kada panahon nga maluya kami pero kamo makusog. Ngan ini an amon igin-aampo, nga kamo matadong utro. 10  Ito an hinungdan nga iginsusurat ko ini nga mga butang samtang waray ako dida, basi kon aada na ako, diri ako magin istrikto ha paggamit han awtoridad nga iginhatag ha akon han Ginoo,+ para ha pagparig-on ngan diri ha pagpaluya. 11  Ha kataposan mga kabugtoan, padayon nga magrayhak kamo, magpatadong utro, magpaliaw,+ magkauruyon ha panhunahuna,+ magkinabuhi nga mamurayawon;+ ngan an Dios han gugma ngan han kamurayawan+ maupod ha iyo. 12  Kumustaha niyo an usa kag usa pinaagi hin baraan nga harok. 13  Ginkukumusta kamo han ngatanan nga baraan. 14  Hinaot makarawat niyo ngatanan an diri matupngan nga pagkabuotan han Ginoo nga hi Jesu-Kristo ngan an gugma han Dios ngan an urosa nga pagpahimulos ha baraan nga espiritu.

Mga footnote

Lit., “baba.”