Isaya 44:1-28
44 “Sasa sikiliza, Ee Yakobo mtumishi wangu,Nawe, Ee Israeli, ambaye nimekuchagua.+
2 Hivi ndivyo anavyosema Yehova,Muumba wako, Yule aliyekutokeza,+Ambaye amekusaidia tangu ulipokuwa tumboni:*
‘Usiogope, mtumishi wangu Yakobo,+Na wewe, Yeshuruni,*+ ambaye nimekuchagua.
3 Kwa maana nitammiminia maji mwenye kiu*+Na kumimina vijito vinavyotiririka kwenye ardhi iliyokauka.
Nitaimimina roho yangu juu ya uzao wako*+Na baraka yangu juu ya wazao wako.
4 Nao watachipuka kama majani mabichi,+Kama mierebi kando ya vijito vya maji.
5 Mtu mmoja atasema: “Mimi ni mali ya Yehova.”+
Mwingine atajiita kwa jina la Yakobo,Na mwingine ataandika kwenye mkono wake: “Mali ya Yehova.”
Naye atalichukua jina la Israeli.’
6 Yehova, Mfalme wa Israeli+ na Mkombozi wake,+Yehova wa majeshi, anasema hivi:
‘Mimi ndiye wa kwanza na mimi ndiye wa mwisho.+
Hakuna Mungu ila mimi.+
7 Ni nani aliye kama mimi?+
Na aseme kwa sauti, atangaze, na kunithibitishia!+
Tangu nilipowatokeza watu wa zamani za kale,Na waseme mambo yatakayokujaNa yale yatakayotokea.
8 Msiogope,Wala msilemazwe na woga.+
Je, sikumwambia kila mmoja wenu mapema na kutangaza jambo hilo?
Ninyi ni mashahidi wangu.+
Je, kuna Mungu zaidi yangu?
Hapana, hakuna Mwamba mwingine;+ simjui mwingine.’”
9 Wale wote wanaotengeneza sanamu za kuchongwa hawana thamani yoyote,Na vitu wanavyovipenda sana havitakuwa na faida yoyote.+
Vikiwa kama mashahidi wao, havioni* chochote wala havijui chochote,+Basi waliovitengeneza vitu hivyo wataaibishwa.+
10 Ni nani anayeweza kutengeneza mungu au sanamu ya chuma*Ambayo haina faida yoyote?+
11 Tazameni! Wenzake wote wataaibishwa!+
Mafundi ni wanadamu tu.
Wote na wakusanyike na kusimama.
Watashikwa na hofu na kuaibishwa pamoja.
12 Mhunzi hutengeneza sanamu ya chuma kwenye makaa kwa kifaa chake.*
Anaiunda kwa nyundo,Anaitengeneza kwa mkono wake wenye nguvu.+
Kisha anahisi njaa na kuishiwa na nguvu;Hanywi maji na anachoka.
13 Mchongaji wa mbao huinyoosha kamba ya kupimia, huchora umbo akitumia chokaa nyekundu.
Huchonga sanamu kwa patasi na kuchora kwa bikari.
Anaichonga kwa umbo la mwanadamu,+Kwa uzuri wa mwanadamu,Ili ikae katika nyumba.*+
14 Kuna mtu ambaye kazi yake ni kukata mierezi.
Huchagua mti wa aina fulani, mwaloni,Naye huuacha uwe imara kati ya miti ya msituni.+
Hupanda mlaurusi, na mvua huufanya ukue.
15 Kisha unakuwa kuni zinazotumiwa na mwanadamu kuwasha moto.
Huchukua baadhi yake ili aote moto;Huwasha moto na kuoka mkate.
Lakini pia hutengeneza mungu na kumwabudu.
Huutengeneza kuwa sanamu ya kuchongwa, na kuiinamia.+
16 Nusu yake huiteketeza motoni;Kwa nusu hiyo huchoma nyama anayokula, naye hushiba.
Pia huota moto na kusema:
“Aha! Ninahisi joto ninapotazama moto.”
17 Lakini sehemu inayobaki anaifanya kuwa mungu, kuwa sanamu yake ya kuchongwa.
Anaiinamia na kuiabudu.
Anasali kwake na kusema:
“Niokoe, kwa maana wewe ni mungu wangu.”+
18 Hawajui chochote, hawaelewi chochote,+Kwa sababu macho yao yamefungwa kabisa na hayawezi kuona,Na moyo wao hauna ufahamu.
19 Hakuna mtu anayetafakari moyoni mwakeWala aliye na ujuzi na uelewaji, anayesema:
“Nusu yake niliiteketeza motoni,Nami nimeoka mkate juu ya makaa yake na kuchoma nyama ya kula.
Basi, je, ninapaswa kutumia sehemu inayobaki kutengeneza kitu kinachochukiza?+
Je, ninapaswa kuabudu kipande cha mbao?”*
20 Anakula majivu.
Moyo wake mwenyewe uliodanganyika umempotosha.
Hawezi kujiokoa,* wala hasemi:
“Je, hamna uwongo katika mkono wangu wa kulia?”
21 “Kumbuka mambo haya, Ee Yakobo, na wewe, Ee Israeli,Kwa maana wewe ni mtumishi wangu.
Nilikutokeza, nawe ni mtumishi wangu.+
Ee Israeli, sitakusahau.+
22 Nitayafuta kabisa makosa yako kama kwa wingu+Na dhambi zako kama kwa wingu zito.
Rudi kwangu, kwa maana nitakukomboa.+
23 Pigeni vigelegele kwa shangwe, enyi mbingu,Kwa maana Yehova ametenda!
Pazeni sauti kwa ushindi, enyi sehemu zenye kina za dunia!
Pazeni sauti kwa shangwe, enyi milima,+Ewe msitu, na miti yako yote!
Kwa maana Yehova amemkomboa Yakobo,Na juu ya Israeli anaonyesha fahari yake.”+
24 Yehova, Mkombozi wako,+Aliyekuumba tangu ulipokuwa tumboni, anasema hivi:
“Mimi ni Yehova, niliyeumba kila kitu.
Nilizitandaza mbingu mimi mwenyewe,+Na kuitandaza dunia.+
Ni nani aliyekuwa pamoja nami?
25 Ninazivuruga ishara za wale wanaoongea maneno matupu,*Na mimi ndiye ninayewafanya wabashiri watende kama wapumbavu;+Ninayewavuruga watu wenye hekimaNa kubadili ujuzi wao kuwa upumbavu;+
26 Ni mimi ninayefanya neno la mtumishi wangu litimieNa kutimiza kikamili utabiri wa wajumbe wangu;+Ninayesema kuhusu Yerusalemu, ‘Litakaliwa,’+
Na kuhusu majiji ya Yuda, ‘Yatajengwa upya,+Nami nitajenga upya magofu yake’;+
27 Ninayeviambia vilindi vya maji, ‘Kauka,Nami nitaikausha mito yako yote’;+
28 Ninayesema kumhusu Koreshi,+ ‘Yeye ni mchungaji wangu,Naye atatimiza kikamili mapenzi yangu yote’;+Ninayesema kuhusu Yerusalemu, ‘Litajengwa upya,’
Na kuhusu hekalu, ‘Msingi wako utawekwa.’”+
Maelezo ya Chini
^ Au “tangu ulipozaliwa.”
^ Maana yake “Mnyoofu,” jina la heshima la Israeli.
^ Au “nitaimiminia maji nchi yenye kiu.”
^ Tnn., “mbegu yako.”
^ Yaani, sanamu.
^ Au “sanamu ya kuyeyushwa.”
^ Au “tezo yake.”
^ Au “madhabahu.”
^ Au “ubao uliokauka.”
^ Au “kuiokoa nafsi yake.”
^ Au “manabii wa uwongo.”
