Isaya 41:1-29
41 “Nisikilizeni mkiwa kimya,* enyi visiwa;Mataifa na yapate nguvu tena.
Na yakaribie; kisha yaongee.+
Na tukutane pamoja kwenye hukumu.
2 Ni nani amemwinua mtu kutoka mashariki,*+Akimwita katika uadilifu aje miguuni Pake,*Ili amkabidhi mataifaNa kumfanya awatiishe wafalme?+
Ambaye anawafanya wawe mavumbi mbele ya upanga wake,Kama majani makavu yanayopeperushwa na upepo mbele ya upinde wake?
3 Anawafuatia, anapita bila kuzuiwaKwenye njia ambazo miguu yake haijawahi kupita.
4 Ni nani ametenda na kufanya jambo hili,Kuviita vizazi tangu mwanzoni?
Mimi, Yehova, Ndiye wa Kwanza;+Na kwa wale wa mwisho mimi ni yuleyule.”+
5 Visiwa vimeona hivyo na kuogopa.
Miisho ya dunia ilianza kutetemeka.
Wanakaribia na kuja mbele.
6 Kila mmoja anamsaidia mwenzakeNa kumwambia ndugu yake: “Uwe imara.”
7 Kwa hiyo fundi anamwimarisha mfua chuma;+Yule anayelainisha kwa nyundo ya chumaAnamwimarisha yule agongaye kwenye fuawe.
Anasema hivi kuhusu lehemu: “Ni nzuri.”
Kisha inapigiliwa misumari ili isianguke.
8 “Lakini wewe ni mtumishi wangu, Ee Israeli,+Wewe niliyekuchagua, Ee Yakobo,+Uzao wa* rafiki yangu Abrahamu,+
9 Wewe, niliyekuchukua kutoka kwenye miisho ya dunia,+Na wewe, niliyekuita kutoka sehemu zake za mbali zaidi.
Nilikuambia, ‘Wewe ni mtumishi wangu;+Nimekuchagua wewe; sijakukataa.+
10 Usiogope, kwa maana mimi niko pamoja nawe.+
Usihangaike, kwa maana mimi ni Mungu wako.+
Nitakutia nguvu, naam, nitakusaidia,+Nitakushika kwelikweli kwa mkono wangu wa kuume wa uadilifu.’
11 Tazama! Wale wote wanaowaka hasira dhidi yako wataaibishwa na kufedheheshwa.+
Wale wanaopigana nawe watafanywa kuwa si kitu na wataangamia.+
12 Utawatafuta watu wanaopambana nawe, lakini hutawapata;Watu wanaopigana nawe watakuwa kama kitu kisichokuwepo, watakuwa si kitu kabisa.+
13 Kwa maana mimi, Yehova Mungu wako, ninaushika kwa nguvu mkono wako wa kulia,Mimi ninayekuambia, ‘Usiogope. Nitakusaidia.’+
14 Usiogope, wewe mnyoo* Yakobo,+Ninyi watu wa Israeli, nitawasaidia,” asema Yehova, Mkombozi wenu,+ Mtakatifu wa Israeli.
15 “Tazama! Nimekufanya uwe kifaa cha kupuria,+Kifaa kipya cha kupuria chenye meno yenye makali pande mbili.
Utaikanyaga-kanyaga milima na kuipondapondaNa kuvifanya vilima viwe kama makapi.
16 Utawapepeta,Na upepo utawapeperusha mbali;Dhoruba ya upepo itawatawanya.
Utashangilia katika Yehova,+Nawe utajigamba katika Mtakatifu wa Israeli.”+
17 “Wenye uhitaji na maskini wanatafuta maji, lakini hayapo.
Ulimi wao umekauka kwa sababu ya kiu.+
Mimi, Yehova, nitawajibu.+
Mimi, Mungu wa Israeli, sitawaacha.+
18 Nitafanya mito itiririke kwenye vilima visivyo na kitu+Na chemchemi katika mabonde tambarare.+
Nitaigeuza nyika kuwa dimbwi la maji lenye mateteNa nchi isiyo na maji kuwa chemchemi za maji.+
19 Nitapanda mwerezi jangwani,Mshita na mhadasi na msonobari,+Nitapanda mberoshi katika jangwa tambarare,Pamoja na mtidhari na mvinje,+
20 Ili watu wote waone na kujuaWakaze fikira na kuelewaKwamba mkono wa Yehova umetenda hayo,Na Mtakatifu wa Israeli ameliumba jambo hilo.”+
21 “Leteni kesi yenu,” asema Yehova.
“Toeni hoja zenu,” asema Mfalme wa Yakobo.
22 “Leteni ushahidi na mtuambie mambo yatakayotendeka.
Tuambieni kuhusu mambo ya zamani,*Ili tuyatafakari* na kujua matokeo yakeAu mtutangazie mambo yanayokuja.+
23 Tuambieni mambo yatakayotokea wakati ujao,Ili tujue kwamba ninyi ni miungu.+
Naam, fanyeni jambo, zuri au baya,Ili tushangae tutakapoliona.+
24 Tazameni! Ninyi ni kitu kisichokuwepo,Na mafanikio yenu si kitu.+
Mtu yeyote anayewachagua ninyi anachukiza.+
25 Nimemwinua mtu kutoka kaskazini, naye atakuja,+Kutoka upande wa mapambazuko ya jua,*+ atakayeliitia jina langu.
Atawakanyaga-kanyaga watawala* kana kwamba wao ni udongo,+Kama mfinyanzi anayeukanyaga-kanyaga udongo wenye maji.
26 Ni nani aliyesema jambo hilo tangu mwanzoni, ili tulijue,Au kutoka nyakati za zamani, ili tuseme, ‘Yeye anasema kweli’?+
Kwa kweli, hakuna mtu aliyelitangaza!
Hakuna mtu aliyelisema!
Hakuna mtu aliyesikia lolote kutoka kwenu!”+
27 Nilikuwa wa kwanza kumwambia Sayuni: “Tazama! Wako hapa!”+
Na kwa Yerusalemu nitamtuma mtu anayepeleka habari njema.+
28 Lakini niliendelea kutazama, na hapakuwa na mtu;Hakukuwa na mtu yeyote kati yao ambaye angetoa ushauri.
Nami niliendelea kuwaomba wanijibu.
29 Tazameni! Wote ni udanganyifu.*
Kazi zao si kitu.
Sanamu zao za chuma* ni upepo na ubatili.+
Maelezo ya Chini
^ Au “Nyamazeni mbele zangu.”
^ Au “upande wa mapambazuko ya jua.”
^ Yaani, ili amtumikie Yeye.
^ Tnn., “Mbegu ya.”
^ Yaani, mtu wa hali ya chini asiye na ulinzi.
^ Tnn., “kwanza.”
^ Au “tuyaelekezee moyo wetu.”
^ Au “mashariki.”
^ Au “watawala wasaidizi.”
^ Au “kitu kisichokuwepo.”
^ Au “Sanamu zao za kuyeyushwa.”
