Isaya 40:1-31
40 “Wafarijini, wafarijini watu wangu,” asema Mungu wenu.+
2 “Zungumzeni na moyo wa* Yerusalemu,Na kulitangazia kwamba utumishi wake wa kulazimishwa umetimizwa,Kwamba hatia yake imelipwa.+
Limepokea kutoka mkononi mwa Yehova malipo kamili* kwa ajili ya dhambi zake zote.”+
3 Kuna mtu anayepaza sauti nyikani:
“Fungueni* njia ya Yehova!+
Tengenezeni barabara kuu iliyonyooka+ inayopitia jangwani kwa ajili ya Mungu wetu.+
4 Kila bonde na liinuliwe,Na kila mlima na kilima kishushwe.
Na ardhi yenye mashimo-mashimo itasawazishwa,Na ardhi yenye mawemawe itakuwa bonde tambarare.+
5 Utukufu wa Yehova utafunuliwa,+Na wote wenye mwili* watauona pamoja,+Kwa maana kinywa cha Yehova kimesema hayo.”
6 Sikilizeni! Kuna mtu anayesema: “Tangaza!”
Mwingine anauliza: “Nitangaze nini?”
“Wote wenye mwili* ni majani mabichi.
Upendo wao wote mshikamanifu ni kama ua la shambani.+
7 Majani mabichi hukauka,Ua hunyauka,+Kwa sababu pumzi* ya Yehova hupuliza juu yake.+
Kwa hakika watu ni majani mabichi tu.
8 Majani mabichi hukauka,Ua hunyauka,Lakini neno la Mungu wetu linadumu milele.”+
9 Panda juu ya mlima mrefu,Ewe mwanamke unayeletea Sayuni habari njema.+
Paza sauti yako kwa nguvu,Ewe mwanamke unayeliletea Yerusalemu habari njema.
Ipaze, usiogope.
Yatangazie majiji ya Yuda: “Tazameni Mungu wenu.”+
10 Tazameni! Bwana Mwenye Enzi Kuu Yehova atakuja kwa nguvu,Na mkono wake utatawala kwa ajili yake.+
Tazameni! Anakuja na thawabu yake,Na malipo anayotoa yako mbele zake.+
11 Atalitunza* kundi lake kama mchungaji.+
Atawakusanya pamoja wanakondoo kwa mkono wake,Naye atawabeba kwenye kifua chake.
Atawaongoza kwa upole wale wanaonyonyesha watoto wao.+
12 Ni nani amepima maji katika konzi ya mkono wake+Na kupima vipimo vya* mbingu kwa shubiri* ya mkono wake?
Ni nani ameyakusanya mavumbi ya dunia katika kipimio+Au kupima milima katika mizaniNa vilima katika mizani?
13 Ni nani ambaye ameipima* roho ya Yehova,Na ni nani anayeweza kumfundisha akiwa mshauri wake?+
14 Alishauriana na nani ili apate uelewaji,Au ni nani anayemfundisha njia ya haki,Au kumfundisha ujuzi,Au kumwonyesha njia ya uelewaji wa kweli?+
15 Tazameni! Mataifa ni kama tone kutoka katika ndoo,Naye huyaona kuwa kama mavumbi membamba juu ya mizani.+
Tazameni! Anaviinua visiwa kama mavumbi laini.
16 Hata Lebanoni haitoshi kufanya moto uendelee kuwaka,*Na wanyama wake wa mwituni hawatoshi kwa ajili ya dhabihu ya kuteketezwa.
17 Mbele zake mataifa yote ni kama kitu kisichokuwepo;+Anayaona kuwa si kitu, kama ubatili.+
18 Mnaweza kumlinganisha Mungu na nani?+
Mnaweza kumfananisha na nini?+
19 Fundi hutengeneza sanamu,*Mfua chuma huifunika kwa dhahabu,+Naye huitengenezea mikufu ya fedha.
20 Huchagua mti fulani uwe mchango wake,+Mti ambao hautaoza.
Humtafuta fundi stadiIli atengeneze sanamu ya kuchongwa ambayo haitaanguka.+
21 Je, hamjui?
Je, hamjasikia?
Je, hamkuambiwa tangu mwanzoni?
Je, hamjaelewa tangu misingi ya dunia ilipowekwa?+
22 Kuna Yule anayekaa juu ya duara ya* dunia,+Na wakaaji wake ni kama panzi.
Anazitandaza mbingu kama wavu laini,Naye huzitandaza kama hema la kuishi.+
23 Huwafanya maofisa wakuu kuwa si kituNa kuwafanya waamuzi* wa dunia wawe ubatili.
24 Bado hawajapandwa,Bado hawajatiwa ardhini,Bado shina lao halijatia mizizi ardhini,Nao hupuliziwa na kukauka,Na upepo huwapeperusha mbali kama majani makavu.+
25 “Mnaweza kunifananisha na nani ili niwe sawa naye?” auliza Yule Mtakatifu.
26 “Inueni macho yenu mbinguni mwone.
Ni nani aliyeviumba vitu hivi?+
Ni Yule anayelileta nje jeshi lao kwa hesabu;Huziita zote kwa majina.+
Kwa sababu ya nguvu zake nyingi zenye msukumo na nguvu zake zenye kuogopesha,+Hakuna hata moja inayokosekana.
27 Ewe Yakobo, kwa nini unasema, na ewe Israeli, kwa nini unatangaza,‘Njia yangu imefichwa kutoka kwa Yehova,Nami sipati haki kutoka kwa Mungu’?+
28 Je, hujui? Je, hujasikia?
Yehova, Muumba wa miisho ya dunia, ni Mungu kwa umilele wote.+
Yeye hachoki kamwe wala haishiwi na nguvu.+
Uelewaji wake hauchunguziki.*+
29 Yeye humpa nguvu mtu aliyechokaNa kuwapa uwezo kamili wale wasio na nguvu.*+
30 Wavulana watachoka na kuishiwa na nguvu,Na vijana watajikwaa na kuanguka,
31 Lakini wale wanaomtumaini Yehova watapata nguvu tena.
Watapaa juu kwa mabawa kama tai.+
Watakimbia na hawataishiwa na nguvu;Watatembea na hawatachoka.”+
Maelezo ya Chini
^ Au “Lifarijini.”
^ Au “malipo maradufu.”
^ Au “Tayarisheni.”
^ Au “wanadamu wote.”
^ Au “Wanadamu wote.”
^ Au “roho.”
^ Au “Atalichunga.”
^ Au “ukubwa wa.”
^ Ni urefu kuanzia kidole gumba hadi kidole kidogo, kiganja kikiwa kimepanuliwa. Angalia Nyongeza B14.
^ Au labda, “ameielewa.”
^ Au “haiwezi kuandaa kuni za kutosha.”
^ Au “sanamu ya kuyeyushwa.”
^ Au “tufe la.”
^ Au “watawala.”
^ Au “hauwezi kueleweka.”
^ Au “nguvu zenye msukumo.”
