Isaya 11:1-16
11 Na tawi+ litakua kutoka kwenye kisiki cha Yese,+Na chipukizi+ kutoka kwenye mizizi yake litazaa matunda.
2 Na roho ya Yehova itatua juu yake,+Roho ya hekima+ na ya uelewaji,Roho ya shauri na ya nguvu,+Roho ya ujuzi na ya kumwogopa Yehova.
3 Naye atafurahia kumwogopa Yehova.+
Hatahukumu kwa mambo anayoona kwa macho yake,Wala kukaripia kulingana tu na mambo anayosikia kwa masikio yake.+
4 Atawahukumu kwa haki* watu wa hali ya chini,Na kwa unyoofu atakaripia kwa ajili ya wapole wa dunia.
Ataipiga dunia kwa fimbo ya kinywa chake+Na kuwaua waovu kwa pumzi* ya midomo yake.+
5 Uadilifu utakuwa mshipi kiunoni mwake,Na uaminifu mshipi wa kiuno chake.+
6 Mbwamwitu atakaa pamoja na mwanakondoo kwa muda fulani,+Na chui atalala pamoja na mwanambuzi,Na ndama na simba* na mnyama aliyenoneshwa wote watakuwa pamoja;*+Na mvulana mdogo atawaongoza.
7 Ng’ombe na dubu watakula pamoja,Na watoto wao watalala pamoja.
Simba atakula majani kama ng’ombe dume.+
8 Na mtoto anayenyonya atacheza juu ya shimo la swila,Na mtoto aliyeachishwa kunyonya atatia mkono wake juu ya shimo la nyoka mwenye sumu.
9 Hawatasababisha madhara yoyote+Wala uharibifu wowote katika mlima wangu wote mtakatifu,+Kwa maana kwa hakika dunia itajaa ujuzi kumhusu YehovaKama maji yanavyoifunika bahari.+
10 Siku hiyo mzizi wa Yese+ utasimama kama ishara* kwa ajili ya mataifa.+
Mataifa yatatafuta mwongozo kutoka kwake,*+Na mahali pake pa kupumzikia patakuwa na utukufu.
11 Siku hiyo Yehova ataunyoosha tena mkono wake, mara ya pili, ili kuwakomboa watu wake waliobaki kutoka Ashuru,+ kutoka Misri,+ kutoka Pathrosi,+ kutoka Kushi,+ kutoka Elamu,+ kutoka Shinari,*+ kutoka Hamathi, na kutoka katika visiwa vya bahari.
12 Atainua ishara* kwa ajili ya mataifa na kuwakusanya watu wa Israeli+ waliotawanywa, na watu wa Yuda waliotawanywa atawakusanya pamoja kutoka katika pembe nne za dunia.+
13 Wivu wa Efraimu utakuwa umetoweka,+Na wale wanaomwonyesha Yuda uadui wataangamizwa.
Efraimu hatamwonea Yuda wivu,Wala Yuda hatamwonyesha Efraimu uadui.+
14 Nao watashuka chini kwa ghafla kwenye miteremko ya* Wafilisti upande wa magharibi;Wakiwa pamoja watawapora watu wa Mashariki.
Wataunyoosha mkono wao dhidi ya* Edomu+ na Moabu,+Na Waamoni watakuwa raia wao.+
15 Yehova ataigawanya* ghuba ya* bahari ya Misri+Na kuutikisa mkono wake juu ya ule Mto.*+
Kwa pumzi* yake inayounguza ataipiga katika vijito vyake saba,*Naye atawafanya watu watembee na kuvuka wakiwa wamevaa viatu vyao.
16 Na kutakuwa na barabara kuu+ kutoka Ashuru kwa ajili ya watu wake waliobaki,+Kama ilivyokuwa kwa ajili ya Israeli siku aliyotoka nchini Misri.
Maelezo ya Chini
^ Au “roho.”
^ Au “uadilifu.”
^ Au “mwanasimba mwenye manyoya marefu shingoni.”
^ Au labda, “Na ndama na simba watakula pamoja.”
^ Au “Mataifa yatamtafuta.”
^ Au “nguzo ya ishara.”
^ Yaani, Babilonia.
^ Au “nguzo ya ishara.”
^ Tnn., “bega la.”
^ Au “Mamlaka yao itafika juu ya.”
^ Au labda, “ataikausha.”
^ Tnn., “ulimi wa.”
^ Yaani, Mto Efrati.
^ Au “roho.”
^ Au labda, “ataipiga iwe mito saba.”
