Onlad karga

Onlad saray karga

 KAHON 10B

“Amagaan a Pukepukel” tan ‘Duaran Tasi’—Panon ya Mankonektaan?

“Amagaan a Pukepukel” tan ‘Duaran Tasi’—Panon ya Mankonektaan?
VIEW

NEN 1919, asumpal so duaran mankonektaan ya propesiya: say sakey et nipaakar ed “amagaan a pukepukel” tan samay sakey et nipaakar ed ‘duaran tasi.’ Ipapasakbay na pasingawey nipaakar ed “amagaan a pukepukel” so abayag a panaon (ya inmabot ed nilasus a taon) ya satan et anampot nen abilay so baleg a grupo na totoo na Dios. (Eze. 37:2-4; Apo. 11:1-3, 7-13) Idedeskribe na propesiya nipaakar ed ‘duaran tasi’ so antikey a panaon (manlapud bandad sampot na 1914 anggad gapo na 1919) ya satan et anampot nen binmilay so melag a grupo na saray lingkor na Dios. Parehon isisimbolo na sarayan propesiya so ibilay lamet, tan parehon walaay kasumpalan nen 1919 sanen ‘pinaalagey’ nen Jehova iray alanaan a lingkor to, imbulos to rad Makapanyarin Babilonia, tan tinipon to rad nipawil a kongregasyon.​—Eze. 37:10.

Balet, imanoen ya walay importantin pandumaan na kasumpalan na sarayan duaran propesiya. Ipapasakbay na propesiya nipaakar ed “amagaan a pukepukel” so ibilay na amin a membro na nakekeraan ya alanaan. Balet ipapasakbay na propesiya nipaakar ed ‘duaran tasi’ so ibilay na pigaran membro na nakekeraan ya alanaan—saramay mangidadaulo ed organisasyon tan aturo bilang “matoor tan makabat ya aripen.”​—Mat. 24:45; Apo. 11:6. *

‘Lawak a Napno na Pukepukel’​—Eze. 37:1

  1. KAYARI 100 C.E.

    Manlapud komaduan siglo C.E., simbolikon pinatey iray alanaan a Kristiano kanian napno na “pukepukel” so “lawak”

  2. GAPO NA 1919

    1919: Binmilay iray “amagaan a pukepukel” nen imbulos nen Jehova ed Makapanyarin Babilonia so amin ya alanaan tan tinipon to ra ed nipawil a kongregasyon

‘Duaran Tasi’​—Apo. 11:3

  1. BANDAD SAMPOT NA 1914

    impanpulong ya “akasulong . . . na sakon abel”

    1914: Say ‘duaran tasi’ et nampulong ya “akasulong . . . na sakon abel” ed talora tan kapalduan taon. Kayari na satan, sikaray simbolikon pinatey

  2. simbolikon impatey

  3. GAPO NA 1919

    1919: Binmilay iray ‘duaran tasi’ nen aturo ya manlingkor bilang “matoor tan makabat ya aripen” so melag a grupo na alanaan ya agagin lalaki ya mangidadaulo ed organisasyon

^ par. 4 Nengnengen so Say Panag-bantayan, Marso 2016, “Tepetepet na Saray Manbabasa.”