Exodo 15:1-27

  • Kantaen da Moises ken dagiti Israelita ti kanta ti panagballigi  (1-19)

  • Agkanta met ni Miriam (20, 21)

  • Simmam-it ti napait a danum (22-27)

15  Iti dayta a tiempo, kinanta ni Moises ken dagiti Israelita daytoy a kanta a pangidaydayaw ken Jehova:+ “Kantaak ni Jehova, ta nadayag ti panagballigina.+ Inlemmesna iti baybay ti kabalio ken ti nagsakay iti dayta.+   Ni Jah* ti pigsak ken bilegko, ta isu ti nangisalakan kaniak.+ Isu ti Diosko, ket idaydayawkonto;+ itan-okkonto ti Dios ni amak.+   Ni Jehova ket nabileg a mannakigubat.+ Jehova ti naganna.+   Dagiti karuahe ken ti armada ni Faraon ket inyanudna iti baybay,+Dagiti kalaingan a soldado ni Faraon ket limned iti Nalabaga a Baybay.+   Linapunos ida ti nadawel a dandanum; kasda la bato a limned iti kaadalman.+   Ti kannawan nga imam, O Jehova, dakkel ti pannakabalinna,+Ti kannawan nga imam, O Jehova, kabaelanna a dadaelen ti kabusor.   Naindaklan unay ti kinatan-okmo ket kabaelam nga itumba dagidiay bumusor kenka;+Sumsumged ti ungetmo, uramenna ida a kasla garami.   Babaen ti anges nga aggapu iti agongmo, ngimmato ti danum;Nagbalin a kas pader a mangsarapa iti agay-ayus a danum;Timmangken ti nadawel a danum iti puseg ti baybay.   Kinuna ti kabusor, ‘Kamatek ida! Kamakamek ida! Bingayek ti maalak a kinabaknangda agingga a mapnekak! Asutek ti espadak! Parmekek ida!’+ 10  Pinuyotam ida ket linapunos ida ti baybay;+Limnedda a kas nadagsen a metal iti nadawel a danum. 11  Siasino ti dios a kas kenka, O Jehova?+ Siasino ti kasasantuan a kas kenka?+ Sika ti rumbeng a pagbutngan ken rumbeng a kantaan iti panangidaydayaw, sika a nakaskasdaaw dagiti aramidna.+ 12  Inyunnatmo ti kannawan nga imam, ket inalun-on ida ti daga.+ 13  Gapu iti napudno nga ayatmo, indalanmo dagiti tattao nga insalakanmo;+Gapu iti pigsam, iturongmo ida iti nasantuan a disso a pagnaedam. 14  Masapul a mangngeg dagiti nasion+ ket agpigergerdanto gapu iti buteng;Kasta unay ti pannakariribukto* dagiti agnanaed iti Filistia. 15  Iti dayta a tiempo, agbutengto dagiti shik* iti Edom,Ken agpigerger dagiti nabileg nga agtuturay iti Moab.+ Agkapsutto ti amin nga agnanaed iti Canaan.+ 16  Mabuteng ken maamakdanto.+ Gapu iti mannakabalin a takiagmo, saandanto a makakuti a kas iti batoAgingga a lumasat dagiti tattaom, O Jehova,Agingga a lumabas dagiti tattao a pinarsuam.+ 17  Ipanmo ken imulamto ida iti bantaymo,+Iti naipasdek a lugar nga insaganam a pagnaedam, O Jehova,Iti nasantuan a lugar nga inaramid dagiti imam, O Jehova. 18  Agturayto ni Jehova kas ari iti agnanayon nga awan inggana.+ 19  Idi lumasat iti baybay dagiti kabalio, karuahe, ken kabaliero ni Faraon,+Pinagsabat ni Jehova ti nabisngay a danum ti baybay a nanglemmes kadakuada,+Ngem nagna dagiti Israelita iti namaga a lansad iti tengnga ti baybay.”+ 20  Ni Miriam a propeta a manang ni Aaron ket nangala iti pandereta. Nakipagtokar iti pandereta ken nakipagsala kenkuana ti amin a babbai. 21  Sinungbatan ni Miriam dagiti lallaki babaen ti kanta: “Kantaantayo ni Jehova, ta nadayag ti panagballigina.+ Inlemmesna iti baybay ti kabalio ken ti nagsakay iti dayta.”+ 22  Kalpasanna, indauluan ni Moises ti ipapanaw dagiti Israelita iti Nalabaga a Baybay ket napanda iti let-ang ti Sur. Nagnada iti tallo nga aldaw iti let-ang ngem saanda a nakasarak iti danum. 23  Nakadanonda idiay Mara*+ ngem saanda a mabalin nga inumen ti danum sadiay gapu ta napait, isu a Mara ti impanagan ni Moises iti dayta a lugar. 24  Gapu iti dayta, nagtanabutob dagiti tattao ken Moises,+ nga ibagbagada: “Ania ngaruden ti inumenmi?” 25  Nagpatulong ken Jehova+ ket impakita ni Jehova ti maysa a bassit a kayo. Pinarut ni Moises ken impuruakna iti danum ket simmam-it ti danum. Nangted sadiay ti Dios iti bilin a surotenda tapno makitana no agtulnogda.+ 26  Kinuna ti Dios: “No ikagumaanyo ti dumngeg ken agtulnog ken Jehova a Diosyo ket aramidenyo ti umiso iti imatangna ken tungpalenyo dagiti lintegna ken ti amin a bilinna,+ saankayto a dusaen kadagiti sakit nga impalak-amko kadagiti Egipcio;+ ta siak ni Jehova a mangpapaimbag kadakayo.”+ 27  Kalpasanna, nakadanonda idiay Elim nga ayan ti 12 nga ubbog ti danum ken 70 a kayo a palma. Nagkampoda sadiay iti igid ti danum.

Footnotes

Ti “Jah” ket napaababa a porma ti nagan a Jehova.
Lit., “ut-ot iti panagpasikal.”
Panguluen ti tribu.
Kaipapananna, “Kinapait.”