Cha Pili cha Samweli 22:1-51

  • Daudi anamusifu Mungu kwa sababu ya matendo yake ya wokovu (1-51)

    • “Yehova ni mwamba wangu” (2)

    • Yehova ni mushikamanifu kwa wenye kuwa washikamanifu (26)

22  Na Daudi akamuambia Yehova maneno ya wimbo huu+ siku yenye Yehova alimuokoa katika mukono wa maadui wake wote+ na katika mukono wa Sauli.+ 2  Akasema: “Yehova ni mwamba wangu na ngome yangu+ na Ule mwenye ananiokoa.+  3  Mungu wangu ni mwamba wangu,+ mwenye ninakimbilia,Ngao yangu+ na pembe* yangu ya wokovu,* kimbilio langu salama*+Na mahali pangu pa kukimbilia,+ mwokozi wangu;+ wewe mwenye unaniokoa katika jeuri.  4  Ninamuitia Yehova, mwenye anastahili kusifiwa,Na nitaokolewa kutoka kwa maadui wangu.  5  Mawimbi ya kifo yalinizunguka pande zote;+Mafuriko ya kushitukia ya watu wenye hawana mafaa yoyote yaliniogopesha sana.+  6  Kamba za Kaburi* zilinizunguka;+Mitego ya kifo ilikuwa mbele yangu.+  7  Katika taabu yangu nilimuitia Yehova,+Niliendelea kumuita Mungu wangu. Kisha akiwa katika hekalu lake akasikia sauti yangu,Na kilio changu cha kuomba musaada kikafika katika masikio yake.+  8  Dunia ikaanza kutetemeka na kutikisika huku na huku;+Misingi ya mbingu ikatetemeka+Na kutikisika huku na huku kwa sababu alikuwa amekasirishwa.+  9  Moshi ulipanda kutoka katika matundu ya pua yake,Na moto wenye kuteketeza ukatoka katika kinywa chake;+Makaa yenye kuwaka yakatoka kwake. 10  Alifanya mbingu zikunjame wakati alikuwa anashuka,+Na giza nzito lilikuwa chini ya miguu yake.+ 11  Alipanda juu ya kerubi+ na akakuja akiruka. Alionekana juu ya mabawa ya roho.*+ 12  Kisha akatia giza kumuzunguka kama kibanda,+Katika maji yenye giza na mawingu mazito. 13  Kutoka katika mwangaza wenye kuwa mbele yake makaa yenye moto yaliwaka. 14  Kisha Yehova akaanza kunguruma akiwa mbinguni;+Mwenye Kuwa Juu Zaidi akafanya sauti yake isikike.+ 15  Akapiga mishale yake+ na kuwasambaza;Umeme wa radi, na kuwatia katika muvurugo.+ 16  Sehemu ya chini ya bahari ikaonekana;+Misingi ya inchi ikafunuliwa kwa kemeo la Yehova,Kwa mulipuko wa pumuzi kutoka katika matundu ya pua yake.+ 17  Akiwa juu, alininyooshea mukono;Akanishika na kunikokota kutoka katika maji yenye kuenda chini sana.+ 18  Aliniokoa kutoka kwa adui yangu mwenye nguvu,+Kutoka kwa wale wenye kunichukia, wenye walikuwa na nguvu nyingi kuliko mimi. 19  Walinishambulia katika siku ya musiba wangu,+Lakini Yehova alikuwa tegemeo langu. 20  Alinipeleka inje na kunitia mahali kwenye usalama;*+Aliniokoa kwa sababu alipendezwa na mimi.+ 21  Yehova ananipatia zawabu kulingana na haki yangu;+Ananilipa kulingana na kutokuwa na hatia kwa* mikono yangu.+ 22  Kwa maana nimeshika njia za Yehova,Na sijamuacha kwa uovu Mungu wangu. 23  Hukumu zake zote+ ziko mbele yangu;Sitageuka pembeni kuacha sheria zake.+ 24  Nitabakia bila lawama+ mbele yake,Na nitajiepusha na kosa.+ 25  Yehova anilipe kulingana na haki yangu,+Kulingana na kutokuwa kwangu na hatia mbele yake.+ 26  Kwa mutu mushikamanifu unatenda kwa ushikamanifu;+Kwa mutu mwenye hana lawama, mwenye nguvu, unatenda bila lawama;+ 27  Kwa mwenye kuwa safi unajionyesha kuwa safi,+Lakini kwa mwenye kupotoka unajionyesha kuwa mwenye busara.*+ 28  Kwa maana unaokoa wanyenyekevu,+Lakini macho yako yanachukia wenye majivuno, na unawashusha.+ 29  Kwa maana wewe ni taa yangu, Ee Yehova;+Yehova ndiye anafanya giza langu liangaze.+ 30  Kwa musaada wako ninaweza kushambulia kikundi cha wanyanganyi;Kwa nguvu za Mungu ninaweza kupanda ukuta.+ 31  Njia ya Mungu wa kweli ni kamilifu;+Neno la Yehova ni lenye kusafishwa.+ Yeye ni ngao kwa wote wenye kumukimbilia.+ 32  Kwa maana ni nani iko* Mungu isipokuwa Yehova?+ Na ni nani iko* mwamba isipokuwa Mungu wetu?+ 33  Mungu wa kweli ndiye ngome yangu yenye nguvu,+Na atafanya njia yangu ikuwe kamilifu.+ 34  Anafanya miguu yangu ikuwe kama ya paa;Ananifanya nisimame mahali pa juu.+ 35  Anazoeza mikono yangu kwa ajili ya vita;Mikono yangu inaweza kukunja upinde wa shaba. 36  Unanipatia ngao yako ya wokovu,Na unyenyekevu wako unanifanya nikuwe mukubwa.+ 37  Unapanua njia kwa ajili ya hatua zangu;Miguu yangu haitatereza.*+ 38  Nitafuatilia maadui wangu na kuwaharibu;Sitarudia mupaka wakati watakuwa wamefutwa. 39  Na nitawafuta na kuwaponda-ponda, na hivyo hawatasimama;+Wataanguka chini ya miguu yangu. 40  Utanipatia nguvu kwa ajili ya vita;+Utafanya maadui wangu waanguke chini yangu.+ 41  Utafanya maadui wangu wanikimbie;*+Nitamaliza* wale wenye kunichukia.+ 42  Wanalilia musaada, lakini hakuna mutu wa kuwaokoa;Hata wanamulilia Yehova, lakini yeye hawajibu.+ 43  Nitawatwanga ili wakuwe laini kama mavumbi ya dunia;Nitawaponda-ponda na kuwakanyanga-kanyanga kama matope katika barabara. 44  Utaniokoa kutokana na tabia ya watu wangu ya kutafuta-tafuta makosa.+ Utanilinda ili nikuwe kichwa cha mataifa;+Watu wenye sikujua watanitumikia.+ 45  Wageni watakuja wakijikunja kwa woga mbele yangu;+Mambo yenye watasikia kunihusu yatawafanya wanitii.* 46  Wageni watakosa uhodari;*Watakuja wakitetemeka kutoka katika ngome zao. 47  Yehova ni mwenye kuishi! Mwamba wangu asifiwe!+ Mungu wa mwamba wa wokovu wangu atukuzwe.+ 48  Mungu wa kweli ananilipizia kisasi;+Anatiisha vikundi vya watu chini yangu;+ 49  Ananiokoa kutoka kwa maadui wangu. Unaniinua+ juu ya wale wenye kunishambulia;Unaniokoa kutokana na mutu mwenye jeuri.+ 50  Ndiyo sababu nitakushukuru, Ee Yehova, kati ya mataifa,+Na nitaimbia jina lako sifa:*+ 51  Anatenda matendo makubwa ya wokovu* kwa ajili ya mufalme wake;+Anamuonyesha mutiwa-mafuta wake upendo mushikamanifu,Kwa Daudi na uzao wake* milele.”+

Maelezo ya Chini

^ Ao “mwokozi wangu mwenye nguvu.”
^ Ao “mahali pangu salama pa juu.”
^ Ao “Sheoli,” ni kusema, kaburi la wanadamu wote. Angalia Maana ya Maneno.
^ Ao “ya upepo.”
^ Ao “mahali penye nafasi kubwa.”
^ Tnn., “usafi wa.”
^ Ao pengine, “unatenda kama mupumbavu.”
^ Ao “eko.”
^ Ao “eko.”
^ Ao “Vifundo vya miguu yangu havitatereza.”
^ Ao “Utanipatia migongo ya maadui wangu.”
^ Tnn., “Nitanyamazisha.”
^ Tnn., “Wakati tu sikio lao linasikia, watanitii.”
^ Ao “watafifia.”
^ Ao “nitapigia jina lako muziki.”
^ Ao “Analeta ushindi mukubwa.”
^ Tnn., “mbegu yake.”