Numeros 24:1-25
24 Sanen anengneng nen Balaam a makapaliket ed si* Jehova so pamendisyon ed Israel, agto la linman nananap na saray tanda na kadederal,+ noagta inyarap toy lupa to ed kalawakan.
2 Sanen tinmangway Balaam tan anengneng ton mankakampo so Israel unong ed saray tribu to,+ niwalad sikato so espiritu na Dios.+
3 Insan imbalikas to iyan proverbio:+
“Say balikas nen Balaam ya anak nen Beor,Tan say balikas na sakey a toon alukasan iray mata to,
4 Say balikas na sakey ya akadngel ed salita na Dios,Sakey ya akanengneng ed pasingawey a nanlapud Makapanyarin-amin,Sakey a dinmakmomo ya alukasan iray mata to:+
5 Alay dakep na saray toldam, O Jacob,Saray tabernakulom, O Israel!+
6 Singa ra saray lawak* a ninmatnat ed arawi,+Singa saray hardin ed gilig na ilog,Singa saray tanaman ya aloe ya intanem nen Jehova,Singa saray kiew a sedro diad gilig na saray danum.
7 Ontetedter iray danum ed saray duaran katat a panag-asol to,Tan nitanem so bini* to ed gilig na dakel a danum.+
Magmaliw met a mas baleg so ari to+ nen si Agag,+Tan nitandoro so panarian to.+
8 Say Dios so angipaway ed sikato ed Ehipto;Sikatoy magmaliw a singa saray saklor na toro parad sikara.
Upoten to ray nasyon, saray mamapairap ed sikato,+Tan ngatngaten to ray pukel da, tan mekmeken to rad panamegley na saray pana to.
9 Sikatoy kinmebkeb, sikatoy dinmukol a singa leon,Tan singa sakey a leon, siopay makpel a mamangon ed sikato?
Nabendisyonan iramay mamebendisyon ed sika,Tan naayew iramay mangaayew ed sika.”+
10 Insan sinmanok a maong si Balak ed si Balaam. Intipak nen Balak iray lima to pian mudmoraen toy Balaam tan inkuan to: “Tinawag ta kan mangisambad saray kalaban ko,+ balet natan et anggapo lay ginawam noag say bendisyonan iran amitlo.
11 Sempet ka la natan. Ninonot kon pagalangan ta kan maong komon,+ balet insiblet nen Jehova ed sika so kagalangan.”
12 Inmebat si Balaam ed si Balak: “Agta imbagak lad saray mensahero ya imbakim,
13 ‘Anggano iter ed siak nen Balak so abung to a napnoy pilak tan balitok, agko nayarian a gawaen ed dilin linawak* so antokaman ya onlampas ed ganggan nen Jehova, balanglan maabig odino mauges. No antoy paibaga nen Jehova ed siak, satan labat so ibagak’?+
14 Tan natan et ompawil ak lad saray totook. Gala, ta ipasakbay kod sika no antoy gawaen na sarayan totoo ed saray totoom diad arapen.”*
15 Kanian sinalita to iyan proverbio:+
“Say balikas nen Balaam ya anak nen Beor,Tan say balikas na sakey a toon alukasan iray mata to,+
16 Say balikas na sakey ya akadngel ed salita na Dios,Tan sakey a walaan na pikakabat ed Sankatagyan,Sakey a pasingawey a nanlapud Makapanyarin-amin so anengneng toLegan ya ondadakmomo ya alukasan iray mata to:
17 Sikatoy nanengneng ko, balet aliwan natan;Sikatoy nanengneng ko, balet aliwan tampol.
Sakey a bitewen+ so ompaway manlapud Jacob,Tan sakey a setro+ so ontalindeg manlapud Israel.+
Tan betagen to so moling na Moab*+Tan say lapislapis na ulo na amin a magulon ananak.
18 Tan say Edom et nakayarian,+On, say Seir+ et nakayarian na saray kalaban to,+Legan ya ipapatnag na Israel so inkakpel to.
19 Tan manlapud Jacob et ompaway so sakey a manakop,+Tan deralen to so siopaman a makaliktar ed syudad.”
20 Sanen anengneng toy Amalek, intuloy ton imbalikas so proverbio to:
“Si Amalek so inmuna ed saray nasyon,+Balet diad kaunoran et sikatoy naandi.”+
21 Sanen anengneng to iray Keneo,+ intuloy ton imbalikas so proverbio to:
“Maligen so panaayaman mo, tan niletneg ed baleg a bato so ayaman mo.
22 Balet walay mamool ed Kain.
Panon nin kabayag antis kan erelen na Asirya?”
23 Tan intuloy ton imbalikas so proverbio to:
“Pakaskasi la! Siopay makaliktar sano gawaen iya na Dios?
24 Onsabi iray barko manlapud baybay na Kitim,+Tan pairapen da so Asirya,+Tan pairapen da so Eber.
Balet sikatoy sigpot met a naandi.”
25 Insan sinmempet lay Balaam.+ Linma met lay Balak.
