Numeros 1:1-54
1 Tan akitongtong si Jehova ed si Moises diad kalawakan na Sinai,+ diad tolda a pantitiponan,+ ed unonan agew na komaduan bulan, diad komaduan taon na impaway da ed dalin na Ehipto.+ Inkuan to:
2 “Alam so sensus+ na amin ya Israelita,* a sansakey* unong ed saray tribu ra, unong ed saray pamilya na kaamaan da, unong ed bilang na saray ngaran na amin a lalaki.
3 Irehistro yon dua nen Aaron so amin a mantaon na 20 a patagey+ a nayarin mansundalo ed Israel unong ed saray grupo ra.*
4 “Mangipila kay sakey a laki manlapud kada tribu; balang sakey et nepeg a lider na pamilya na ama to.+
5 Saraya so kangaranan na lalaki ya ontulong ed sika: diad tribu nen Ruben et si Elizur+ ya anak nen Sedeur;
6 diad tribu nen Simeon et si Selumiel+ ya anak nen Surisadai;
7 diad tribu nen Juda et si Naason+ ya anak nen Aminadab;
8 diad tribu nen Isacar et si Netanel+ ya anak nen Zuar;
9 diad tribu nen Zebulon et si Eliab+ ya anak nen Helon;
10 ed saray ananak nen Jose: diad tribu nen Efraim+ et si Elisama ya anak nen Amihud; diad tribu nen Manases et si Gamaliel ya anak nen Pedazur;
11 diad tribu nen Benjamin et si Abidan+ ya anak nen Gideoni;
12 diad tribu nen Dan et si Ahiezer+ ya anak nen Amisadai;
13 diad tribu nen Aser et si Pagiel+ ya anak nen Ocran;
14 diad tribu nen Gad et si Eliasaf+ ya anak nen Deuel;
15 diad tribu nen Neftali et si Ahira+ ya anak nen Enan.
16 Saraya so atawag manlapud totoo. Sikara so papangulo+ na saray tribu na kaamaan da, saray ulo na nilibo ed Israel.”+
17 Kanian inala nen Moises tan Aaron irayan lalaki ya apili unong ed ngaran.
18 Tinipon da so amin a totoo diad unonan agew na komaduan bulan, pian makapanparehistro ra a sansakey unong ed ngaran, unong ed tribu, tan unong ed saray pamilya na kaamaan da, saramay mantaon na 20 a patagey,+
19 unong ya ingganggan nen Jehova ed si Moises. Kanian inrehistro to ra diad kalawakan na Sinai.+
20 Saray ananak nen Ruben, a panguloan nen Israel,+ et nilista unong ed ngaran, unong ed tribu, tan unong ed pamilya na kaamaan da. Binilang a sansakey so amin a lalakin mantaon na 20 a patagey a nayarin mansundalo,
21 tan say bilang na nirehistro ed tribu nen Ruben et 46,500.
22 Saray kapolian nen Simeon+ et nilista unong ed ngaran, unong ed tribu, tan unong ed saray pamilya na kaamaan da. Binilang a sansakey so amin a lalakin mantaon na 20 a patagey a nayarin mansundalo,
23 tan say bilang na nirehistro ed tribu nen Simeon et 59,300.
24 Saray kapolian nen Gad+ et nilista unong ed ngaran, unong ed tribu, tan unong ed saray pamilya na kaamaan da. Binilang so amin a lalakin mantaon na 20 a patagey a nayarin mansundalo,
25 tan say bilang na nirehistro ed tribu nen Gad et 45,650.
26 Saray kapolian nen Juda+ et nilista unong ed ngaran, unong ed tribu, tan unong ed saray pamilya na kaamaan da. Binilang so amin a lalakin mantaon na 20 a patagey a nayarin mansundalo,
27 tan say bilang na nirehistro ed tribu nen Juda et 74,600.
28 Saray kapolian nen Isacar+ et nilista unong ed ngaran, unong ed tribu, tan unong ed saray pamilya na kaamaan da. Binilang so amin a lalakin mantaon na 20 a patagey a nayarin mansundalo,
29 tan say bilang na nirehistro ed tribu nen Isacar et 54,400.
30 Saray kapolian nen Zebulon+ et nilista unong ed ngaran, unong ed tribu, tan unong ed saray pamilya na kaamaan da. Binilang so amin a lalakin mantaon na 20 a patagey a nayarin mansundalo,
31 tan say bilang na nirehistro ed tribu nen Zebulon et 57,400.
32 Saray kapolian nen Jose ed panamegley nen Efraim+ et nilista unong ed ngaran, unong ed tribu, tan unong ed saray pamilya na kaamaan da. Binilang so amin a lalakin mantaon na 20 a patagey a nayarin mansundalo,
33 tan say bilang na nirehistro ed tribu nen Efraim et 40,500.
34 Saray kapolian nen Manases+ et nilista unong ed ngaran, unong ed tribu, tan unong ed saray pamilya na kaamaan da. Binilang so amin a lalakin mantaon na 20 a patagey a nayarin mansundalo,
35 tan say bilang na nirehistro ed tribu nen Manases et 32,200.
36 Saray kapolian nen Benjamin+ et nilista unong ed ngaran, unong ed tribu, tan unong ed saray pamilya na kaamaan da. Binilang so amin a lalakin mantaon na 20 a patagey a nayarin mansundalo,
37 tan say bilang na nirehistro ed tribu nen Benjamin et 35,400.
38 Saray kapolian nen Dan+ et nilista unong ed ngaran, unong ed tribu, tan unong ed saray pamilya na kaamaan da. Binilang so amin a lalakin mantaon na 20 a patagey a nayarin mansundalo,
39 tan say bilang na nirehistro ed tribu nen Dan et 62,700.
40 Saray kapolian nen Aser+ et nilista unong ed ngaran, unong ed tribu, tan unong ed saray pamilya na kaamaan da. Binilang so amin a lalakin mantaon na 20 a patagey a nayarin mansundalo,
41 tan say bilang na nirehistro ed tribu nen Aser et 41,500.
42 Saray kapolian nen Neftali+ et nilista unong ed ngaran, unong ed tribu, tan unong ed saray pamilya na kaamaan da. Binilang so amin a lalakin mantaon na 20 a patagey a nayarin mansundalo,
43 tan say bilang na nirehistro ed tribu nen Neftali et 53,400.
44 Saraya so inrehistro nen Moises tan si Aaron tan say 12 papangulo na Israel, a kada sakey et mangirerepresenta ed pamilya na ama to.
45 Amin ya Israelita a mantaon na 20 a patagey a nayarin mansundalo ed Israel et nirehistro unong ed pamilya na kaamaan da,
46 tan say bilang na ami-amin a nirehistro et 603,550.+
47 Balet agkaiba a nirehistro iray Levita+ unong ed tribu na kaamaan da.+
48 Kanian oniay inkuan nen Jehova ed si Moises:
49 “Say tribu labat nen Levi so agmo irerehistro, tan agmo nepeg ya ipila so bilang da ed saray arum ya Israelita.+
50 Turom iray Levita a mangasikaso ed tabernakulo na Testimonya+ tan ed amin a kagawaan na satan tan ed amin a bengatlan wadtan.+ Awiten da so tabernakulo tan say amin a kagawaan na satan,+ tan manlingkor ira ditan,+ tan mankampo ra ed liber na tabernakulo.+
51 Sano iyalis so tabernakulo, saray Levita so mamagbag ed satan;+ tan sano tuopen lamet itan, sikara so mangipaalagey ed satan; tan siopaman a toon agmakanepegan* ya onasingger et nepeg a pateyen.+
52 “Nepeg ya ipaalagey na balang Israelita so tolda to diad kampo ya angipasenan ed sikato, balang laki unong ed kawalaan ton taloran-tribu a dibisyon,*+ unong ed saray grupo ra.*
53 Tan saray Levita so mankampo ed liber na tabernakulo na Testimonya, pian agak onsanok ed amin ya Israelita;+ tan responsabilidad na saray Levita so pangasikaso* ed tabernakulo na Testimonya.”+
54 Ginawa na saray totoo ed Israel so amin ya ingganggan nen Jehova ed si Moises. Ontan so ginawa ra.
Paimanod leksab
^ Literal, “lalakin ananak nen Israel.”
^ Odino “kada ulo.”
^ Literal, “unong ed saray armada ra.”
^ Literal, “siopaman ya estranghero,” salanti, sakey ya aliwan Levita.
^ Odino “unong ed bandira to.”
^ Literal, “unong ed saray armada ra.”
^ Odino “so pambantay; so panumpal ed panaglingkor da.”
