Numeros 2:1-34
-
Naorganisa so kampo ed ulop na taloran-tribu (1-34)
2 Oniay imbaga natan nen Jehova ed si Moises tan si Aaron:
2 “Nepeg a mankampo iray Israelita diad kawalaan na taloran-tribu a dibisyon+ ya angipasenan ed sikara, a balang sakey et diad asingger ed bandira* na pamilya na ama to. Mankampo ra ya akaarap tan akapaliber ed tolda a pantitiponan.
3 “Saray mankampo ed bandad bukig, diad bubutayan na agew et say taloran-tribu a dibisyon ed kampo nen Juda unong ed saray grupo ra;* say pangulo ed saray ananak nen Juda et si Naason+ ya anak nen Aminadab.
4 Saramay nirehistro ed armada to et 74,600.+
5 Say mankampo ed abay to et say tribu nen Isacar; say pangulo ed saray ananak nen Isacar et si Netanel+ ya anak nen Zuar.
6 Saramay nirehistro ed armada to et 54,400.+
7 Insan diad biek et say tribu nen Zebulon; say pangulo ed saray ananak nen Zebulon et si Eliab+ ya anak nen Helon.
8 Saramay nirehistro ed armada to et 57,400.+
9 “Amin iramay nirehistro ed saray armada ed kampo nen Juda et 186,400. Sikara so unonan ombuat.+
10 “Say ulop na taloran-tribu ed kampo nen Ruben+ unong ed saray grupo ra* et walad bandad abalaten; say pangulo ed saray ananak nen Ruben et si Elizur+ ya anak nen Sedeur.
11 Saramay nirehistro ed armada to et 46,500.+
12 Say mankampo ed abay to et say tribu nen Simeon; say pangulo ed saray ananak nen Simeon et si Selumiel+ ya anak nen Surisadai.
13 Saramay nirehistro ed armada to et 59,300.+
14 Diad abay to et say tribu nen Gad; say pangulo ed saray ananak nen Gad et si Eliasaf+ ya anak nen Reuel.
15 Saramay nirehistro ed armada to et 45,650.+
16 “Amin iramay nirehistro ed saray armada diad kampo nen Ruben et 151,450, tan sikara so komaduan ombuat.+
17 “Sano iyalis so tolda a pantitiponan,+ say kampo na saray Levita so nepeg a walad pegley na arum nin kampo.
“Manbiahe rad parehon uksoy a singa ed panagkampo ra,+ kada sakey diad pasen to, unong ed saray taloran-tribu a dibisyon a kawalaan da.
18 “Say taloran-tribu a dibisyon ed kampo nen Efraim unong ed saray grupo ra* et walad bandad sagur; say pangulo ed saray ananak nen Efraim et si Elisama+ ya anak nen Amihud.
19 Saramay nirehistro ed armada to et 40,500.+
20 Diad abay to et say tribu nen Manases;+ say pangulo ed saray ananak nen Manases et si Gamaliel+ ya anak nen Pedazur.
21 Saramay nirehistro ed armada to et 32,200.+
22 Diad abay to et say tribu nen Benjamin; say pangulo ed saray ananak nen Benjamin et si Abidan+ ya anak nen Gideoni.
23 Saramay nirehistro ed armada to et 35,400.+
24 “Amin iramay nirehistro ed saray armada diad kampo nen Efraim et 108,100, tan sikara so komatlon ombuat.+
25 “Say taloran-tribu a dibisyon ed kampo nen Dan unong ed saray grupo ra* et walad bandad amianen; say pangulo ed saray ananak nen Dan et si Ahiezer+ ya anak nen Amisadai.
26 Saramay nirehistro ed armada to et 62,700.+
27 Say mankampo ed abay to et say tribu nen Aser; say pangulo ed saray ananak nen Aser et si Pagiel+ ya anak nen Ocran.
28 Saramay nirehistro ed armada to et 41,500.+
29 Diad abay to et say tribu nen Neftali; say pangulo ed saray ananak nen Neftali et si Ahira+ ya anak nen Enan.
30 Saramay nirehistro ed armada to et 53,400.+
31 “Amin iramay nirehistro ed kampo nen Dan et 157,600. Sikara so unor ya ombuat,+ unong ed saray taloran-tribu a dibisyon a kawalaan da.”
32 Saraya so Israelita a nirehistro unong ed saray pamilya na kaamaan da; ami-amin a nirehistro parad armada a walad saray kampo et 603,550.+
33 Balet agnirehistro iray Levita+ a kaiba na saray arum ya Israelita,+ unong ya ingganggan nen Jehova ed si Moises.
34 Ginawa na saray Israelita so amin ya ingganggan nen Jehova ed si Moises. Ontan so pankakampo ra unong ed saray taloran-tribu a dibisyon+ a kawalaan da tan ontan so ipipikal da,+ kada sakey unong ed saray pamilya ra tan unong ed saray pamilya na kaamaan da.
