Proverbio 5:1-23

  • Pakdaar maipapan iti immoral a babbai (1-14)

  • Agragsakka iti asawam (15-23)

5  Anakko, ipangagmo ti siribko. Denggem a naimbag* ti pannakatarusko,+   Tapno masaluadam ti abilidadmo nga agpanunotKen masalaknibam ti pannakaammo babaen ti bibigmo.+   Ta agtedted a kas diro ti bibig ti dakes* a babai,+Ken nalamlamuyot ti bibigna ngem iti lana.+   Ngem ti agpayso, isu ket kas kapait ti mula nga ajenjo+Ken kas katadem ti espada a dua ti tademna.+   Bumaba dagiti sakana ken patay. Agturong iti Tanem* dagiti addangna.   Saanna a pampanunoten ti dana ti biag. Nayaw-awan ket saanna nga ammo ti pagturonganna.   Ita, annakko, dumngegkayo kaniakKet diyo sukiren ti ibagak.   Umadayokayo kenkuana;Dikay umasideg iti ruangan ti balayna,+   Tapno saan a madadael ti reputasionyo+Ken dikay agbiag iti rigat;+ 10  Tapno saan nga ibusen dagiti estranghero ti sanikuayo*+Ken maipan iti balay ti ganggannaet ti nagbannoganyo. 11  Ta no saan, agasugkayto iti ngudo ti biagyoInton marunot ti lasag ken bagiyo+ 12  Ket ibagayo: “Ginurak ti disiplina! Linais ti pusok ti pannubngar! 13  Saanko a dinengngeg ti timek dagiti instruktorkoWenno impangag dagiti mannursurok. 14  Dandaniakon madadael a naan-anayIti tengnga ti intero a kongregasion.”*+ 15  Uminumka iti danum iti pagurnongam,Ken iti agay-ayus* a danum iti bubonmo.+ 16  Rumbeng aya a maiwarawara dagiti ubbogmo iti ruar,Dagiti danummo iti plasa?+ 17  Para laeng koma kenka dagita,Ken saanmo nga ibingay kadagiti estranghero.+ 18  Mabendisionan koma ti ubbogmo,*Ken agragsakka koma iti asawam iti kinaagtutubom,+ 19  Kas makaay-ayo a kabaian nga ugsa, ken napintas a kalding ti bantay.*+ Kanayonka koma a mapnek* iti barukongna. Kanayonka koma a maatrakar iti ayatna.+ 20  Gapuna, apay koma a maayatanka, anakko, iti dakes* a babaiWenno arakupem ti barukong ti immoral* a babai?+ 21  Ta adda iti sanguanan ni Jehova ti dana ti tao;Suksukimatenna amin a dalanna.+ 22  Masiluan ti dakes a tao kadagiti biddutna,Ken matiliwto kadagiti tali ti basolna.+ 23  Matayto ta saan nga immawat iti disiplinaKen mayaw-awan gapu iti nakaro a kinamaagna.

Footnotes

Lit., “Iyallingagmo ti lapayagmo.”
Lit., “di am-ammo.” Kitaem ti Pr 2:16.
Wenno “Sheol,” kayatna a sawen, simboliko a pagtungpalan dagiti natay. Kitaem ti Glosario.
Wenno “bilegyo.”
Lit., “Iti tengnga ti gimong ken kongregasion.”
Wenno “nadalus.”
Wenno “gubuayan ti danummo.”
Pagaammo met kas ibex iti Ingles.
Wenno “mabartek.”
Lit., “di am-ammo.” Kitaem ti Pr 2:16.
Lit., “ganggannaet.” Kitaem ti Pr 2:16.