Proverbio 10:1-32

  • Ti masirib nga anak maparagsakna ni tatangna (1)

  • Mangpabaknang ti ima ti nagaget a tao (4)

  • Mamagbasol ti adu unay a sao (19)

  • Mangpabaknang ti bendision ni Jehova (22)

  • Ti panagbuteng ken Jehova paatiddogenna ti biag (27)

10  Dagiti proverbio ni Solomon.+ Ti masirib nga anak maparagsakna ni tatangna,+Ngem ti maag nga anak mapagladingitna ni nanangna.   Awan serserbi ti gameng a nagun-od babaen ti kinadakes,Ngem ti kinalinteg ti makaisalakan manipud ken patay.+   Saanto nga ipalubos ni Jehova nga agbisin ti nalinteg,*+Ngem saanna a patgan ti tarigagay dagiti dakes.   Ti nasadut nga ima ti mangpapanglaw,+Ngem ti nagaget nga ima ti mangpabaknang.+   Ti anak nga agtignay a sisisirib agurnong iti apit iti kalgaw,Ngem ti anak a matmaturog iti panagaapit ibabainna ti bagina.+   Naiparabaw dagiti bendision iti ulo ti nalinteg,+Ngem ti ngiwat dagiti dakes ilimedda ti kinaranggas.   Ti pakalaglagipan* ti nalinteg agresulta iti bendision,+Ngem ti nagan dagiti dakes marunotto.+   Umawat kadagiti instruksion* ti masirib a tao,+Ngem maipayatpayatto ti agsasao a simamaag.+   Natalgedto ti pannagna daydiay magmagna a matalek,+Ngem matakuatanto daydiay mangkilkillo iti dalanna.+ 10  Naladingitto daydiay sisisikap a mangikirem iti matana,+Ken maipayatpayatto daydiay agsao a simamaag.+ 11  Ti ngiwat ti nalinteg ket ubbog ti biag,+Ngem ti ngiwat ti dakes ilimedna ti kinaranggas.+ 12  Gura ti mangrubrob iti riri,Ngem ti ayat abbonganna ti amin a basol.+ 13  Masarakan ti sirib iti bibig ti tao a nauneg ti pannakatarusna,+Ngem ti pagbaut ket para iti bukot ti saan a masirib.*+ 14  Ipateg dagiti masirib ti pannakaammo,+Ngem iyawis ti ngiwat ti maag ti pannakadadael.+ 15  Ti sanikua* ti nabaknang ket ti napaderan a siudadna. Ti mangdadael kadagiti napanglaw ket ti kinarigatda.+ 16  Ti aramid ti nalinteg agturong iti biag;Ngem ti apit ti dakes a tao agturong iti basol.+ 17  Ti mangipangag iti disiplina ket agbalin a dalan ti biag,*Ngem ti saan a mangikankano iti pannubngar iyaw-awanna ti sabsabali. 18  Agsao iti ulbod daydiay mangilimed iti gurana,+Ken maag daydiay mangiwarwaras iti makadangran a damag.* 19  No adu unay ti sao, saan a maliklikan ti basol,+Ngem ti asinoman a mangkontrol iti bibigna, agtigtignay a sisisirib.+ 20  Ti dila ti nalinteg ket kas iti kasayaatan a pirak,+Ngem ti puso ti dakes a tao ket bassit ti pategna. 21  Ti sasao ti nalinteg taraonanna* ti adu,+Ngem matay ti maag gapu iti kurang a pannakaawatna.+ 22  Ti bendision ni Jehova ti mangpabaknang,+Ket saanna a nayonan iti rigat.* 23  Ti nakababain nga aramid ket kasla ay-ayam iti maag,Ngem ti sirib ket para iti tao a nauneg ti pannakatarusna.+ 24  Dumtengto iti dakes a tao ti pagbutbutnganna;Ngem mapatganto ti tarigagay ti nalinteg.+ 25  Inton lumabas ti bagyo, awanen ti dakes a tao,+Ngem ti nalinteg ket pundasion iti agnanayon.+ 26  Kas suka iti ngipen ken asuk iti mata,Kasta ti nasadut a tao iti daydiay mangibabaon kenkuana.* 27  Ti panagbuteng ken Jehova paatiddogenna ti biag,+Ngem umababanto dagiti tawen ti dakes a tao.+ 28  Mangyeg iti rag-o ti namnama* ti nalinteg,+Ngem mapukawto ti namnama ti dakes.+ 29  Ti dalan ni Jehova ket proteksion daydiay awan pakababalawanna,+Ngem pannakadadael kadagiti agar-aramid iti dakes.+ 30  Saanto a pulos matumba ti nalinteg,+Ngem saanton nga agnaed iti daga ti dakes a tao.+ 31  Ti ngiwat ti nalinteg mangpataud* iti sirib,Ngem maputedto ti nakillo a dila. 32  Ti bibig ti nalinteg ammona ti makaay-ayo,Ngem ulbod ti ngiwat ti dakes a tao.

Footnotes

Wenno “ti kararua ti nalinteg.”
Wenno “reputasion.”
Lit., “bilin.”
Lit., “awanan iti puso.”
Wenno “napateg a banag.”
Wenno mabalin nga, “adda iti dalan ti biag.”
Wenno “tsismis.”
Wenno “idalanna.”
Wenno “ladingit; kinarigat.”
Wenno “iti amona.”
Wenno “ekspektasion.”
Wenno “agbunga.”