Proverbio 22:1-29

  • Nasaysayaat ti naimbag a nagan ngem ti adu a kinabaknang (1)

  • Tungpal-biag ti pagsayaatan ti nasapa a pannakasanay (6)

  • Kabuteng ti sadut ti leon iti ruar (13)

  • Ikkaten ti disiplina ti kinamaag (15)

  • Agserbi ti eksperto a trabahador kadagiti ari (29)

22  Pilien ti naimbag a nagan* imbes a ti adu a kinabaknang;+Nasaysayaat ti marespeto* ngem ti pirak ken balitok.   Daytoy ti pagpadaan* ti nabaknang ken napanglaw: Inaramid ida ni Jehova.+   Makita ti masirib a tao ti peggad ket aglemmeng,Ngem agdiretso latta ti awanan kapadasan ket agsagaba.*   Ti resulta ti kinapakumbaba ken panagbuteng ken JehovaKet kinabaknang, dayag, ken biag.+   Adu ti siit ken palab-og iti dalan ti nakillo a tao,Ngem adaywan dagita ti mangipateg iti biagna.*+   Sanayem ti ubing* iti dalan a rumbeng a papananna;+Uray inton lumakay saannanto a panawan dayta.+   Ti nabaknang iturayanna ti napanglaw,Ket ti immutang adipen ti nagpautang.+   Asinoman nga agmula iti kinakillo agapitto iti didigra,+Ken matukkolto ti pang-or ti pungtotna.+   Mabendisionanto ti naparabur a tao,*Ta ibingayna ti taraonna iti napanglaw.+ 10  Pagtalawem ti mananglais,Ket mapukawto ti di pagkikinnaawatan;Agsardengto dagiti riri* ken pananginsulto. 11  Ti mangay-ayat iti nadalus a puso ken agsasao iti makaay-ayoAgbalinto a gayyem ti ari.+ 12  Saluadan dagiti mata ni Jehova ti pannakaammo,Ngem paayenna ti sasao ti manangallilaw.+ 13  Kuna ti sadut: “Adda leon iti ruar! Patayennakto iti tengnga ti plasa!”+ 14  Ti ngiwat ti dakes* a babbai ket nauneg nga abut.+ Matnagto iti dayta ti kinondenar ni Jehova. 15  Naigalut ti kinamaag iti puso ti ubing,*+Ngem ti baut a pangdisiplina ti mangikkat iti dayta.+ 16  Ti mangsaur iti napanglaw tapno bumaknang+Ken ti mangted iti sagut iti nabaknangKet pumanglawto. 17  Dumngegka a naimbag iti ibaga ti masirib,+Tapno maipapusom ti pannakaammok,+ 18  Ta nasayaat a pagtalinaedem dagita iti pusom,+Tapno kanayon a maisarsaritam dagita.+ 19  Tapno agtalekka ken Jehova,Ikkanka iti pannakaammo ita nga aldaw. 20  Saan aya a sinuratankan,A binalakadan ken inikkanka iti pannakaammo, 21  Tapno isurok kenka ti pudno ken mapagtalkan a sasao,Ket makasublika nga umiso ti ipadamagmo iti nangibaon kenka? 22  Dimo takawan ti panglaw ta napanglaw,+Ket dimo irurumen ti nanumo iti ruangan ti siudad,+ 23  Ta ni Jehova a mismo ti mangilaban kadakuada+Ken alaennanto ti biag* dagidiay mangsaur kadakuada. 24  Dika makikadua iti managpudpudot a taoWenno makilangen iti managpungpungtot, 25  Tapno dimo pulos masursuro ti dalannaKet masiluanka.+ 26  Dika makikadua kadagiti makialamano tapno makitulag,A manggarantia iti utang ti sabali.+ 27  No awan pagbayadmo,Maalanto ti katre a pagid-iddaam! 28  Dimo iyalis ti nabayagen a muhonNga inkabil dagidi ammam.+ 29  Nakakitaka kadin iti eksperto a trabahador? Agtakderto iti sanguanan dagiti ari;+Saanto nga agtakder iti sanguanan ti ordinario a tattao.

Footnotes

Wenno “ti naimbag a reputasion.” Lit., “ti nagan.”
Lit., “pabor.”
Lit., “pagsabtan.”
Wenno “madusa.”
Wenno “kararuana.”
Wenno “agtutubo.”
Lit., “ti addaan iti naimbag a mata.”
Wenno “panangidarum.”
Lit., “di am-ammo.” Kitaem ti Pr 2:16.
Wenno “agtutubo.”
Wenno “patayennanto ti kararua.”