Proverbio 13:1-25

  • Masirib dagiti agpabalakad (10)

  • Ti namnama a maitantan pagsakitenna ti puso (12)

  • Mangyeg iti pannakapaimbag ti matalek a mensahero (17)

  • Ti makikadua iti masirib agbalinto a masirib (20)

  • Disiplina, ebkas ti ayat (24)

13  Ti masirib nga anak awatenna ti disiplina ni amana,+Ngem ti mananglais saan a dumngeg iti pannubngar.*+   Manganto iti naimbag ti maysa a tao iti bunga ti sasaona,*+Ngem kinaranggas ti tartarigagayan ti manangallilaw.   Ti mangannad iti ngiwatna* salsalaknibanna ti biagna,*+Ngem ti manginganga iti bibigna madadaelto.+   Adda dagiti tarigagay ti sadut, kaskasdi nga awan ti magun-odna,+Ngem naan-anayto a mapnek* ti nagaget.+   Ti nalinteg kagurana ti kinaulbod,+Ngem maipababa ken maibabain dagiti dakes gapu iti aramidda.   Ti kinalinteg salaknibanna daydiay awan pakababalawan ti panagbiagna,+Ngem ti kinadakes ipababana ti managbasol.   Adda aginkukuna a nabaknang, ngem awanan;+Adda met aginkukuna a napanglaw, ngem nakabakbaknang.   Kinabaknang ti pangsubbot iti biag* ti tao,+Ngem saan man la nga agpeggad* ti napanglaw.+   Nakaranraniag* ti lawag dagiti nalinteg,+Ngem maiddepto ti lampara dagiti dakes.+ 10  Ti kinatangsit agtungpal laeng ti riri,+Ngem masirib dagidiay agpabalakad.*+ 11  Bumassitto ti kinabaknang a nalaka a nagun-od,*+Ngem umadunto ti kinabaknang daydiay in-inut nga agurnong.* 12  Ti namnama* a maitantan pagsakitenna ti puso,+Ngem ti tarigagay a matungpal ket kayo ti biag.+ 13  Agsagabanto ti asinoman a manglais iti instruksion,*+Ngem magunggonaanto ti mangraem iti bilin.+ 14  Ti pannursuro* ti masirib ket ubbog ti biag+Tapno mayadayo ti maysa kadagiti silo ni patay. 15  Ti nasayaat a pannakatarus makagun-od iti pabor,Ngem lasonglasong ti dalan ti manangallilaw. 16  Ti masirib agtignay nga addaan pannakaammo,+Ngem ti maag ipakitana ti kinamaagna.+ 17  Ti dakes a mensahero mangpataud iti problema,+Ngem ti matalek a mensahero mangyeg iti pannakapaimbag.+ 18  Pumanglaw ken maibabain ti di mangikankano iti disiplina,Ngem maidaydayawto ti umawat iti panangilinteg.*+ 19  Makaparagsak iti tao* ti tarigagay a matungpal,+Ngem kagura ti maag nga adaywan ti dakes.+ 20  Ti makikadkadua* iti masirib agbalinto a masirib,+Ngem ti makilanglangen iti maag, dakesto ti pagtungpalanna.+ 21  Kamkamaten ti didigra dagiti managbasol,+Ngem gunggonaan ti kinarang-ay dagiti nalinteg.+ 22  Mangibati ti naimbag a tao iti tawiden dagiti appokona,Ngem maidulin ti kinabaknang dagiti managbasol para iti nalinteg.+ 23  Mangyeg iti adu a taraon ti naarado a talon ti napanglaw,Ngem mabalin a mapukaw dayta* gapu iti kinaawan hustisia. 24  Ti mangigawid iti pagbaut* kagurana ti anakna,+Ngem ti mangay-ayat iti anakna disiplinaenna a sipapasnek.*+ 25  Mangan ti nalinteg agingga a mapnek ti ganasna a mangan,*+Ngem awan ti nagyan ti tian dagiti dakes.+

Footnotes

Wenno “panangilinteg.”
Lit., “ngiwatna.”
Wenno “ibagbagana.”
Wenno “kararuana.”
Lit., “agbalinto a nalukmeg.”
Wenno “kararua.”
Lit., “awan ti pannubngar a mangngeg.”
Lit., “Agragrag-o.”
Wenno “agkikinnonsulta.”
Wenno “ti ubbaw a kinabaknang.”
Lit., “nagurnong babaen ti imana.”
Wenno “ekspektasion.”
Wenno “sao.”
Wenno “linteg.”
Wenno “pannubngar.”
Wenno “Nasam-it iti kararua.”
Lit., “makipagpagna.”
Wenno “ti napanglaw.”
Wenno “disiplina; dusa.”
Wenno mabalin a, “dagus.”
Wenno “ti kararuana.”