Proverbio 4:1-27

  • Masirib nga instruksion ti ama (1-27)

    • Kapatgan iti amin, gun-oden ti sirib (7)

    • Adaywan ti dakes a dana (14, 15)

    • Lumawlawag ti dana ti nalinteg (18)

    • “Saluadam ta pusom” (23)

4  Annakko, denggenyo ti disiplina ti ama;+Ipangagyo tapno magun-odyo ti pannakaawat,   Ta ikkankayto iti nasayaat nga instruksion;Diyo baybay-an ti pannursurok.*+   Naimbagak nga anak iti amak+Ken ipatpategnak unay ti inak.+   Insuro kaniak ti amak: “Salimetmetan koma ta pusom ti sasaok.+ Tungpalem dagiti bilinko ket agtultuloyka nga agbiag.+   Gun-odem ti sirib, gun-odem ti pannakaawat.+ Saanmo a lipaten, ket dika sukiren ti ibagak.   Saanmo a panawan dayta, ket salaknibannakanto. Ipategmo dayta, ket saluadannakanto.   Ti sirib ti kapatgan,*+ isu a gun-odem ti sirib,Ket iti amin a gun-odem, gun-odem ti pannakaawat.+   Ipategmo unay dayta, ket itan-oknakanto.+ Idayawnakanto ta inawatmo.+   Mangipaayto iti makaay-ayo a balangat ita ulom;Arkosannakanto iti napintas a korona.” 10  Dumngegka, anakko, ken awatem ti sasaok,Ket umadunto ti tawen ti biagmo.+ 11  Isurokanto iti dalan ti sirib;+Iturongkanto kadagiti dana ti kinalinteg.+ 12  Saanto a maigawid dagiti addangmo no magnaka;Ken saankanto a maitibkol no agtarayka. 13  Petpetam ti disiplina; saanmo nga ibbatan.+ Saluadam dayta, ta dayta ti biagmo.+ 14  Dika sumrek iti dana ti managdakdakes,Ken dika magna iti dalan ti dakes a tattao.+ 15  Adaywam, dika magna iti dayta;+Panawam, ket labsam dayta.+ 16  Ta saanda a makaturog no dida agaramid iti dakes. Saanda a makaridep no awan ti madangranda. 17  Kanenda ti tinapay ti kinadakes,Ken inumenda ti arak ti kinaranggas. 18  Ngem ti dana dagiti nalinteg ket kas iti naraniag a lawag iti agsapaA lumawag a lumawag agingga iti tengnga ti aldaw.+ 19  Ti dalan dagiti dakes ket kas iti sipnget;Saanda nga ammo ti pakaitibkolanda. 20  Anakko, ipangagmo ti sasaok;Denggem a naimbag* ti sasaok. 21  Saanmo a liplipatan dagita;Salimetmetam dagita iti kaunggan ta pusom,+ 22  Ta biag ti itedda kadagiti makasarak kadagita+Ken salun-at iti intero a bagida.* 23  Iti amin a saluadam, saluadam ta pusom,+Ta agtaud iti dayta dagiti ubbog ti biag. 24  Ikkatem ti nakillo a panagsasao,+Ken adaywam ti nasikap a sasao. 25  Diretso laeng koma ti kitaen dagiti matam,Wen, kumitaka laeng* iti sanguanam.+ 26  Pasayaatem* ti pagnaan dagiti sakam,+Ket natalgedto ti amin nga addangmo. 27  Dika mapan iti kannawan wenno iti kannigid.+ Iyadayom dagiti sakam iti dakes.

Footnotes

Wenno “lintegko.”
Wenno “kangrunaan.”
Lit., “Iyallingagmo ti lapayagmo.”
Lit., “lasagda.”
Wenno “ikitam dagiti naraniag a matam.”
Wenno mabalin nga, “Usigem a naimbag.”