Proverbio 1:1-33

  • Panggep dagiti proverbio (1-7)

  • Peggad ti dakes a kakadua (8-19)

  • Agpukpukkaw ti pudno a sirib iti publiko (20-33)

1  Dagiti proverbio ni Solomon+ nga anak ni David,+ ti ari ti Israel:+   Tapno masursuro* ti maysa ti sirib+ ken disiplina;Tapno matarusanna ti sasao a nauneg ti kaipapananna;   Tapno umawat iti disiplina+ a mangted iti pannakatarus,Kinalinteg,+ kinahustisia,*+ ken kinapudno;*   Tapno agbalin a masirib+ ti awanan kapadasan;Tapno maaddaan ti agtutubo iti pannakaammo ken abilidad nga agpanunot.+   Dumngeg ti masirib ken agsursuro pay;+Gumun-od ti mannakaawat iti nasayaat* a panangiwanwan+   Tapno matarusanna ti proverbio ken mamagpanunot a sasao,*Ti sasao ken burburtia dagiti masirib.+   Ti panagbuteng* ken Jehova ti pangrugian ti pannakaammo.+ Dagiti laeng maag ti manglais iti sirib ken disiplina.+   Anakko, ipangagmo ti disiplina ni tatangmo,+Ken dimo sukiren ti instruksion* ni nanangmo.+   Makaay-ayo a balangat dagita iti ulom+Ken napintas a kuentas iti tengngedmo.+ 10  Anakko, dika tumulok no allukoyendaka dagiti managbasol.+ 11  No ibagada: “Kumuyogka kadakami. Intay mangtambang iti patayentayo. Aglemmeng ken aguraytayo kadagiti inosente a biktima. 12  Alun-onentayo ida a sibibiag a kas iti panangalun-on ti Tanem,*A sibubukel, kas kadagidiay matnag iti abut. 13  Agawentayo amin a napateg a gamengda;Punnuentayo ti balaytayo iti samsam. 14  Kumuyogka* koma kadakami,Ket pagbibingayantayo dagiti matakawtayo.”* 15  Anakko, dika sumurot kadakuada. Dika magna iti dalanda,+ 16  Ta agtarayda nga agaramid iti dakes;Agdardarasda nga agibukbok iti dara.+ 17  Awan serserbi ti mangipakat iti silo no makitkita ti billit. 18  Isu a mangtambangda iti patayenda;Aglemmengda tapno adda makettelda a biag.* 19  Kasta ti ar-aramiden dagidiay gumun-od iti kinabaknang babaen ti panagsuitik,A pakapukawanto ti biagda.*+ 20  Umaw-awag ti pudno a sirib+ iti kalsada.+ Agpukpukkaw dayta kadagiti plasa.+ 21  Umaw-awag dayta iti nagsulian* dagiti kalsada nga adu ti taona. Kadagiti ruangan ti siudad, ibagbagana:+ 22  “Dakayo nga awanan kapadasan, kasano kabayag nga agtalinaedkayo a kasta? Dakayo a nauyaw, kasano kabayag a pagaayatyo ti aguyaw? Ken dakayo a maag, kasano kabayag a guraenyo ti pannakaammo?+ 23  Ipangagyo ti pannubngarko.*+ Iti kasta, ibukbokkonto kadakayo ti espirituk;Ipakaammokto kadakayo ti sasaok.+ 24  Gapu ta immawagak ngem saankayo a dimngeg,Nagpayapayak ngem saandak nga inkaskaso,+ 25  Dikay dimdimngeg iti amin a balakadko,Ken diyo inkankano ti pannubngarko, 26  Katawaankayto met inton madidigrakayo;Laisenkayto inton mapasamak ti pagbutbutnganyo,+ 27  Inton dumteng a kas bagyo ti pagbutbutnganyo,Ken umay a kas nagpigsa nga angin ti pannakadidigrayo,Inton dumteng kadakayo ti rigat ken riribuk. 28  Iti dayta a tiempo, awagandakto ngem diak sumungbat;Ikagumaandakto a biroken ngem saandak a masarakan,+ 29  Ta ginurada ti pannakaammo,+Ken saanda a nagbuteng ken Jehova.+ 30  Saanda a dimngeg iti balakadko;Saanda a rinaem ti amin a pannubngarko. 31  Gapuna, lak-amendanto ti resulta* dagiti aramidda,+Ken sagabaendanto ti resulta ti bukodda a balakad.* 32  Ta matayto dagiti awanan kapadasan gapu iti kinatangken ti uloda,Ken madadaelto dagiti maag gapu iti saanda a panangikankano. 33  Ngem natalgedto ti mangipangag kaniak+Ken awanto ti pagbutnganna a didigra.”+

Footnotes

Lit., “maammuan.”
Wenno “no ania ti umiso.”
Wenno “panagbalin a patas.”
Wenno “nainsiriban.”
Wenno “pangngarig.”
Wenno “nauneg a panagraem.”
Wenno “linteg.”
Wenno “Sheol,” kayatna a sawen, simboliko a pagtungpalan dagiti natay. Kitaem ti Glosario.
Wenno “Kumapponka.”
Wenno “maymaysa ti pagkargaantayo.”
Wenno “kararua.”
Wenno “kararuada.”
Lit., “ulo.”
Wenno “Agbabawikayo no tubngarenkayo.”
Lit., “kanendanto ti bunga.”
Wenno “gandat; plano.”