Zacarias 10:1-12
10 “Pangaro kan Jehova hin uran ha panahon han uran ha katsaringsing.
Hi Jehova an naghihimo han magdakmol nga mga dampog han bagyo,Hiya an nagpapaturo hin uran para ha ira,+Ngan naghahatag hin mga tanom ha tuna para ha ngatanan.
2 Kay an terapim nga mga rebulto* nagyakan hin panlimbong;*Ngan an mga parapanigo nagkaada hin bisyon nga buwa.
Nagyayakan hira hin waray pulos nga mga inop,Ngan kawang la an ira pangalimbasog nga magliaw.
Ito an hinungdan nga magpapatlaag hira pariho hin mga karnero.
Mag-aantos hira, kay waray paraataman hin panon.
3 Naglalaga an akon kasina kontra ha mga paraataman hin panon,Ngan sisirotan ko an matalumpiguson nga mga lider;*Kay hi Jehova han mga hugpo naghatag hin atensyon ha iya panon,+ ha panimalay ni Juda,Ngan ginhimo niya hira nga pariho han iya makusog ngan makaruruyag nga kabayo ha girra.
4 Tikang ha iya an lider,*Tikang ha iya an kabulig nga magmarando,*Tikang ha iya an pan-girra nga bawog;Tikang ha iya nagawas an tagsa nga paramangno,* hira ngatanan tikang ha iya.
5 Ngan magigin sugad hira hin mga girriro,Nagtatamak-tamak ha lapok ha mga kalye dida ha girra.
Makikiggirra hira, kay kaupod nira hi Jehova;+Ngan an mga nasakay ha mga kabayo mahibubutang ha kaarawdan.+
6 Hihimoon ko nga labaw an panimalay ni Juda,Ngan tatalwason ko an panimalay ni Jose.+
Igpapahiuli ko hira,Kay magpapakita ako hin kalooy ha ira;+Ngan magigin sugad hira hin waray ko gud igsalikway;+Kay ako hi Jehova nga ira Dios, ngan babatunon ko hira.
7 An mga kan Efraim magigin pariho hin makusog nga girriro,Ngan an ira kasingkasing magrarayhak nga sugad hin nakainom hin bino.+
Makikita ini han ira mga anak ngan magrarayhak;An ira kasingkasing malilipay tungod kan Jehova.+
8 ‘Magtataghoy ako para ha ira ngan titirukon hira;Kay tutubuson ko hira,+ ngan magdadamu hira,Ngan padayon hira nga magdadamu.
9 Bisan kon iginsarang ko hira pariho hin binhi dida ha mga katawohan,Mahinunumdom hira ha akon dida ha higrayo nga mga lugar;Kaupod an ira mga anak maipapahiuli hira ngan mabalik.
10 Ibabalik ko hira tikang ha tuna han EhiptoNgan titirukon hira tikang ha Asirya;+Dadad-on ko hira ha tuna han Gilead+ ngan Lebanon,Ngan an lugar diri maigo para ha ira.+
11 Maagi hiya ha dagat upod an kasakit;Ngan ha dagat iya babalbagon an mga balud;+An ngatanan nga kahiladman han Nilo mahubas.
An pagpahitaas han Asirya ipapaubos,Ngan an setro han Ehipto mawawara.+
12 Ako mismo, hi Jehova, an maghihimo ha ira nga labaw.+Ngan maglalakat hira ha akon ngaran,’+ nasiring hi Jehova.”
Mga footnote
^ O “mga dios han panimalay; mga idolo.”
^ O “hin may kalabotan ha madyik; hin misteryo.”
^ Lit., “an mga kanding nga lalakí.”
^ Lit., “an torre ha eskina,” representasyon hin importante nga tawo; usa nga lider.
^ Lit., “an sab-itan,” representasyon hin tawo nga nabulig; usa nga magmarando.
^ O “nagdudumara han trabaho.”
