Daniel 12:1-13

  • “Panahon han kataposan” ngan katapos hito (1-13)

    • Hi Miguel matindog (1)

    • Adton may hilarom nga pagsabot masanag (3)

    • Tinuod nga kahibaro magigin hura (4)

    • Hi Daniel matindog ha pagkarawat han iya malon (13)

12  “Durante hito nga panahon matindog* hi Miguel,*+ an harangdon nga prinsipe+ nga natindog para ha kaopayan han imo katawohan.* Ngan may maabot nga panahon han kasakitan nga waray pa mahitabo tikang han nagkaada nasud tubtob hito nga panahon. Ngan durante hito nga panahon an imo katawohan matatalwas,+ an kada tagsa nga nakasurat ha libro.+  Ngan damu han mga nangangaturog ha tapotapo han tuna an magkakamata, an iba ngadto ha kinabuhi nga waray kataposan ngan an iba naman ngadto ha kaalohan ngan ha waray kataposan nga pagtamay.  “Ngan adton may hilarom nga pagsabot masanag hin sugad kalamrag han langit, ngan adton nagtutugway han damu ngadto ha katadongan masanag pariho han mga bitoon, ha kadayonan, oo, ha kadayonan.  “Mahitungod ha imo, Daniel, isekreto an mga pulong, ngan selyuhi an libro tubtob ha panahon han kataposan.+ Damu an magngangadto-nganhi,* ngan magigin hura an tinuod nga kahibaro.”+  Katapos ako, hi Daniel, nagkita ngan may nakita pa ako nga duha nga natindog, an usa dinhi hini nga ligid han salog ngan an usa didto ha luyo nga ligid han salog.+  Katapos an usa nagsiring ha lalaki nga nakasul-ot hin lino,+ nga nakadto ha igbaw han katubigan han salog: “Mationan-o kaiha antes matapos inin urusahon nga mga butang?”  Katapos nabatian ko an lalaki nga nakasul-ot hin lino, nga nakadto ha igbaw han katubigan han salog, samtang igin-aalsa niya ngadto ha langit an iya too nga kamot ngan an iya wala nga kamot ngan nanunumpa hiya ha ngaran Niya nga buhi ha kadayonan:+ “Mahitatabo ini ha sulod han usa ka itinanda nga panahon, itinanda nga mga panahon, ngan tunga hin panahon.* Katapos gud mabungkag an gahum han baraan nga katawohan,+ ini ngatanan nga butang maabot ha kataposan hito.”  Mahitungod naman ha akon, nakabati ako, pero waray ako makasabot;+ salit nagsiring ako: “O ginoo ko, ano an magigin resulta hini nga mga butang?”  Katapos nagsiring hiya: “Lakat, Daniel, kay an mga pulong kinahanglan isekreto ngan selyohan tubtob ha panahon han kataposan.+ 10  Damu an maglilimpyo han ira kalugaringon ngan magpapabusag han ira kalugaringon ngan puputlion.+ Ngan an magraot magbubuhat hin maraot, ngan waray bisan usa han magraot an makakasabot; kondi adton may hilarom nga pagsabot makakasabot.+ 11  “Ngan tikang ha panahon han pagkuha ha regular nga halad*+ ngan han pagpahamutang han mangil-ad nga butang nga hinungdan han kabungkagan,+ magkakaada 1,290 ka adlaw. 12  “Malipayon hiya nga padayon nga nagpapamulat* ngan nakakaabot ha kataposan han 1,335 ka adlaw! 13  “Kondi mahitungod ha imo, magpadayon ka tubtob ha kataposan. Mapahuway ka, pero matindog ka ha pagkarawat han imo malon* ha kataposan han mga adlaw.”+

Mga footnote

O “mabangon.”
Nangangahulogan nga “Hin-o an Pariho han Dios?”
Lit., “han mga anak nga lalaki han imo katawohan.”
O “an mag-uusisa hito [karuyag sidngon, an libro] hin maopay.”
Karuyag sidngon, tulo ngan tunga ka panahon.
O “nagpapadayon nga halad.”
O “nga naghuhulat gud.”
O “ha lugar nga ihahatag ha imo.”