Jobe 38:1-41
38 Foo Jehofa o ne a araba Jobe go tswa mo sefefong+ a re:
2 “Ke mang yono yo o thibelang kgakololo ya meLe yo o buang a se na kitso?+
3 Tsweetswee, ipaakanye mme o dire dilo jaaka monna;Ke tla go botsa, mme wena o mpolelele.
4 O ne o le kae fa ke ne ke thaya lefatshe?+
Mpolelele, fa e le gore o a tlhaloganya.
5 Ke mang yo o neng a le lekanya, fa e le gore o a itse,Kgotsa ke mang yo o neng a otlolola mogala o o lekanyang go le kgabaganya?
6 Metheo ya lone e nweditswe mo go eng,Kgotsa ke mang yo o neng a baya leje la lone la sekhutlo,*+
7 Fa dinaledi tsa moso+ di ne di goa mmogo ka boitumelo,Le fa bomorwa Modimo*+ botlhe ba ne ba simolola go goa ba mmaka?
8 Ke mang yo o thibetseng lewatle ka dikgoro+Fa le ne le betsega le tswa mo popelong,
9 Fa ke ne ke le apesa ka maruKe bo ke le phuthela* mo lefifing le lentshontsho,
10 Fa ke ne ke le tlhomela molelwaneKe bo ke tsenya mephakalego le dikgoro tsa lone,+
11 Le fa ke ne ke re, ‘O ka nna wa tla go fitlha fano, e seng go feta;Makhubu a gago a a ikgogomosang a tla ema fano’?+
12 A o kile* wa laela gore go nne mosoKgotsa wa dira gore bosa bo itse lefelo la jone,+
13 Gore bo tshware dintlha tsa lefatsheLe gore bo tlhotlhore batho ba ba bosula mo go lone?+
14 Le fetolwa jaaka letsopa ka fa tlase ga sekano,*Mme dikarolo tsa lone di tlhomologa jaaka tsa seaparo.
15 Mme lesedi la batho ba ba bosula le tsewa mo go bone,E bile lebogo la bone le le tsholeditsweng le a robega.
16 A o kile wa ya kwa metsweding ya lewatleKgotsa wa batlisisa metsi a a boteng?+
17 A o senoletswe dikgoro tsa loso,+Kgotsa a o kile wa bona dikgoro tsa lefifi le lentshontsho?*+
18 A o tlhaloganya mafelo otlhe mo lefatsheng?+
Mpolelele, fa e le gore o itse dilo tseno tsotlhe.
19 Lesedi le agile ntlheng efe?+
Mme lefifi lone le nna kae?
20 A o ka le isa kwa lefelong la lone,E bile a o itse ditselana tse di yang kwa legaeng la lone?
21 A o itse seno ka gonne o ne o setse o tshotsweLe ka gonne dingwaga* tsa gago di le dintsi?
22 A o kile wa tsena mo mabolokelong a kapoko,+Kgotsa a o kile wa bona mabolokelo a sefako,+
23 Se ke se boloketseng go se dirisa ka nako ya matshwenyego,Go se dirisa ka letsatsi la tlhabano le ntwa?+
24 Lesedi* le phatlalala le tswa kwa ntlheng efe,E bile phefo ya botlhaba e foka mo lefatsheng e tswa kae?+
25 Ke mang yo o diretseng pula melatswana mo loapingA bo a direla leru la diphefo tsa matsubutsubu tselana?+
26 Ke mang yo o dirileng gore pula e ne kwa go sa nneng ope gone,Le gore e ne mo nageng e e se nang batho?+
27 Ke mang yo o kolobeditseng mafelo a a kgakgabetsengA bo a dira gore bojang bo tlhoge?+
28 A pula e na le rre,+Kgotsa rraagwe marothodi a monyo ke mang?+
29 Dikgapetla di tswa mo popelong ya ga mang,Mme ke mang yo o belegeng mouwane o o tsididi wa legodimo?+
30 Ke mang yo o dirileng gore metsi a khurumediwe jaaka e kete a khurumeditswe ka leje?
Ke mang yo o dirileng gore bogodimo jwa metsi a a boteng bo gatsele thata?+
31 A o ka bofa dikgole tsa lesomosomo la dinaledi la Kima*Kgotsa wa bofolola megala ya lesomosomo la dinaledi la Kesile?*+
32 A o ka laela lesomosomo la dinaledi* mo pakeng ya loneKgotsa wa kaela lesomosomo la dinaledi la Ashe* mmogo le bomorwaalone?
33 A o itse melao e e laolang magodimo,+Kgotsa a o ka dira gore e* laole lefatshe?
34 A o ka tsholeletsa lentswe la gago kwa marungWa dira gore pula e kgolo e go nele?+
35 A o ka kgona go romela dikgadima?
A di tla tla di bo di go raya di re, ‘Ke rona bano!’?
36 Ke mang yo o tsentseng botlhale mo marung*+Kgotsa yo o neileng dikgakgamatso tsa loapi* tlhaloganyo?+
37 Ke mang yo o botlhale thata mo a ka balang maru,Kgotsa ke mang yo o ka tshololang dinkgo tsa metsi tsa legodimo?+
38 Ke mang yo o dirang gore lorole lo tshologele mo seretsengLe gore makwete a mmu a ngaparelane?
39 A o ka tsomela tau phologoloKgotsa wa naya ditawana dijo?+
40 Fa di bataletse mo dikutleng* tsa tsoneKgotsa di rapame mo mengobong ya tsone di laletse, a o ka di fepa?
41 Ke mang yo o baakanyetsang legakabe dijo+Fa mamphorwana a lone a goela kwa Modimong a kopa thusoE bile a kgarakgatshega ka gonne go se na sepe se a ka se jang?
Dintlha Tse di Kwa Tlase
^ Bona Ditlhaloso Tsa Mafoko.
^ Sekapuo sa Sehebera se se kayang barwa ba Modimo ba baengele.
^ Kgotsa “hapa.”
^ Seheb., “mo malatsing a gago o ne.”
^ Bona Ditlhaloso Tsa Mafoko.
^ Kgotsa “moriti wa loso.”
^ Seheb., “malatsi.”
^ Kgotsa gongwe “Legadima.”
^ Gongwe ke dinaledi tsa Selemela mo lesomosomong la dinaledi la Taurus.
^ Gongwe ke lesomosomo la dinaledi la Orione (Orion).
^ Seheb., “Masarothe.” Mo go 2Dik 23:5, lefoko le le amanang le lone le le mo bontsing le kaya masomosomo a dinaledi tsa sodiake.
^ Gongwe ke lesomosomo la dinaledi la Bera e Kgolo (Ursa Major).
^ Kgotsa gongwe “gore Modimo a.”
^ Kgotsa gongwe “mo mothong.”
^ Kgotsa gongwe “mogopolo.”
^ Kgotsa “mo dilaong.”
