Jobe 10:1-22

  • Jobe o tswelela a bua (1-22)

    • ‘Ke eng fa Modimo a lwa le nna?’ (2)

    • Modimo o bapisiwa le Jobe (4-12)

    • ‘E kete nka imologa’ (20)

10  “Ke tlhoile botshelo jwa me.+ Ke tla ntsha dingongorego tsa me. Ke tla bua ke utlwile botlhoko!  2  Ke tla raya Modimo ke re: ‘O se ka wa ntshekisa o re ke molato. Mpolelele gore ke eng fa o lwa le nna.  3  A o solegelwa molemo ke go nkgatelela,Ke go nyatsa tiro ya diatla tsa gago+Fa o ntse o amogela kgakololo ya batho ba ba bosula?  4  A o na le matlho a motho,Kgotsa a o bona jaaka motho a bona?  5  A malatsi a gago a ntse fela jaaka a batho,Kgotsa a dingwaga tsa gago di ntse jaaka tsa motho,+  6  Gore o batle molato wa meLe gore o nne o senka boleo jwa me?+  7  O a itse gore ga ke molato;+Mme ga go na ope yo o ka nkgololang mo seatleng sa gago.+  8  Diatla tsa gago di mpopile tsa bo tsa ntira,+Mme jaanong o tla nnyeletsa.  9  Tsweetswee, gakologelwa gore o ntirile ka letsopa,+Mme jaanong o dira gore ke boele mo loroleng.+ 10  A ga o a ntsholola jaaka mashiWa bo wa nthemisa jaaka tšhisi? 11  O ne wa nkapesa ka letlalo le nama,Wa bo wa ntoga ka marapo le mesifa.+ 12  O nneile botshelo le lorato lo lo sa kgaotseng;O ntisitse* e bile o ntlhokometse.+ 13  Mme o ne wa ikaelela go dira dilo tseno mo sephiring.* Ke a itse gore dilo tseno di tswa kwa go wena. 14  Fa e le gore ke ne ke leofile, o ne o tla mpona,+E bile o ne o ka se nkgolole mo boleong jwa me. 15  Fa e le gore ke molato, ruri ke utlwisa botlhoko! Tota le fa e le gore ga ke molato, nka se kgone go tsholetsa tlhogo,+Gonne ke tletse tlontlologo le pogisego.+ 16  Fa ke tsholetsa tlhogo, o tla ntsoma jaaka tau+O bo o dirisa maatla a gago gape gore o nkutlwise botlhoko. 17  O tlisa basupi ba gago ba bangwe fa pele ga meE bile o nkgalefela tota,Fa ke ntse ke tlelwa ke mathata ka go tlhomagana. 18  Ka jalo, goreng o ne wa nketsha* mo popelong?+ Nkabo ke ile ka swa pele ga ke bonwa ke ope. 19  Go ne go tla nna jaaka e kete ga ke ise nke ke nne teng;Nkabo ke ile ka ntshiwa mo popelong ke bo ke isiwa kwa lebitleng.’ 20  A malatsi a me ga a mmalwa?+ A a ntlogele;A a fapose matlho a gagwe mo go nna, gore ke tle ke imologe*+ 21  Pele ga ke tsamaya ke ya kwa lefelong le ke se kitlang ke boa kwa go lone,+Ke ya kwa lefatsheng la lefifi le lentshontsho,*+ 22  Ke ya kwa lefatsheng la maru a mantshontsho,Lefatshe la moriti o montsho le tlhakatlhakano,Kwa tota le lesedi le tshwanang le letobo.”

Dintlha Tse di Kwa Tlase

Kgotsa “O disitse mohemo wa me; botshelo jwa me.”
Seheb., “Mme dilo tseno o di fitlhile mo pelong ya gago.”
Kgotsa “nkentsha.”
Kgotsa “ke itumele go se kae.”
Kgotsa “la lefifi le moriti wa loso.”