Jobe 22:1-30
22 Elifase+ wa Motemane o ne a araba a re:
2 “A motho a ka nna le mosola mo Modimong?
A motho yo o nang le temogo a ka thusa Modimo?+
3 A Mothatayotlhe o a kgathala* go bo o siame,Kgotsa a o boelwa ke sengwe ka gonne o latela tsela ya go tlhoka molato?*+
4 A o tla go otlhayaA bo a tsena le wena mo tshekong ka gonne o mmoifa?
5 A ga se ka gonne bosula jwa gago bo le bogolo thataE bile go sa tle gore melato ya gago e fele?+
6 Gonne o dira gore bomorwarrago ba go neye peeletso kwantle ga lebaka,E bile o apola batho diaparo tsa bone, o ba tlogela ba sa apara.*+
7 Ga o neye yo o lapileng metsi gore a nwe,E bile ba ba tshwerweng ke tlala o ba tima dijo.+
8 Lefatshe ke la motho yo o nonofileng,+Mme yo o ratiwang o nna mo go lone.
9 Le fa go ntse jalo, o tsamaisitse batlholagadi ba iphotlhere,E bile o utlwisitse dikhutsana* botlhoko.
10 Ke gone ka moo o dikologilweng ke dirai,*+E bile o boifisiwang ke letshogo le le go wetseng ka tshoganyetso;
11 Ke gone ka moo go leng lefifi thata mo o sa kgoneng go bona,E bile o khurumeditswe ke morwalela wa metsi.
12 A Modimo ga a kwa godimodimo kwa legodimong?
Mme bona gore dinaledi tsotlhe di kwa godimo jang.
13 Mme gone o ne wa re: ‘Tota Modimo o itse eng?
A a ka atlhola mo lefifing le lentshontsho?
14 Maru a mo sirile gore a se ka a bonaFa a ntse a tsamayatsamaya mo phaposaneng* ya legodimo.’
15 A o tla latela tselana ya bogologoloE batho ba ba bosula ba tsamaileng mo go yone,
16 Batho ba ba neng ba tsubulwa* pele ga nako,Ba motheo wa bone o neng wa gogolwa ke morwalela?*+
17 Ba ne ba raya Modimo wa boammaaruri ba re: ‘Re tlogele!’
Ba bo ba re ‘Mothatayotlhe a ka re dirang?’
18 Le fa go ntse jalo, ke Ene a tladitseng matlo a bone ka dilo tse dintle.
(Ga ke akanye ka tsela eo e e bosula.)
19 Basiami ba tla bona seno ba bo ba itumela,Mme ba ba se nang molato ba tla ba sotla ba bo ba re:
20 ‘Baganetsi ba rona ba nyeleditswe,Mme molelo o tla laila masalela a bone.’
21 Itse Modimo mme o tla nna le kagiso;Foo dilo tse di molemo di tla go tlela.
22 Amogela molao o o tswang mo molomong wa gagwe,Mme o boloke mafoko a gagwe mo pelong ya gago.+
23 Fa o boela kwa go Mothatayotlhe, o tla tsosolosiwa;+Fa o tlosa se se sa siamang mo tenteng ya gago,
24 Fa o ne o ka latlhela gauta ya gago mo lorolengLe gauta ya Ofire+ mo mekgatšheng* e e tletseng matlapa,
25 Foo Mothatayotlhe o tla nna gauta ya gago,E bile o tla nna selefera ya gago e e di gaisang tsotlhe.
26 Gonne ka nako eo o tla itumelela Mothatayotlhe,Mme o tla tsholeletsa sefatlhego sa gago kwa Modimong.
27 O tla mo kopa ka tlhoafalo, mme o tla go utlwa;Mme o tla duela maikano a gago.
28 Sepe fela se o batlang go se dira se tla atlega,Mme lesedi le tla phatsima mo tselaneng ya gago.
29 Gonne o tla kokobediwa fa o bua ka boikgodiso,Le fa go ntse jalo, o tla boloka ba ba boikokobetso.*
30 O tla namola ba ba se nang molato;Ka jalo, fa e le gore diatla tsa gago di phepa, ruri o tla namolwa.”
Dintlha Tse di Kwa Tlase
^ Kgotsa “itumela.”
^ Kgotsa “o ikanyega mo Modimong?”
^ Seheb., “o apola diaparo tsa batho ba ba sa aparang.”
^ Seheb., “bana ba ba se nang borre.”
^ Seheb., “dirai tsa dinonyane.”
^ Kgotsa “mo kgolokweng.”
^ Kgotsa “ba matshelo a bone a neng a khutshwafadiwa.”
^ Seheb., “noka.”
^ Kgotsa “melapong.”
^ Kgotsa “ba ba digileng matlho.”
