Jobe 37:1-24
37 “Ka ntlha ya seno, pelo ya me e a itayaE bile e tlola go tswa mo lefelong la yone.
2 Reetsang ka kelotlhoko go kurutla ga lentswe la gagweLe tumo ya maru e e tswang mo molomong wa gagwe.
3 O a e tlogela gore e anamele ka fa tlase ga magodimo otlheE bile o romela legadima la gagwe+ go ela kwa bofelelong jwa lefatshe.
4 Morago ga moo go utlwala modumo wa go kurutla;O duma ka lentswe le le maatla,+Mme ga a o thibele fa lentswe la gagwe le utlwala.
5 Modimo o duma ka lentswe la gagwe+ ka tsela e e gakgamatsang;O dira dilo tse dikgolo tse re ka se di tlhaloganyeng.+
6 Gonne o raya kapoko a re, ‘Wela kwa lefatsheng,’+
O raya le pula e kgolo a re, ‘Tshologa thata.’+
7 Modimo o emisa ditiro tsotlhe tsa motho*Gore motho mongwe le mongwe a tle a itse tiro ya Gagwe.
8 Diphologolo tsa naga di ya kwa mengobong ya tsone,Di bo di tswelela di le mo dikutleng* tsa tsone.
9 Phefo ya matsubutsubu e foka e tswa mo phaposing ya yone,+Le serame se tswa mo diphefong tsa bokone.+
10 Metsi a nna dikgapetla* ka mohemo wa Modimo,+Mme metsi a a bophara a gatsetse thata.+
11 O tlatsa maru ka bongola;O gasamisa legadima la gagwe+ mo marung;
12 A itsoketsa a ya kwa a a kaelang gone;A diragatsa sepe fela se a laelang+ gore a se dire mo lefatsheng.*
13 O dirisa maru go tlisa katlholo*+ kgotsa go nosetsa lefatshe,Kgotsa ka ntlha ya lorato lwa gagwe lo lo sa kgaotseng.+
14 Reetsa seno Jobe;Ema mme o sekaseke ka kelotlhoko ditiro tse di gakgamatsang tsa Modimo.+
15 A o itse gore Modimo o laola* maru jangLe gore o dira jang gore legadima le phatsime le tswa mo lerung la gagwe?
16 A o itse gore maru a kokobala jang?+
Tseno ke ditiro tse di gakgamatsang tsa yo o itseng sengwe le sengwe.+
17 Goreng diaparo tsa gago di nna mogoteFa lefatshe le sisibetse ka ntlha ya phefo ya borwa?+
18 A wena o ka tsharolola* loapi+ mmogo le eneGore le nne thata jaaka seipone sa tshipi?
19 Re bolelele se re tshwanetseng go se mo raya;Re ka se kgone go araba ka gonne re mo lefifing.
20 A o tshwanetse go bolelelwa gore ke batla go bua?
Kgotsa a mongwe o buile sengwe se se tshwanetseng go tlotliwa le ene?+
21 Tota batho ga ba bone lesedi*Le fa gone le phatsima mo loaping,Go fitlha phefo e feta e bo e tlosa maru.
22 Bontlentle jwa gauta bo tla bo tswa kwa bokone;Bogolo jwa Modimo+ bo a boitshega.
23 Ga re ka ke ra kgona go tlhaloganya Mothatayotlhe;+O na le maatla a magolo,+E bile ga a ke a tlhoka go diragatsa tshiamiso ya gagwe+ le tshiamo ya gagwe e kgolo.+
24 Ka jalo, batho ba tshwanetse go mmoifa.+
Gonne ga a amogele bape ba ba ithayang ba re ba botlhale.”*+
Dintlha Tse di Kwa Tlase
^ Seheb., “o baya letshwao mo seatleng sa motho mongwe le mongwe.”
^ Kgotsa “mo dilaong.”
^ Kgotsa “aese.”
^ Kgotsa “mo nageng e e ungwang ya lefatshe.”
^ Seheb., “thobane.”
^ Kgotsa “laela.”
^ Kgotsa “thula.”
^ Go tewa la letsatsi.
^ Seheb., “ba ba botlhale mo dipelong tsa bone.”
