Jobe 17:1-16
17 “Moya wa me o utlwile botlhoko, malatsi a me a fedile;Lebitla le nkemetse.+
2 Ke dikologilwe ke basotli,+Mme leitlho la me le tshwanelwa ke go leba* boitshwaro jwa bone jwa botlhanogi.
3 Ke kopa o ntsholofetse gore o tla ntshegetsa.
Ke mang gape yo o ka nthusang?+
4 O dirile gore ba se ka ba nna le temogo;+Ke sone se o sa ba tlotlomatseng.
5 Ba ka nna ba ithaopela go abela ditsala tsa bone,Fa matlho a bana ba bone one a koafala.
6 Modimo o dirile gore batho ba ntshotle,*+Mo ke neng ka nna motho yo sefatlhego sa gagwe se kgwelwang mathe.+
7 Matlho a me a nna letobo ka ntlha ya khutsafalo,+Mme mabogo le maoto a me a masesane.
8 Batho ba ba ikanyegang ba rotolela seno matlho ba gakgametse,E bile yo o se nang molato o a tshwenyega ka ntlha ya yo o sa dumeleng mo Modimong.*
9 Mosiami o nna a ngangatletse tsela ya gagwe,+Mme yo o diatla di phepa o nna a nonofela pele.+
10 Le fa go ntse jalo, lotlhe lo ka nna lwa tla mme lwa simolola go ganetsana le nna,Gonne ga ke ise ke bone ope yo o botlhale mo go lona.+
11 Malatsi a me a fedile;+Go fedile ka dithulaganyo tsa me, e leng dikeletso tsa pelo ya me.+
12 Ba nna ba fetola bosigo gore e nne motshegare,Ba re, ‘Lesedi le tshwanetse la bo le le gaufi ka gonne go lefifi.’
13 Fa ke leta, Lebitla* e tla nna legae la me;+Ke tla robala teng mo lefifing.+
14 Ke tla tlhaeletsa lebitla+ ke re, ‘O rre!’
Le seboko ke re, ‘O mmê le morwadiarre!’
15 Jaanong tsholofelo ya me e kae?+
Ke mang yo o tla mpolelelang gore ke tla tshela ka boitumelo?
16 E* tla fologela kwa dikgorong tsa Lebitla* tse di nang le mephakalego,Fa rotlhe fela re fologela mmogo kwa loroleng.”+
Dintlha Tse di Kwa Tlase
^ Kgotsa “tsepama mo.”
^ Seheb., “o ntirile seane sa ditšhaba.”
^ Kgotsa “ya motlhanogi.”
^ Kgotsa “Sheole.” Bona Ditlhaloso Tsa Mafoko.
^ Go tewa tsholofelo ya me.
^ Kgotsa “Sheole.” Bona Ditlhaloso Tsa Mafoko.
