Jobe 36:1-33
-
Elihu o tlotlomatsa bogolo jwa Modimo (1-33)
36 Elihu o ne a tswelela a re:
2 “Ke kopa gore o se ka wa mphelela pelo fa ke ntse ke tlhalosaGonne ke sa ntse ke na le se nka se buang ke buelela Modimo.
3 Ke tla bua sotlhe se ke se itseng,Mme ke tla kaya gore Modiri wa me ke ene yo o siameng.+
4 Ruri mafoko a me ga se maaka;Mafoko ano a tswa kwa go yo o itseng sengwe le sengwe.+
5 Eleruri Modimo o maatla+ e bile ga a gane ope;O na le maatla a magolo a go tlhaloganya.*
6 Ga a kitla a boloka matshelo a batho ba ba bosula,+Mme o direla ba ba bogisiwang tshiamiso.+
7 Ga a tlose matlho a gagwe mo basiaming;+O ba baya le dikgosi,*+ mme ba tlotlomadiwa ka bosakhutleng.
8 Mme fa ba bofiwa ka dikeetaneBa bo ba tshwarwa ka megala ya pogisego,
9 O ba senolela se ba se dirileng,O ba senolela maleo a ba a dirileng ka ntlha ya go bo ba ikgogomosa.
10 O bula ditsebe tsa bone gore di reetse kgalemeloA bo a ba bolelela gore ba tlogele go dira se se phoso.+
11 Fa ba mo ikobela e bile ba mo direla,Ba tla atlega botshelo jwa bone jotlhe,Mme botshelo jwa bone bo tla itumedisa.+
12 Mme fa ba sa mo ikobele, ba tla nyelediwa ka tšhaka*+E bile ba tla swa ba se na kitso.
13 Ba ba sa dumeleng mo Modimong* ba a galefa.
Ga ba kope thuso, tota le fa a ba otlhaya.
14 Ba swa ba sa ntse ba le bannye,+Ba fetsa* botshelo jwa bone ba na le bagwebakammele ba banna ba mo tempeleng.+
15 Mme Modimo o golola ba ba bogisiwang ka nako ya fa ba bogisiwa;O dira gore ba mo reetse fa ba gatelelwa.
16 O go goga a go ntsha mo matshwenyegong+A bo a go isa kwa lefelong le le bulegileng, le le sa pitlaganang,+Le na le dijo tse di monate mo tafoleng ya gago gore a go gomotse.+
17 Foo o tla kgotsofadiwa ke katlholo e e tla tlelang batho ba ba bosula,+Fa go ntshiwa katlholo e bile go diragadiwa tshiamiso.
18 Le fa go ntse jalo, o ikele tlhoko gore bogale bo se ka jwa dira gore o nne le letlhoo,*+E bile o se ka wa letla gore pipamolomo e ntsi e go timetse.
19 A go goa ga gago o kopa thusoKgotsa maiteko ape fela a o a dirang ka natla a ka dira gore o se ka wa nna le matshwenyego?+
20 O se ka wa tlhologelelwa gore go nne bosigo,Fa batho ba nyelela mo mafelong a bone.
21 O ele tlhoko gore o se ka wa fapoga mme wa dira bosula,Gonne o tlhopha seno go na le pogisego.+
22 Modimo o na le maatla a magolo thata;Ke motlhatlheledi ofe yo o tshwanang le ene?
23 Ke mang yo o neng a kaela* tsela ya gagwe,+Kgotsa a mo raya a re, ‘Se o se dirileng ga se a siama’?+
24 Gakologelwa go tlotlomatsa tiro ya gagwe,+E batho ba opetseng ka yone.+
25 Batho botlhe ba e bone,Motho o e leba a le kgakala.
26 Modimo o mogolo thata go feta kafa re ka itseng ka gone;+Dingwaga tsa gagwe ga di ka ke tsa balega.*+
27 O gogela marothodi a metsi kwa godimo;+A fetoga pula e e tswang mo mouwaneng wa gagwe;
28 Go tswa foo, maru a rothisa pula,+A e nesetsa batho.
29 A mongwe a ka tlhaloganya tsela e maru a tlhatlaganeng ka yone,Ditumo tsa maru tse di tswang mo tenteng* ya gagwe?+
30 Bona kafa a tsharololelang ka gone legadima* la gagwe+ mo godimo ga yone,A bo a khurumetsa boteng* jwa lewatle.
31 O tlamela* ditšhaba a dirisa dilo tseno;O di naya letlepu la dijo.+
32 O khurumetsa legadima ka diatla tsa gagwe,E bile o le laela gore le ye kwa a batlang teng.+
33 Tumo ya gagwe ya maru e a mo tlhalosa,Tota le diruiwa di a bolela gore ke mang* yo o tlang.
Dintlha Tse di Kwa Tlase
^ Seheb., “a pelo.”
^ Kgotsa gongwe “O tlhoma dikgosi.”
^ Kgotsa “ka sebetsa (mmisaele).”
^ Kgotsa “Batlhanogi.”
^ Kgotsa gongwe “khutlisa.”
^ Kgotsa “o ope diatla ka letlhoo.”
^ Kgotsa gongwe “a kgala; a mo sekisetsa.”
^ Kgotsa “tsa hukutsega.”
^ Seheb., “mo loobong.”
^ Seheb., “lesedi.”
^ Seheb., “medi.”
^ Kgotsa gongwe “O seka kgetsi ya.”
^ Kgotsa gongwe “ke eng.”
